قازاق كينوسىنىڭ جارىق جۇلدىزى, "قىز جٸبەك" فيلمٸ ارقىلى كٶپشٸلٸككە تانىلعان اكتريسا مەرۋەرت ٶتەكەشوۆاعا 75 جاسقا تولۋىنا وراي ەرەكشە تورت سىيعا تارتىلدى. كونديتەرلەر ٶنەر يەسٸنٸڭ ٶمٸرٸ مەن شىعارماشىلىعىن بەينەلەيتٸن تٶرت قاباتتى تەتتٸ تۋىندى ەزٸرلەگەن, دەپ حابارلايدى ult.kz.
مەرەيتويعا ارنالعان تورتتىڭ سىرتقى كٶرٸنٸسٸ تەاتر ساحناسىنا ۇقساتىپ جاسالعان. ونىڭ ەر قاباتىنا اكتريسانىڭ شىعارماشىلىق جولىنان سىر شەرتەتٸن, سونداي-اق وتباسىلىق ٶمٸرٸنەن ەستەلٸك بولاتىن فوتوسۋرەتتەر ورنالاستىرىلعان. ال تورتتىڭ ەڭ جوعارعى بٶلٸگٸ مەرۋەرت ٶتەكەشوۆانىڭ "قىز جٸبەك" فيلمٸندەگٸ بەينەسٸن ەسكە تٷسٸرەتٸن سەۋكەلەمەن بەزەندٸرٸلگەن.
كونديتەرلٸك ٷي ٶكٸلدەرٸنٸڭ ايتۋىنشا, مۇنداي ەرەكشە سىيلىقتى دايىنداۋعا 13 كٷن كەتكەن. شەبەرلەر تورتتىڭ ەر بٶلشەگٸنە مەن بەرٸپ, اكتريسانىڭ ٶنەردەگٸ جولىن بٸر تۋىندىعا سىيعىزۋعا تىرىسقان.
مەرۋەرت ٶتەكەشوۆا توسىنسىيدى كٶرگەندە تاڭدانىسىن جاسىرا الماعان. ول كونديتەرلەردٸڭ ەڭبەگٸن جوعارى باعالاپ, تورتتى مۋزەيگە قويۋعا لايىق ەكەنٸن ايتقان.
"مۋزەيگە بەرۋ كەرەك بۇل تورتتى", – دەگەن اكتريسانىڭ سٶزٸن كونديتەرلٸك ٷي ەلەۋمەتتٸك جەلٸدەگٸ پاراقشاسىندا جارييالادى.
تەتتٸ تۋىندىنىڭ جاسالۋ بارىسى دا جەلٸدە كٶرسەتٸلدٸ. كونديتەرلەر يدەيانىڭ قالاي پايدا بولعانىن, ەر قاباتتىڭ بەزەندٸرٸلۋٸن جەنە دايىن تورتتىڭ سوڭعى كٶرٸنٸسٸن كٶپشٸلٸك نازارىنا ۇسىنعان.
"قازاقتىڭ قىز جٸبەگٸنە قۋانىش سىيلاۋدى قالادىق. ال بۇل ۆيدەودا سول قۋانىشتىڭ ارتىنداعى جۇمىس. قازاقتىڭ قىز جٸبەگٸ – مەرۋەرت ٶتەكەشوۆاعا ارنالعان تورتىمىز وسىلاي دايىندالدى. يدەيادان باستاپ سوڭعى بەزەندٸرۋگە دەيٸن كونديتەرلەرٸمٸز بار شەبەرلٸگٸ مەن ىقىلاسىن سالدى. ەر بٶلشەكتٸ دايىنداپ, بەزەندٸرٸپ, بەرٸن بٸر تۋىندىعا بٸرٸكتٸرۋ كوماندامىز ٷشٸن ەرەكشە جۇمىس بولدى", – دەلٸنگەن كونديتەرلٸك ٷيدٸڭ جازباسىندا.
وسىلايشا, شەبەرلەر اكتريسانىڭ مەرەيتويىنا جاي عانا تورت ەمەس, ونىڭ ٶنەردەگٸ جەتٸستٸكتەرٸ مەن ٶمٸر جولىن بەينەلەيتٸن ەرەكشە سىيلىق تارتۋ ەتتٸ.
مەرۋەرت ٶتەكەشوۆا كٸم?
مەرۋەرت ٶتەكەشوۆا – قازاق كينوسى مەن تەاتر ٶنەرٸنٸڭ دامۋىنا ەلەۋلٸ ٷلەس قوسقان تانىمال اكتريسا, قازاقستاننىڭ ەڭبەك سٸڭٸرگەن ەرتٸسٸ. ول 1951 جىلى 25 اقپاندا ورال قالاسىندا دٷنيەگە كەلگەن. اكتريسا قازاق كٶرەرمەنٸنە ەڭ الدىمەن رەجيسسەر سۇلتان قوجىقوۆتىڭ "قىز جٸبەك" فيلمٸندەگٸ باستى رٶلٸ ارقىلى تانىلدى. 1970 جىلى جارىق كٶرگەن بۇل تاريحي تۋىندى قازاق كينوسىنىڭ كلاسسيكالىق شىعارمالارىنىڭ بٸرٸنە اينالدى. مەرۋەرت ٶتەكەشوۆا قىز جٸبەك بەينەسٸن سومداعان كەزدە نەبەرٸ 19 جاستا بولعان. ونىڭ ەكرانداعى تابيعي ويىنى مەن ۇلتتىق بولمىستى شەبەر جەتكٸزۋٸ كٶرەرمەندەردٸڭ ەرەكشە ىقىلاسىنا بٶلەندٸ.
1969-1973 جىلدارى قۇرمانعازى اتىنداعى قازاق مەملەكەتتٸك ٶنەر ينستيتۋتىندا بٸلٸم الىپ, بەلگٸلٸ اكتريسا حاديشا بٶكەەۆانىڭ شەبەرحاناسىندا اكتەرلٸك شەبەرلٸگٸن شىڭدادى. وقۋىن اياقتاعاننان كەيٸن مۇحتار ەۋەزوۆ اتىنداعى قازاق مەملەكەتتٸك اكادەمييالىق دراما تەاترىنىڭ قۇرامىنا قابىلداندى. تەاتر ساحناسىنداعى العاشقى رٶلٸ شىڭعىس ايتماتوۆتىڭ "انا – جەر-انا" قويىلىمىنداعى ەليمان بەينەسٸ بولدى. كەيٸن "قاراگٶز", "ەڭلٸك – كەبەك", "ەپكە" سيياقتى سپەكتاكلدەردە ماڭىزدى رٶلدەردٸ سومدادى. اكتريسا "شوقان ۋەليحانوۆ", "ماحامبەت", "اق باقسى" جەنە باسقا دا فيلمدەرگە تٷستٸ. 1982 جىلى وعان قازاق كسر-ٸنٸڭ ەڭبەك سٸڭٸرگەن ەرتٸسٸ اتاعى بەرٸلدٸ. ٶنەردەگٸ ەڭبەگٸ ٷشٸن 2008 جىلى "قۇرمەت", 2017 جىلى "پاراسات" وردەندەرٸمەن ماراپاتتالدى. 2025 جىلى مەرۋەرت ٶتەكەشوۆاعا قازاقستاننىڭ حالىق ەرتٸسٸ اتاعى بەرٸلدٸ. 2026 جىلى 75 جاسقا تولعان اكتريسا قازاق كينوسى مەن تەاترىنداعى كٶرنەكتٸ تۇلعالاردىڭ بٸرٸ سانالادى.
