تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين شەتەلدٸك ٸت-كومپانييالاردى «Astana hub» تەحنوپاركٸنە شاقىردى, دەپ حابارلايدى "ۇلت اقپارات".
«Astana hub» حالىقارالىق ستارتاپتار تەحنوپاركٸنە شەتەلدٸك كومپانييالاردىڭ رەلوكاتسيياسى بويىنشا بٸراز سۇراقتار تٷسۋدە. بٸزگە كٶرشٸ ەلدەردەن ٸت-ماماندار كەلٸپ جاتقانىنا دا بٸرنەشە جىل بولدى. سونداي كومپانييالاردىڭ بٸرٸ - inDriver. قىزمەتٸن قازاقستاندىقتار دا پايدالاناتىن وسىنداي كوماندانىڭ كەلگەنٸنە بٸز قۋانىشتىمىز. ايتا كەتۋ كەرەك, Astana_hub ەۋەل باستان حالىقارالىق تەحنوپارك رەتٸندە قۇرىلعان. ەلەمدٸك دەڭگەيدەگٸ كومپانييالار مەن ماماندارعا مٷمكٸندٸك بەرۋ ارقىلى بٸز ٶزٸمٸزگە دە تيٸمدٸ جاعداي قالىپتاستىرامىز: شەتەلدٸك ماماندارمەن تەجٸريبە الماسۋ جەنە قازاقستاندىقتار ٷشٸن جۇمىس ورنىن كٶبەيتۋ», - دەپ جازدى مينيستر ٶزٸنٸڭ Facebook پاراقشاسىندا.
بٷگٸنگٸ تاڭدا حابتا 641 ٸت-كومپانييا تٸركەلگەن, ونىڭ 70-ٸ شەتەلدٸك قۇرىلتايشىلار. قازٸر جاقىن شەتەلدٸڭ 468 كومپانيياسى قازاقستانعا رەلوكاتسييا بويىنشا كەڭەس الىپ جاتىر.
سونىمەن بٸرگە باعدات مۋسين شەتەلدٸك كومپانييالار ٷشٸن استانا حابتى, ياعني قازاقستاندى تاڭداۋ نەلٸكتەن تيٸمدٸ ەكەنٸن تٷسٸندٸردٸ.
«بۇل رەتتە تەحنوپاركتە قانداي جاعداي جاسالعانىن قىسقاشا ايتىپ ٶتەيٸن: ارنايى سالىق تەرتٸبٸ – حابتا تٸركەلگەن كومپانييالار سالىق تٶلەمەيدٸ, كورپوراتيۆتٸك سالىق - 0%. ٸت-كومپانييالارعا مۇنداي جەڭٸلدٸك 4 جىل بۇرىن جاسالعان. كٶرشٸ ەلدەر مۇنداي جەڭٸلدٸكتٸ جۋىردا عانا ەنگٸزدٸ, ال كەيبٸر ەلدەر ەندٸ عانا جوسپارلاپ جاتىر. ەكٸنشٸسٸ – زاماناۋي ينفراقۇرىلىم. 20 مىڭ شارشى مەتردٸ ارزان باعامەن پايدالانۋعا بولادى. بۇل وفيستەر عانا ەمەس, كەزدەسۋ ورىندارى, برەينستورمينگ مەن تيمبيلدينگ ٶتكٸزەتٸن جەرلەر. ونىڭ ٷستٸنە, ستارتاپتار – تەحنوپارك باعدارلامالارىنىڭ رەزيدەنتتەرٸ حابتا جۇمىس الاڭدارىن تەگٸن پايدالانا الادى. ٷشٸنشٸسٸ – ۆيزالىق قولداۋ. بٸزدٸڭ ٸت-حابتا تٸركەلگەن كومپانييالاردىڭ جۇمىسشىلارى ٷشٸن ۆيزا الۋ مەن ميگراتسييالىق پروتسەستەر جەڭٸلدەتٸلگەن. بٸز تەك تٸركەلۋ پروتسەسٸنە عانا ەمەس, رەلوكاتسييا مەسەلەسٸندە دە, ياعني قىزمەتكەرلەردٸ كٶشٸرۋ, ٷي-جاي تابۋ بويىنشا ۇيىمداستىرۋ جۇمىستارىنا دا كٶمەكتەسٸپ جاتىرمىز. ال ەاەو ەلدەرٸنٸڭ ٸت-ماماندارىنا ەشتەڭە رەسٸمدەۋدٸڭ دە قاجەتٸ جوق, بٸردەن كەلٸپ, جۇمىس ٸستەي بەرۋگە بولادى. تەك جسن الۋ كەرەك, ونلاين جاساۋعا بولادى نەمەسە بٸزدٸڭ ماماندار كٶمەكتەسەدٸ», - دەدٸ ول.
سونىمەن بٸرگە SEED stage كەزەڭٸندە ۆەنچۋرلىق قارجىلاندىرۋ قاراستىرىلعان. حابتىڭ ٶزٸ ستارتاپتىڭ باستاما كەزەڭٸندە 40 مىڭ دوللارعا دەيٸن سالادى.
«ۆەنچۋرلىق قارجىعا قولجەتٸمدٸلٸك بولماسا, بٸزدٸڭ يندۋستريياداعى حاب دەگەننٸڭ مەنٸ بولمايدى. ينۆەستيتسييا قۇيۋعا تۇرارلىق ستارتاپتاردى تابۋ ماقساتىندا تٷرلٸ ٸس-شارالاردى جيٸ ٶتكٸزەمٸز. بٸزدٸڭ سەرٸكتەسٸمٸز VC جىل سايىن قىزىقتى ستارتاپتارعا 100 ملن دوللارعا دەيٸن بٶلۋگە دايىن. ودان بٶلەك, اكسەلەراتسييا كۋرستارىنا تەگٸن قاتىسۋعا بولادى. بارلىق كوماندالار اكسەلەراتسييا بويىنشا كۋرستاردان ٶتكەن. بيزنەسٸن دامىتقىسى كەلەتٸن جاس ستارتاپەرلەرگە ەلەمنٸڭ كەسٸبي مەنتورلارى كەڭەس بەرٸپ, وقىتىپ, باعىت-باعدار سٸلتەيدٸ. مەملەكەت تاراپىنان جەكەمەنشٸك يننوۆاتسييالىق ٸت-مەكتەپتەرگە سۇرانىس بار. ياعني ٸت-ماماندىعىن يگەرگٸسٸ كەلەتٸن كەز-كەلگەن ادام TechOrda باعدارلاماسى بويىنشا ٸت-ۆاۋچەرگە قول جەتكٸزە الادى. جەنە ٸت-ۆاۋچەر كەز-كەلگەن ٸت-مەكتەپتە جارامدى», - دەيدٸ مۋسين.
سونداي-اق ەلگە كەلمەي-اق, eGOV ارقىلى زاڭدى تۇلعانى تٸركەۋگە بولادى. جسن مەن ەتسق-نى قازاقستان ەلشٸلٸگٸ بەرەدٸ.
«قازاقستاندا ٸت-بيزنەستٸ ٸسكە قوسۋ جەنە رەلوكاتسييا مەسەلەلەرٸ بويىنشا تەلەگرامدا ارنايى چات اشتىق – https://t.me/+uwNsTKMdI7oyZTUy. 3 مىڭنان استام قاتىسۋشىسى بار چاتتا حابتاعى ەرٸپتەستەرٸممەن بٸرگە تٷرلٸ ساۋالدارعا جاۋاپ بەرٸپ جاتىر. قازاقستان – جٷزدەن استام ۇلت پەن ۇلىس تۇرىپ جاتقان قوناقجاي ەل. بٸزدٸڭ ەلدٸڭ يگٸلٸگٸ ٷشٸن ەڭبەكتەنٸپ, دامۋىنا ٷلەس قوساتىن كٸسٸلەرگە ەسٸگٸمٸز اشىق. بٸزدٸڭ ەلدە ەڭبەكتەنٸپ, زاڭدى تۇلعا اشقىسى كەلەتٸندەر ٷشٸن استانا حابتىڭ ماماندارى ارنايى نۇسقاۋلىق ەزٸرلەدٸ», - دەپ جازدى تسيفرلىق دامۋ مينيسترٸ.
