Shyǵys Qazaqstan oblysynda qylmystyq-atqarý júiesi mekemesine tyiym salynǵan zattardy jetkizý áreketiniń joly kesildi, dep habarlaidy ult.kz.
Polisia.kz málimetinshe, ShQO boiynsha Qylmystyq-atqarý júiesi departamentine qarasty mekemelerdiń birinde azyq-túlik sálemdemesin tekserý kezinde qyzmetkerler bólke nannyń ishine jasyrylǵan eki uialy telefondy anyqtady.
Tárkilengen zattarǵa qatysty tiisti materialdar rásimdeldi.
Vedomstvonyń málimetinshe, Qazaqstan Respýblikasynyń Ákimshilik quqyq buzýshylyq týraly kodeksiniń 481-babyna sáikes, qylmystyq-atqarý júiesi mekemelerinde ustalatyn adamdarǵa tyiym salynǵan zattardy berý nemese olardy jetkizýge áreket jasaý ákimshilik jaýapkershilikke ákep soǵady.
QAJ departamenti mundai zańsyz áreketterdiń ara-tura tirkeletinin atap ótti. Alaida mekeme qyzmetkerleriniń qyraǵylyǵy men sálemdemelerdi muqiiat tekserýdiń arqasynda tyiym salynǵan zattardyń rejimdik nysan aýmaǵyna ótkizilýine jol berilmei keledi.
ShQO boiynsha QAJ departamentiniń resmi ókili Saltanat Ojikanovanyń aitýynsha, uialy telefondar men basqa da tyiym salynǵan zattardy zańsyz jetkizý mekemedegi qaýipsizdikke jáne sottalǵandardyń jazany óteý tártibine eleýli qaýip tóndiredi.
– Azamattardy zań talaptaryn qatań saqtaýǵa shaqyramyz. Qylmystyq-atqarý júiesi mekemelerine tyiym salynǵan zattardy jetkizýge nemese jetkizýge áreket jasaǵany úshin ákimshilik jaýapkershilik kózdelgen, – dedi vedomstvonyń resmi ókili.
