مەملەكەت باسشىسى ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆتٸ قابىلدادى, دەپ حابارلايدى اقوردا.
قاسىم-جومارت توقاەۆقا ەلٸمٸزدەگٸ سۋ قويمالارىنىڭ جاعدايى تۋرالى ەسەپ بەرٸلدٸ.
ماعزۇم مىرزاعاليەۆتٸڭ ايتۋىنشا, سوڭعى جىلدارى سۋ تاپشىلىعىن بولدىرماۋعا باعىتتالعان اۋقىمدى جۇمىستار جٷرگٸزٸلٸپ جاتىر.
اتاپ ايتقاندا كٶرشٸ ەلدەردٸڭ قۇزىرەتتٸ ورگاندارىمەن ٶزارا ىقپالداسا وتىرىپ, سۋ نىساندارىن قايتا قالپىنا كەلتٸرۋ, تسيفرلاندىرۋ جەنە شارۋالاردى سۋمەن قامتاماسىز ەتۋ مەسەلەلەرٸ قولعا الىندى.
قىرعىز تاراپىمەن توقتاعۇل سۋ قويماسىنان قوسىمشا سۋ جٸبەرۋگە كەلٸسٸم جاسالىپ, جامبىل وبلىسىنداعى شۋ جەنە تالاس ٶزەندەرٸنٸڭ باسسەيندەرٸنە سۋ جٸبەرۋ كەستەسٸ بەكٸتٸلدٸ.
رەسەي تاراپىمەن يريكلينسك سۋ قويماسىنان جايىق ٶزەنٸنە جٸبەرٸلەتٸن سۋدىڭ كٶلەمٸن كٶبەيتۋ جٶنٸندە كەلٸسسٶز جٷرگٸزٸلٸپ جاتىر.
پرەزيدەنتكە كيٸكتەردٸ قورعاۋ ٷشٸن قابىلدانعان شارالار مەن ولاردىڭ سانىن انىقتاۋ ماقساتىندا جٷرگٸزٸلگەن ساناقتىڭ قورىتىندىلارى جٶنٸندە اقپارات بەرٸلدٸ.
سالالىق ۆەدومستۆونىڭ مەلٸمەتٸ بويىنشا براكونەرلٸككە قارسى تيٸمدٸ جٷرگٸزٸلگەن كٷرەستٸڭ جەنە زاڭنامانىڭ قاتاڭداتىلۋىنىڭ ارقاسىندا سوڭعى 2 جىل ٸشٸندە كيٸكتەردٸڭ سانى 334 مىڭنان 842 مىڭعا دەيٸن كٶبەيگەن.
مەملەكەت باسشىسىنىڭ تاپسىرماسى بويىنشا ماعزۇم مىرزاعاليەۆ باتىس قازاقستان وبلىسىنا بارىپ, ساراپشىلارمەن, عالىمدارمەن, جەرگٸلٸكتٸ فەرمەرلەرمەن جەنە ەكٸمدٸكپەن بٸرلەسە وتىرىپ, كيٸكتٸڭ جايىلىم ٶرٸسٸن انىقتاۋ مەسەلەلەرٸن كەشەندٸ تٷردە قاراستىرعان.
قاسىم-جومارت توقاەۆ جالپى 657 مىڭ گەكتار اۋماقتى قۇرايتىن «بٶكەيوردا» جەنە «اششىٶزەك تابيعات قورىعى» تابيعي رەزەرۆاتتارىن قۇرۋ تۋرالى شەشٸم قابىلدادى.
بۇل شەشٸم ورال ٶڭٸرٸندەگٸ كيٸكتەردٸڭ جايىق ٶزەنٸنٸڭ سول جاعالاۋىنا ٶرٸس اۋىستىرۋىنا مٷمكٸندٸك بەرەدٸ.
بۇدان بٶلەك مينيستر بالىقتاردى قورعاۋعا باعىتتالعان «بەكٸرە», «ۋىلدىرىق شاشۋ» جەنە «تازا توعان» شارالارى تۋرالى ايتتى.
وسى شارالاردىڭ نەتيجەسٸندە بٸرقاتار قىلمىستىق ٸس قوزعالىپ, ايىپپۇلدار سالىندى, 300 شاقىرىمعا جۋىق اۋ مەن بٸرنەشە كٶلٸك تەركٸلەندٸ.
پرەزيدەنتتٸڭ 2 ميلليارد اعاش ەگۋ تۋرالى تاپسىرماسىن ورىنداۋ اياسىندا بٷگٸنگە دەيٸن 80 ميلليون كٶشەت وتىرعىزىلعان.
ەكوتۋريزمدٸ دامىتۋ ماقساتىمەن 4 ٸرٸ ۇلتتىق پارككە جالپى قۇنى 31 ميلليارد تەڭگەدەن استام قارجى قۇياتىن ينۆەستورلار انىقتالدى.
پرەزيدەنت مينيسترلٸكتٸڭ بۇل باعىتتاعى جۇمىستارىن وڭ باعالادى.
كەزدەسۋ سوڭىندا مەملەكەت باسشىسى سۋ رەسۋرستارىن رەتتەۋ مەسەلەسٸن ەرەكشە باقىلاۋدا ۇستاپ, براكونەرلٸكپەن كٷرەستٸ كٷشەيتۋدٸ تاپسىردى.
