ەلەمدٸك دامۋدا كٶش سوڭىندا قالمايمىز دەسەك, ەڭ الدىمەن, عىلىمدى دامىتۋىمىز كەرەك. بۇل تۋرالى مەملەكەت باسشىسى قاسىم-جومارت توقاەۆ الماتى جۇرتشىلىعىمەن كەزدەسۋٸندە ايتتى, دەپ حابارلايدى "ۇلت اقپارات".
«الماتى – عىلىم مەن بٸلٸمنٸڭ ورداسى. وتاندىق عىلىمدى دامىتۋ مەسەلەسٸ – ٷنەمٸ مەنٸڭ جەكە نازارىمدا. بۇل سالانىڭ ەلٸمٸز ٷشٸن ايرىقشا مەنٸ بار. سەبەبٸ, عىلىمنىڭ بٷگٸنگٸ دامۋى – ەلدٸڭ ەرتەڭگٸ تابىسىنىڭ كەپٸلٸ. ٶكٸنٸشكە قاراي, بٸزدە عىلىمدى باسقارۋ ٸسٸ جولعا قويىلماعان. مەن بۇل تۋرالى ۇلتتىق اكادەمييانىڭ 75 جىلدىعىنا ارنالعان جيىندا ايتتىم.
بٷگٸندە وتاندىق عىلىمدا جاس عالىمداردىڭ سانى كٶپ ەمەس. دامۋعا سەرپٸن بەرەتٸن ەلەۋەتتٸ عىلىمي ينستيتۋتتار دا ٶتە از. ەگەر ەلەمدٸك دامۋدا كٶش سوڭىندا قالمايمىز دەسەك, ەڭ الدىمەن, عىلىمدى دامىتۋىمىز كەرەك. سوندىقتان, ۇلتتىق عىلىمدى جاڭا دەڭگەيگە كٶتەرەتٸن مەزگٸل جەتتٸ. جاسىراتىنى جوق, قازٸر عىلىمي اتاعى بار, بٸراق ٸلٸم-بٸلٸمگە مٷلدە قاتىسى جوق ادامدار كٶبەيٸپ كەتتٸ. ەلٸمٸزگە ٶمٸر جولىن عىلىمعا ارناعان, ناقتى عىلىمي جەتٸستٸگٸ بار ادامدار كەرەك.
وتاندىق عالىمدار قۇرامىن جاڭارتۋ قاجەت. بۇل – ۋاقىت تالابى. ناعىز عىلىمعا مٷلدەم قاتىسى جوق ادامداردان ارىلۋىمىز قاجەت. ولاردان ەشقانداي پايدا جوق, عىلىمعا كەرٸ ەسەرٸ تيەدٸ» - دەدٸ پرەزيدەنت.
ونىڭ سٶزٸنشە, عىلىم اكادەميياسىنا عىلىمعا جانى اشيتىن, عىلىمي ەلەۋەتٸ زور ازاماتتاردى عانا كٶپتەپ تارتۋ قاجەت.
«بٸز عىلىم مەن ٶندٸرٸستٸ ۇشتاستىرۋ تۋرالى جيٸ ايتامىز. بٸراق ونداي بايلانىس ەلٸ دە ورنىققان جوق. اششى بولسا دا, مۇنى مويىنداۋىمىز كەرەك. وتاندىق ٶندٸرٸستٸ ٶركەندەتۋ ٷشٸن عىلىمي يننوۆاتسييالار, جاڭالىقتار قاجەت. عالىمدارىمىزدىڭ ەڭبەگٸ ساپالى ٶنٸم شىعارۋعا نەمەسە ٶندٸرٸستٸ تيٸمدٸ ەتۋگە تيٸس. سوندا عانا ەكونوميكامىز داميدى.
وسى ورايدا, مەن تاعى بٸر ماڭىزدى باستاما – پرەزيدەنت جانىنان عىلىم مەن تەحنولوگييا مەسەلەلەرٸ جٶنٸندە ۇلتتىق كەڭەس قۇرۋ جٶنٸندە شەشٸم قابىلدادىم. وعان ەڭبەكتەرٸ جۇرتشىلىققا كەڭ تانىمال, عىلىمي ورتادا ٶتە بەدەلدٸ عالىمدارىمىز مٷشە بولادى. بۇل قۇرىلىم عىلىم مەن تەحنولوگييا سالاسىنداعى ساياساتتىڭ باسىمدىقتارىن ايقىندايدى. پرەزيدەنت ەكٸمشٸلٸگٸ, عىلىم جەنە جوعارعى بٸلٸم مينيسترلٸگٸ تيٸستٸ جۇمىستى ۇيىمداستىرۋى قاجەت. بۇل مەسەلە مەنٸڭ جٸتٸ نازارىمدا» - دەپ تٷيٸندەدٸ توقاەۆ.
