فوتو: Zakon.kz
ميانمادا قۇلدىقتان بوساپ شىققان قازاقستانىڭ ەكٸ ازاماتى ەلگە جەتكٸزٸلدٸ. بۇل تۋرالى ەلوردادا ٶتكەن باسپاسٶز مەسليحاتىندا سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ مەلٸم ەتتٸ, دەپ حابارلايدى قازاقپارات اگەنتتٸگٸ.
«جاقىندا ەلٸمٸزدٸڭ ەكٸ ازاماتى قازاقستانعا جەتتٸ. جۇما كٷنٸ تۋىستارى حابارلاسىپ, ميانماداعى كومپانييادان قاشىپ شىققاندارى تۋرالى ايتتى. بٸزدٸڭ كونسۋل دەرەۋ تايلاندتىڭ شەكاراسىنا بارىپ, ولاردى ميانماداعى شاعىن قالاشىقتىڭ شەتٸنەن الىپ كەتتٸ. وسى ورايدا ولارعا قاۋٸپسٸز جەرگە جاسىرىنۋعا نۇسقاۋ بەردٸك. ٶيتكەنٸ اتالعان كومپانييا ٶكٸلدەرٸ ولاردى ٸزدەيتٸن بولسا, بۇل ازاماتتاردى دەرەۋ تاۋىپ الاتىنى انىق ەدٸ. جەرگٸلٸكتٸ تۇرعىندار دا وسى كومپانيياعا كٶمەكتەسۋٸ مٷمكٸن», - دەيدٸ سماديياروۆ.
ونىڭ ايتۋىنشا, قازاقستان ازاماتتارى بانگكوككە جەتكٸزٸلگەننەن كەيٸن, ولاردىڭ قۇجاتتارى رەسٸمدەلگەن. كٶشٸ-قون زاڭناماسىن بۇزۋ دەرەكتەرٸنە قاتىستى ايىپپۇلدارى تٶلەندٸ.
«سونىمەن قاتار, ولارعا قاتار ارقىلى ەۋە كٶلٸگٸمەن ۇشىپ كەلۋ ٷشٸن بيلەت ساتىپ الىنىپ, كەيٸن الماتىعا جەتكٸزٸلدٸ», - دەدٸ رەسمي ٶكٸل.
بۇدان بۇرىن حابارلانعانداي, 16 قاڭتار سىرتقى ٸستەر مينيسترلٸگٸ باق ٶكٸلدەرٸنە تايلاند پەن ميانما ەلدەرٸندە قۇلدىققا تاپ بولعانى تۋرالى حابارلاعان قازاقستاندىقتاردىڭ جاعدايى تۋرالى مەلٸمەت بەردٸ.
