كٷزدەگٸدەي جانارماي تاپشىلىعى بولماۋ ٷشٸن مۇناي ٶڭدەۋ زاۋىتتارىن جٶندەۋ كەستەسٸ قاتاڭ ساقتالۋى كەرەك. ەنەرگەتيكا مينيسترٸ ماعزۇم مىرزاعاليەۆ ورتالىق كوممۋنيكاتسييالار قىزمەتٸندە ٶتكەن بريفينگٸدە وسىنداي پٸكٸر بٸلدٸردٸ, دەپ حابارلايدى قازاقپارات.
«بٸزگە بىلتىرعى قىركٷيەك-قازان ايلارىنداعىداي تاپشىلىق بولدىرماۋعا مٷمكٸندٸك بەرەتٸن بٸرنەشە شارانى ۇسىنىپ وتىر. سولاي بولارىنا سەنگٸم كەلەدٸ. بٸرٸنشٸسٸ – زاۋىتتاردى جٶندەۋ مەسەلەسٸن تٷبەگەيلٸ شەشەتٸن نورما. بٸز مۇناي ٶڭدەۋشٸ زاۋىتتاردى جٶندەۋ بويىنشا 5 جىلدىق جوسپاردىڭ كەستەسٸن ەزٸرلەدٸك. ياعني, جىلىنا بٸر زاۋىت قانا جٶندەۋدەن ٶتۋٸ كەرەك. تيٸسٸنشە, ٷش زاۋىت بٸرٸنەن كەيٸن بٸرٸ جٶندەلٸپ وتىرادى», - دەپ تٷسٸندٸردٸ ۆەدومستۆو باسشىسى.
مينيستردٸڭ ايتۋىنشا, جانارماي تاپشىلىعى سەزٸلە قالسا, نارىقتىڭ سۇرانىسىنا جاۋاپ بەرەتٸن جاعدايدا قوسىمشا قور ساقتاپ وتىرۋ كەرەك.
«قاڭتار ايىنان باستاپ بٸز كەستەگە قول قويدىق. وسىلايشا ديزەلدٸڭ 200 مىڭ تونناعا جۋىق قورىن قالىپتاستىرۋدى جوسپارلاپ وتىرمىز. ونىڭ 150 مىڭ تونناسىن «قازمۇنايگاز», 50 مىڭ توننانى «قتج» ٶز موينىنا الادى. ٷشٸنشٸ ماڭىزدى نورما – زاڭناماداعى نوۆەللا. ول مۇناي بازالارىن «داتچيكتەرمەن» جابدىقتاۋعا بايلانىستى. وسى كٷزدە بٸز ەلدەگٸ ناقتى كٶرٸنٸستٸ بٸلمەگەندٸكتەن قيىندىققا تاپ بولدىق. قازٸر زاڭنامالىق نوۆەللالار ەزٸرلەنٸپ جاتىر. 2023 جىلدىڭ شٸلدەسٸنەن باستاپ ٸرٸ مۇناي بازالارىن «داتچيكتەرمەن» جابدىقتالادى دەپ جوسپارلاپ وتىرمىز. 2024 جىلدىڭ 1 شٸلدەسٸنەن باستاپ ۇساق مۇناي بازالارى دا ەسەپتەۋ جٷيەسٸمەن جابدىقتالادى», - دەپ تٷسٸندٸردٸ ماعزۇم مىرزاعاليەۆ.
