بەرەكە-بٸرلٸگٸمٸزدٸ ساقتاماساق, جەتٸستٸكتەرٸمٸزدٸڭ بەرٸنەن ايرىلىپ قالۋىمىز مٷمكٸن. بۇل تۋرالى پرەزيدەنت قاسىم-جومارت توقاەۆ قازاقستان حالقىنا جولداۋىندا ايتتى, دەپ حابارلايدى قازاقپارات.
«بٷگٸنگٸ جولداۋدىڭ مەن-ماڭىزى ايرىقشا. ونىڭ ارقالايتىن جٷگٸ بٸر جىلمەن شەكتەلمەيدٸ, اۋقىمى كەڭ, مازمۇنى دا بٶلەك. بٸز الدىمىزعا بيٸك ماقساتتار قويىپ وتىرمىز. ٶزدەرٸڭٸزبەن بٸرگە جاڭا قازاقستاندى قۇرۋعا كٸرٸستٸك. بارشاڭىزعا مەلٸم, بىلتىر ەگەمەندٸكتٸڭ ماڭىزدى بەلەسٸنە جەتتٸك. تاريحي ٶلشەممەن قاراعاندا 30 جىل تىم كٶپ ۋاقىت ەمەس. حالقىمىز تۇڭعىش پرەزيدەنت نۇرسۇلتان نازارباەۆتىڭ باسشىلىعىمەن وسى كەزەڭدە اۋقىمدى جۇمىس اتقاردى. كٶپتەگەن تابىستارعا قول جەتكٸزدٸ. الايدا, بەرەكە-بٸرلٸگٸمٸزدٸ ساقتاماساق, جەتٸستٸكتەرٸمٸزدٸڭ بەرٸنەن ايرىلىپ قالۋىمىز مٷمكٸن», - دەدٸ مەملەكەت باسشىسى.
قر پرەزيدەنتٸ قاڭتارداعى دٷربەلەڭ كەزٸندە بۇعان كٶزٸمٸز انىق جەتكەنٸن باسا ايتتى.
«بۇل وقيعالار بٷكٸل قوعامدى دٷر سٸلكٸندٸردٸ. حالقىمىز بۇرىن-سوڭدى بولماعان قاۋٸپ-قاتەرمەن بەتپە-بەت كەلدٸ. مەملەكەتٸمٸزدٸڭ تۇتاستىعىنا جەنە ەگەمەندٸگٸمٸزگە زور قاۋٸپ تٶندٸ. وسى كٷندەردە جۇرتىمىز تەۋەلسٸزدٸكتٸڭ قادٸر-قاسيەتٸن جان-جٷرەگٸمەن سەزٸندٸ. تاتۋلىق پەن تۇراقتىلىق, تىنىشتىق پەن بەيبٸتشٸلٸك قانشالىقتى ماڭىزدى ەكەنٸن جەتە تٷسٸندٸ. بٸز مىزعىماس بٸرلٸكتٸڭ ارقاسىندا مەملەكەتٸمٸزدٸ قورعاپ قالدىق. ۋاقىتى جەنە باتىل شەشٸم قابىلداپ, لاڭكەستەرگە تويتارىس بەردٸك. مەن قاشاندا بەرٸن اشىق ايتىپ جٷرمٸن. ٸندەت كەزٸندە قالىپتاسقان احۋال جٶنٸندە جۇرتشىلىققا ٷنەمٸ اقپارات بەرٸپ وتىردىم», - دەدٸ توقاەۆ.
