مەملەكەت باسشىسى قاسىم-جومارت توقاەۆ اقىلى جولداردىڭ جەلٸسٸن كەڭەيتۋ تۋرالى پٸكٸر بٸدٸردٸ, دەپ حابارلايدى "ۇلت اقپارات".
«اۆتوموبيل جولدارىنىڭ ساپاسى ەلدٸڭ كٶلٸك ەلەۋەتٸن ارتتىرۋدا شەشۋشٸ رٶل اتقارادى. بۇل رەتتە, جولداردى جٶندەۋ ساپاسى بۇرىنعىسىنشا ەدٸل سىنعا ۇشىراپ جاتىر. بۇل - ەسٸرەسە اقىلى جولدارعا قاتىستى ٶزەكتٸ مەسەلە», - دەدٸ پرەزيدەنت ٷكٸمەتتٸڭ كەڭەيتٸلگەن وتىرىسىندا.
پرەزيدەنت وسى مەسەلەگە قاتىستى جٷك كٶلٸكتەرٸ يەلەرٸنٸڭ تاراپىنان تۋىنداعان نارازىلىق تۋرالى دا ويىن ايتتى.
«بۇعان جاقىندا بولعان جٷك كٶلٸكتەرٸ مەن تاسىمالداۋشىلاردىڭ نارازىلىعى دەلەل. اقىلى جولداردى ەنگٸزۋ – بۇل بٷكٸلەلەمدٸك تەجٸريبەگە سەيكەس كەلەتٸن دۇرىس شەشٸم. مۇنداي ٷلكەن ەلدە تەك بيۋدجەت ەسەبٸنەن عانا جول سالۋ مٷمكٸن ەمەس. سونىمەن قاتار, قازاقستان ترانزيتتەن اقشا تابۋعا تيٸس. بٸراق بۇل ٷشٸن مۇنداي جولداردىڭ ساپاسى جوعارى بولۋى جەنە جول بويىنداعى مٸنسٸز قىزمەتتٸ قامتاماسىز ەتۋ ماڭىزدى. بيزنەس پەن ازاماتتار جول ينفراقۇرىلىمىنىڭ جاڭا ساپاسىن سەزٸنۋٸ كەرەك. ٷكٸمەتتەن بۇل مەسەلەنٸ ەرەكشە باقىلاۋدا ۇستاۋدى سۇرايمىن», - دەدٸ مەملەكەت باسشىسى.
