Foto: Zakon.kz
Mianmada quldyqtan bosap shyqqan Qazaqstanyń eki azamaty elge jetkizildi. Bul týraly elordada ótken baspasóz máslihatynda Syrtqy ister ministrliginiń resmi ókili Aibek Smadiiarov málim etti, dep habarlaidy QazAqparat agenttigi.
«Jaqynda elimizdiń eki azamaty Qazaqstanǵa jetti. Juma kúni týystary habarlasyp, Mianmadaǵy kompaniiadan qashyp shyqqandary týraly aitty. Bizdiń konsýl dereý Tailandtyń shekarasyna baryp, olardy Mianmadaǵy shaǵyn qalashyqtyń shetinen alyp ketti. Osy oraida olarǵa qaýipsiz jerge jasyrynýǵa nusqaý berdik. Óitkeni atalǵan kompaniia ókilderi olardy izdeitin bolsa, bul azamattardy dereý taýyp alatyny anyq edi. Jergilikti turǵyndar da osy kompaniiaǵa kómektesýi múmkin», - deidi Smadiiarov.
Onyń aitýynsha, Qazaqstan azamattary Bangkokke jetkizilgennen keiin, olardyń qujattary rásimdelgen. Kóshi-qon zańnamasyn buzý derekterine qatysty aiyppuldary tólendi.
«Sonymen qatar, olarǵa Qatar arqyly áýe kóligimen ushyp kelý úshin bilet satyp alynyp, keiin Almatyǵa jetkizildi», - dedi resmi ókil.
Budan buryn habarlanǵandai, 16 qańtar Syrtqy ister ministrligi BAQ ókilderine Tailand pen Mianma elderinde quldyqqa tap bolǵany týraly habarlaǵan qazaqstandyqtardyń jaǵdaiy týraly málimet berdi.
