بٷگٸن قر مەدەنيەت جەنە سپورت مينيسترٸ ارىستانبەك مۇxامەديۇلى قوعامدىق كەڭەس الدىنداعى ەسەپ بەردٸ. سول جەردە كەڭەس تٶراعاسى مىرزاتاي جولداسبەكوۆ «استانا» ۆەلوكومانداسىنىڭ مەنەدجمەنتٸن سىنعا الدى, دەپ حابارلايدى قازاقپارات تٸلشٸسٸ.
«ۇلتىمىزدى, مەملەكەتٸمٸزدٸ ناسيxاتتايتىن «استانا» ۆەلوكومانداسى سيياقتى ماڭىزدى جوبالار بار. الايدا كەيٸنگٸ كەزدە ۆەلوكوماندا تٶمەندەپ كەتتٸ. نيبالي كەتٸپ قالدى, اناۋ كەتتٸ, مىناۋ كەتتٸ. ارۋ اناۋ, بٸردەڭەسٸ شىعىپ قالادى, بٸردەڭەسٸ سىنادى. ٶتكەندە سكارپوني بەيشارانى قاعىپ كەتتٸ. بابى جاقسى ەدٸ...», - دەگەندە جولداسبەكوۆتٸ مينيستر مۇxامەديۇلى بٶلٸپ جٸبەردٸ. «سول كوماندانى سٸزگە بەرەمٸز-اۋ. ۆەلوسپورتتى جاقسى بٸلەدٸ ەكەنسٸز», - دەپ ەزٸلدەدٸ ول.
الايدا مىرزاتاي جولداسبەكوۆ ٶز سٶزٸن جالعاستىرىپ: «تاستا, ەڭ بولماسا, مەنٸ سوعان كەڭەسشٸ ەتٸپ قويساڭدارشى. مەن كٶرٸپ وتىرامىن عوي. قاپ, ەتتەگەن-اي, مىنا يتتٸڭ بالاسى نەگە وزدى, ساقتاي وتىرا تۇرۋ كەرەك ەدٸ دەيمٸن عوي. سوسىن ميكەلە (لاندا - اۆت.) سيياقتى جاقسى بالالار بار ەدٸ. بەرٸ Sky-عا كەتٸپ قالدى. سول بالالاردى جٸبەرمەۋ كەرەك. اقشا تٶلەپ ٷيرەتەمٸز, ارتىنان ايىرىلىپ قالامىز. نەگٸزٸ, مەن «استانانى» قالت جٸبەرمەي, قاراپ وتىرامىن. ٶيتكەنٸ (ونى - اۆت.) ميللياردتاعان xالىق كٶرەدٸ», - دەپ اتاپ ٶتتٸ.
ايتا كەتەيٸك, قوعامدىق كەڭەس كەزٸندە مينيستر مۇxامەديۇلى ەربٸر وبلىس ٶزٸنە تەن سپورت تٷرٸن دامىتاتىنىن جەتكٸزدٸ. سونداي-اق ول «لوتەرەيا تۋرالى» جاڭا زاڭ كٶمەگٸمەن جاستاردىڭ بارلىعىن بۋكمەكەرلٸك كەڭسەلەردەن شىعارۋدى جوسپارلاپ وتىر.
.jpeg)