فوتو: qamqor.gov.kz
قارجى مونيتورينگٸ اگەنتتٸگٸ كەسٸپكەر مۇرات بورانباەۆقا ٸزدەۋ جارييالادى, - دەپ حابارلايدى "ۇلت اقپارات" Tengrinews.kz اگەنتتٸگٸنە سٸلتەمە جاساپ.
قۇقىقتىق ستاتيستيكا ورگاندارى پورتالىندا مۇرات بورانباەۆقا ٸزدەۋ جارييالانعانى تۋرالى اقپارات پايدا بولدى. ٸزدەستٸرەتٸن ورگان - الماتى قالاسى بويىنشا ەكونوميكالىق تەرگەۋ دەپارتامەنتٸ.
باق-تا مۇرات بورانباەۆ كەسٸپكەر قايرات بورانباەۆتىڭ اعاسى ەكەنٸ ايتىلىپ جٷر. سونىمەن قاتار, مەملەكەتتٸك ساتىپ الۋلار سايتىندا مۇرات بورانباەۆ 2017 جىلى AlanParking جشس باسشىسى بولىپ تٸركەلگەنٸ تۋرالى اقپارات بار.
ەسكە سالايىق, بۇعان دەيٸن الماتىدا A-parking اقىلى اۆتوتۇراقتار وپەراتورى سانالاتىن Alan Parking كومپانيياسىنىڭ ديرەكتورى مۇحتار بازارباەۆ قاماۋعا الىنعانى حابارلانعان بولاتىن.
كەيٸن A-Parking جوباسىنا جاۋاپتى تۇلعالارعا قاتىستى اسا ٸرٸ مٶلشەردە بيۋدجەت قاراجاتىن جىمقىردى دەگەن كٷدٸكپەن سوتالدى تەرگەۋ باستالعانى بەلگٸلٸ بولدى.
