الماتىدا دەرٸگەرلەر سەگٸزكٶز-قۇيىمشاق تۇسىندا سالماعى 2 كەلٸ بولاتىن الىپ ٸسٸگٸ بار نەرەستەگە كٷردەلٸ وتا جاساپ, ونىڭ ٶمٸرٸن ساقتاپ قالدى, دەپ حابارلايدى ult.kz.
قىز بالا تامىزدىڭ 18-ٸندە سالماعى 4 كەلٸدەن اساتىن ٷلكەن تٷزٸلٸسپەن دٷنيەگە كەلگەن. تۋا بٸتكەن ٸسٸك جٷكتٸلٸكتٸڭ 20-اپتاسىندا جٷرگٸزٸلگەن سكرينينگ كەزٸندە انىقتالعان.
نەرەستە تۋعاننان بٸرنەشە ساعاتتان كەيٸن نەوناتالدىق رەانيماتولوگتار مەن حيرۋرگتەردەن قۇرالعان توپ ونى الماتى بالالار شۇعىل مەديتسينالىق كٶمەك كٶرسەتۋ ورتالىعىنا جەتكٸزدٸ. كەلەسٸ كٷنٸ دەرٸگەرلەر وتا جاساپ, ٸسٸكتٸ الىپ تاستادى.
دەرٸگەرلەردٸڭ ايتۋىنشا, ٸسٸك 2 كەلٸ بولعان. بۇل نەرەستەنٸڭ تۋعان كەزدەگٸ سالماعىنىڭ شامامەن جارتىسىنا تەڭ. تەراتومانىڭ قۇرامىندا سٷيەك, جۇمساق تٸندەر جەنە كيستوزدى قۋىستار بولعان.
وتا ەكٸ ساعاتتان استام ۋاقىتقا سوزىلدى. حيرۋرگتەر ٸسٸكتٸ الىپ تاستاعاننان كەيٸن بٸردەن پلاستيكالىق قالپىنا كەلتٸرۋ وپەراتسيياسىن جاساعان. قازٸر نەرەستەنٸڭ جاعدايى جاقسى, ول ٷيٸنە شىعۋعا دايىندالىپ جاتىر.
بالانىڭ اناسى جٷكتٸلٸكتٸڭ 34-اپتاسىندا كەسار تٸلٸگٸ ارقىلى بوسانعانىن ايتتى. ونىڭ سٶزٸنشە, بۇل — تٶرت ۇلدان كەيٸن كٶپتەن كٷتكەن قىزى.
سەگٸزكٶز-قۇيىمشاق تەراتوماسى — نەرەستەلەردە كەزدەسەتٸن تۋا بٸتكەن ٸسٸكتەردٸڭ بٸرٸ. ول انا قۇرساعىندا قالىپتاسىپ, بالا ٶسكەن سايىن ۇلعايۋى مٷمكٸن. كەي جاعدايدا ٶمٸرلٸك ماڭىزدى اعزالاردىڭ جۇمىسىنا ەسەر ەتٸپ, اۋىر اسقىنۋلارعا ەكەلەدٸ.
جىل باسىنان بەرٸ الماتىداعى بالالار شۇعىل مەديتسينالىق كٶمەك كٶرسەتۋ ورتالىعىنىڭ جاڭا تۋعان نەرەستەلەر بٶلٸمٸنە 96 بالا جەتكٸزٸلگەن. ونىڭ 72-سٸنە حيرۋرگييالىق ەم قاجەت بولعان.
