مەملەكەت باسشىسى قاسىم-جومارت توقاەۆ رەسپۋبليكالىق بيۋدجەتتٸڭ اتقارىلۋىن باقىلاۋ جٶنٸندەگٸ ەسەپ كوميتەتٸنٸڭ تٶرايىمى ناتاليا گودۋنوۆانى قابىلدادى, دەپ حابارلايدى اقوردانىڭ باسپاسٶز قىزمەتٸ.
ەسەپ كوميتەتٸنٸڭ تٶرايىمى قازاقستان پرەزيدەنتٸ قاسىم-جومارت توقاەۆقا 2020-2022 جىلدارعا ارنالعان رەسپۋبليكالىق بيۋدجەت جوباسىن باعالاۋدىڭ الدىن-الا قورىتىندىلارى جٶنٸندە باياندادى.
ناتاليا گودۋنوۆا پرەزيدەنتكە ٷش جىلعا بٶلٸنگەن 583 ميلليارد تەڭگە قارجىنى تيٸمدٸ پايدالانۋ تۋرالى ەسەپ كوميتەتٸنٸڭ ٷكٸمەتكە جاساعان ۇسىنىسى جٶنٸندە ايتتى. اتالعان قاراجاتتىڭ 283 ميلليارد تەڭگەسٸ 2020 جىلى يگەرٸلەدٸ.
كەزدەسۋ قورىتىندىسى بويىنشا قاسىم-جومارت توقاەۆ ناتاليا گودۋنوۆاعا بٸرقاتار ناقتى تاپسىرما بەردٸ.
