قازاق ۇلتتىق ٶنەر ۋنيۆەرسيتەتٸنٸڭ رەكتورى ايمان مۇساقوجاەۆانىڭ ايتۋىنشا, ٷشٸنشٸ كۋرستا وقيتىن ديماش قۇدايبەرگەن اقش-تىڭ لوس-اندجەلەس قالاسىنا وقۋعا بارۋى مٷمكٸن, دەپ حابارلايدى قازاقپارات تٸلشٸسٸ.
«قازٸرگٸ كەزدە بٸز اكادەمييالىق ۇتقىرلىق باعدارلاماسى اياسىندا اقش-تىڭ لوس-اندجەلەس قالاسىنداعى Musicians institute (سollege of ContemporaryMusic) مەكەمەسٸمەن ديماش كۇدايبەرگەندٸ وقۋعا قابىلداۋ بويىنشا كەلٸسسٶزدەر جٷرگٸزٸپ جاتىرمىز. وقۋدىڭ مەرزٸمٸ - 120 كٷن», - دەدٸ مۇساقوجاەۆا قازاقپارات تٸلشٸسٸنە بەرگەن سۇحباتىندا.
ونىڭ ايتۋىنشا, ديماشتىڭ داۋىسى ەرەكشە, سان الۋان جانرداعى شىعارمانى ورىنداي الادى. ونىڭ اناسى جوعارى سوپرانونى شەبەر ورىنداسا, ەكەسٸ - ليريكالىق تەنور. ديماشتىڭ ٶزٸ احمەت جۇبانوۆ اتىنداعى اقتٶبە مۋزىكالىق كوللەدجٸندە بٸلٸم العان. ال 2014 جىلى قازاق ۇلتتىق ٶنەر ۋنيۆەرسيتەتٸنە تٷستٸ. قازٸرگٸ كەزدە ول «ەسترادا ٶنەرٸ» كافەدراسىنىڭ 3-كۋرسىندا وقيدى.
ايتا كەتەيٸك, 2010 جىلى ديماش قۇدايبەرگەن «بايقوڭىردىڭ جارقىن داۋىستارى» حالىقارالىق فەستيۆالٸندە بٸرٸنشٸ ورىندى يەلەنگەن. ال اراعا ەكٸ جىل سالىپ, «جاس قانات» رەسپۋبليكالىق بايقاۋىندا توپ جاردى. سول جىلى «شىعىس بازارى» حالىقارالىق كونكۋرسىندا تاعى دا باس جٷلدەنٸ قانجىعاسىنا بايلادى. 2015 جىلى «سلاۆيان بازارىندا» گران-پري يەگەرٸ اتاندى.
قازٸرگٸ كەزدە ديماش قۇدايبەرگەن قىتايدىڭ حۋنان قالاسىندا ٶتٸپ جاتقان «I am a singer» حالىقارالىق بايقاۋىنا قاتىسىپ جاتىر. بايقاۋدىڭ 5-كەزەڭٸندە ول «Uptown Funk» ەنٸمەن بەسٸنشٸ ورىندى يەلەندٸ. ونىڭ قىتايلىق جانكٷيەرلەرٸ ەنشٸگە ارناپ قۇمنان ەدەمٸ بەينە سالۋعا قاتىستى ۆيدەوروليك تٷسٸردٸ. بٸر اپتاعا جەتپەيتٸن ۋاقىت ٸشٸندە ونى 5 ملن-نان استام ادام كٶرٸپ شىقتى.
