بوكستان قازاقستان ۇلتتىق قۇراماسىنىڭ باس باپكەرٸ دجاكارتاداعى جاتتىعۋلارى تۋرالى ايتىپ بەردٸ, دەپ حابارلايدى قازاقپارات تٸلشٸسٸ.
- مىرزاعالي قۇلانۇلى, دجاكارتانىڭ اۋا رايىنا ٷيلەسٸپ جاتىرسىزدار ما?
- يە, بوكسشىلار اۋا رايىنا بەيٸمدەلٸپ قالدى. نەگٸزٸ, بوكسشىلاردىڭ جارىسى 24 تامىزدا باستالادى. بٸز دجاكارتاعا ەكٸ تٷرلٸ سەبەپپەن ەرتە كەلدٸك. بٸرٸنشٸسٸ, وسى جاقتىڭ اۋا رايىنا بەيٸمدەلۋ. ال ەكٸنشٸسٸ ازيادانىڭ اشىلۋ سالتاناتىنا قاتىسۋ. سەبەبٸ, اشىلۋ رەسٸمٸندە قازاقستاننىڭ بايراعىن بٸزدٸڭ بوكسشىمىز ەبٸلحان امانقۇل الىپ شىعاتىن بولدى. مٸنە, وسىنداي سەبەپتەرگە بايلانىستى ەرتە كەلۋگە تۋرا كەلدٸ.
- جاتتىعاتىن ورتالارىڭىز, جاتاتىن قوناقٷيلەرٸڭٸز, ٸشٸپ-جەيتٸن تاماقتارىڭىز قالاي? كٶڭٸلدەرٸڭٸز تولىپ جاتىر ما?
- مۇندا كەلگەن بارلىق سپورتشىلارعا بٸردەي جاعداي جاسالعان. بٸر ەلدٸڭ سپورتشىلارىنا جايلى, بٸر ەلدٸڭ سپورتشىلارىنا جايسىز قىزمەت كٶرسەتۋ دەگەن جوق. جالپى, جارىستى ۇيىمداستىرۋ قىزمەتٸ كٶڭٸلٸمٸزدەن شىقتى. تاماقتارى دا ۇنادى.
- بەسەكەدە قاي ەلدٸڭ بوكسشىلارى باستى قارسىلاس بولۋى مٷمكٸن?
- بۇيىرسا, تامىزدىڭ 23 كٷنٸ جەرەبە تارتىلادى. جەرەبەدەن كەيٸن بارىپ كٸمدەردٸڭ قارسىلاس بولاتىنىن بٸلەتٸن بولامىز. ەزٸرگە, قارسىلاستار تۋرالى ايتۋ ەرتەرەك.
- جالپى, جارىسقا دايىندىقتارىڭىز قالاي بولىپ جاتىر?
- دايىندىعىمىز ٶتە كەرەمەت. بوكسشىلار دا كٶتەرٸڭكٸ كٶڭٸل-كٷيدە جٷر. ەڭ باستىسى, جەڭٸسكە دەگەن سەنٸم مەن ٷمٸت بار. بٸزدەن جەڭٸس كٷتٸڭٸزدەر, جەڭٸستٸ كٷندەردە جولىعايىق.
- ەڭگٸمەڭٸزگە راحمەت!
