شىعىس قازاقستان وبلىسىندا قىلمىستىق-اتقارۋ جٷيەسٸ مەكەمەسٸنە تىيىم سالىنعان زاتتاردى جەتكٸزۋ ەرەكەتٸنٸڭ جولى كەسٸلدٸ, دەپ حابارلايدى ult.kz.
Polisia.kz مەلٸمەتٸنشە, شقو بويىنشا قىلمىستىق-اتقارۋ جٷيەسٸ دەپارتامەنتٸنە قاراستى مەكەمەلەردٸڭ بٸرٸندە ازىق-تٷلٸك سەلەمدەمەسٸن تەكسەرۋ كەزٸندە قىزمەتكەرلەر بٶلكە ناننىڭ ٸشٸنە جاسىرىلعان ەكٸ ۇيالى تەلەفوندى انىقتادى.
تەركٸلەنگەن زاتتارعا قاتىستى تيٸستٸ ماتەريالدار رەسٸمدەلدٸ.
ۆەدومستۆونىڭ مەلٸمەتٸنشە, قازاقستان رەسپۋبليكاسىنىڭ ەكٸمشٸلٸك قۇقىق بۇزۋشىلىق تۋرالى كودەكسٸنٸڭ 481-بابىنا سەيكەس, قىلمىستىق-اتقارۋ جٷيەسٸ مەكەمەلەرٸندە ۇستالاتىن ادامدارعا تىيىم سالىنعان زاتتاردى بەرۋ نەمەسە ولاردى جەتكٸزۋگە ەرەكەت جاساۋ ەكٸمشٸلٸك جاۋاپكەرشٸلٸككە ەكەپ سوعادى.
قاج دەپارتامەنتٸ مۇنداي زاڭسىز ەرەكەتتەردٸڭ ارا-تۇرا تٸركەلەتٸنٸن اتاپ ٶتتٸ. الايدا مەكەمە قىزمەتكەرلەرٸنٸڭ قىراعىلىعى مەن سەلەمدەمەلەردٸ مۇقييات تەكسەرۋدٸڭ ارقاسىندا تىيىم سالىنعان زاتتاردىڭ رەجيمدٸك نىسان اۋماعىنا ٶتكٸزٸلۋٸنە جول بەرٸلمەي كەلەدٸ.
شقو بويىنشا قاج دەپارتامەنتٸنٸڭ رەسمي ٶكٸلٸ سالتانات وجيكانوۆانىڭ ايتۋىنشا, ۇيالى تەلەفوندار مەن باسقا دا تىيىم سالىنعان زاتتاردى زاڭسىز جەتكٸزۋ مەكەمەدەگٸ قاۋٸپسٸزدٸككە جەنە سوتتالعانداردىڭ جازانى ٶتەۋ تەرتٸبٸنە ەلەۋلٸ قاۋٸپ تٶندٸرەدٸ.
– ازاماتتاردى زاڭ تالاپتارىن قاتاڭ ساقتاۋعا شاقىرامىز. قىلمىستىق-اتقارۋ جٷيەسٸ مەكەمەلەرٸنە تىيىم سالىنعان زاتتاردى جەتكٸزۋگە نەمەسە جەتكٸزۋگە ەرەكەت جاساعانى ٷشٸن ەكٸمشٸلٸك جاۋاپكەرشٸلٸك كٶزدەلگەن, – دەدٸ ۆەدومستۆونىڭ رەسمي ٶكٸلٸ.
