«قازگيدرومەت» رمك ەلٸمٸزدٸڭ بٸرنەشە ٶڭٸرٸنە قاتىستى داۋىلدى ەسكەرتۋ جارييالاپ, الداعى كٷندەرٸ قاتتى ىستىق, نايزاعاي, بۇرشاق جەنە ەكپٸندٸ جەل كٷتٸلەتٸنٸن مەلٸمدەدٸ, دەپ حابارلايدى ult.kz.
سينوپتيكتەردٸڭ بولجامىنشا, 22-30 ماۋسىم ارالىعىندا قازاقستاننىڭ ورتالىق, شىعىس جەنە وڭتٷستٸك-شىعىس ٶڭٸرلەرٸندە اپتاپ ىستىق ساقتالادى. ۇلىتاۋ, قاراعاندى, اقمولا, پاۆلودار, اباي, شىعىس قازاقستان, الماتى جەنە جەتٸسۋ وبلىستارىندا اۋا تەمپەراتۋراسى كٷندٸز 30-38 گرادۋسقا دەيٸن كٶتەرٸلەدٸ.
ال قاراعاندى, پاۆلودار جەنە الماتى وبلىستارىنىڭ جەكەلەگەن اۋداندارىندا سىناپ باعانى 40-41 گرادۋسقا دەيٸن جەتٸپ, ٶتە قاتتى ىستىق بولادى دەپ كٷتٸلۋدە.
ماماندار مۇنداي جوعارى تەمپەراتۋراعا بايلانىستى اتالعان ٶڭٸرلەردٸڭ باسىم بٶلٸگٸندە جوعارى جەنە تٶتەنشە ٶرت قاۋپٸ ساقتالاتىنىن ەسكەرتتٸ.
نايزاعاي, بۇرشاق جەنە داۋىل كٷتٸلەدٸ
24 ماۋسىمدا ەلٸمٸزدٸڭ كٶپتەگەن وبلىستارىندا اۋا رايىنىڭ كٷرت قۇبىلۋى بولجانىپ وتىر. استانا قالاسىندا جاڭبىر جاۋىپ, نايزاعاي وينايدى, كٷندٸز بۇرشاق تٷسٸپ, داۋىل بولۋى مٷمكٸن. جەلدٸڭ ەكپٸنٸ 15-20 م/س-قا دەيٸن جەتەدٸ.
سونداي-اق اقمولا, سولتٷستٸك قازاقستان, پاۆلودار, قاراعاندى, اباي جەنە شىعىس قازاقستان وبلىستارىندا جاڭبىر, نايزاعاي, بۇرشاق جەنە داۋىل كٷتٸلەدٸ. كەي جەرلەردە قاتتى جاڭبىر جاۋىپ, جەلدٸڭ جىلدامدىعى 23-28 م/س-قا دەيٸن كٷشەيۋٸ ىقتيمال.
الماتى, جەتٸسۋ, جامبىل جەنە تٷركٸستان وبلىستارىندا دا ٶتكٸنشٸ جاڭبىر مەن نايزاعاي بولجانعان. تاۋلى جەنە تاۋ بٶكتەرٸندەگٸ اۋدانداردا جەل كٷشەيٸپ, كەي ٶڭٸرلەردە داۋىل بولۋى مٷمكٸن.
شاڭدى داۋىل بولاتىن ٶڭٸرلەر
سولتٷستٸك قازاقستان, پاۆلودار, اباي جەنە ماڭعىستاۋ وبلىستارىنىڭ جەكەلەگەن اۋداندارىندا شاڭدى داۋىل كٷتٸلەدٸ. بۇل ۋاقىتتا تۇرعىندارعا الىس جولعا شىققاندا ساقتىق شارالارىن ساقتاۋ ۇسىنىلادى.
قىزىلوردا وبلىسىندا جەلدٸڭ ەكپٸنٸ 15-20 م/س-قا دەيٸن كٷشەيسە, اقتٶبە, اتىراۋ, باتىس قازاقستان جەنە قوستاناي وبلىستارىندا جاڭبىر مەن نايزاعاي بولجانىپ وتىر.
تۇرعىندارعا ەسكەرتۋ
تٶتەنشە جاعدايلار قىزمەتٸ ازاماتتاردى اۋا رايىنىڭ قولايسىز قۇبىلىستارى كەزٸندە قاۋٸپسٸزدٸك تالاپتارىن ساقتاۋعا شاقىرادى. اپتاپ ىستىق كٷندەرٸ كٷننٸڭ استىندا ۇزاق جٷرمەۋ, كٶپ مٶلشەردە سۋ ٸشۋ جەنە ٶرت قاۋٸپسٸزدٸگٸ ەرەجەلەرٸن قاتاڭ ساقتاۋ قاجەت.
ال نايزاعاي, بۇرشاق جەنە قاتتى جەل كەزٸندە اشىق الاڭداردا بولماۋعا, اعاشتار مەن ەلەكتر جەلٸلەرٸنٸڭ ماڭىنان اۋلاق جٷرۋگە كەڭەس بەرٸلەدٸ.
