كٶك تەڭٸز جاعاسىنداعى التىن قۇمدى ايماق, بايتاق دالاسى تابيعاتتىڭ سۇلۋ كٶرٸنٸستەرٸ مەن تاريحي-مەدەني ەسكەرتكٸشتەردٸڭ نەبٸر جەدٸگەرلەرٸنە سىڭسىعان ماڭعىستاۋ ٶڭٸرٸ تۋريزمدٸ دامىتۋعا قولايلى مەكەن سانالادى. تۋريزمدٸ دامىتۋ ارقىلى ەكونوميكانى كٶتەرۋ جەنە ٶزگە ەلدەرگە تانىلۋ باسىمدىققا يە بولعالى ٶڭٸردٸڭ تۋريزمٸنە قاتىستى سان الۋان پٸكٸرلەر ايتىلىپ كەلەدٸ. وسى ورايدا ماڭعىستاۋ وبلىستىق تۋريزم باسقارماسى اتقارىپ وتىرعان جۇمىستارعا ٷڭٸلگەن ەدٸك.
– ماڭعىستاۋ ٶڭٸرٸنٸڭ تاماشا تابيعاتىنا زور قىزىعۋشىلىق تانىتىپ, تٷبەكتٸڭ تىلسىم تٷكپٸرٸنە ساياحاتتاۋعا قىزىعۋشىلىق تانىتۋشىلار جىلدان جىلعا ارتىپ كەلەدٸ, – دەيدٸ وبلىستىق تۋريزم باسقارماسىنىڭ باستىعى گٷلجان بايجاۋىنوۆا. – سالىستىرمالى تٷردە ايتار بولساق, مۇنايلى تٷبەككە تۋريستٸك ماقساتپەن كەلۋشٸلەر سانى بىلتىرمەن سالىستىرعاندا, بيىل ەكٸ ەسەگە كٶبەيدٸ. بۇعان ەڭ باستى سەبەپ رەتٸندە قازاقستاننىڭ 19 ەل ٷشٸن ۆيزاسىز رەجٸم ەنگٸزۋٸن جەنە جىل باسىندا قابىلدانعان باعدارلامانى ايتار ەدٸم. 2016 جىلى تۋريزم باسقارماسى «دامۋ» كەسٸپكەرلٸكتٸ دامىتۋ قورى» اق-پەن ىنتىماقتاستىق جٶنٸندەگٸ مەموراندۋمعا قول قويدى. مەموراندۋم اياسىندا وبلىس ەكٸمدٸگٸ تاراپىنان جەرگٸلٸكتٸ بيۋدجەت قاراجاتى ەسەبٸنەن 300 ملن تەڭگە, «دامۋ» كەسٸپكەرلٸكتٸ دامىتۋ قورى» اق-تان 600 ملن تەڭگە قارجى بٶلٸنٸپ, ول كەسٸپكەرلەردٸ قارجىلاي قولداۋعا باعىتتالدى.
بٷگٸنگٸ كٷنگە دەيٸن ايماق كوورديناتسييالىق كەڭەسٸندە 35 جوبا قارالىپ, جالپى قۇنى 417 ملن تەڭگە تۇراتىن 5 جوبا ماقۇلدانعان. ولاردىڭ اراسىندا تەڭٸز جاعالاۋىنداعى ساۋىقتىرۋ-كٶڭٸل كٶتەرۋ اكۆاپارك كەشەنٸنٸڭ قۇرىلىسى, تەڭٸزگە ەكسكۋرسييا-سەرۋەن تۋرى, سەرۋەن كاتەرٸن جالعا بەرۋ جەنە قازاق ۇلتتىق اسٷيٸ قۇرىلىستارى بار. بۇل جوبالار ٸسكە قوسىلعاندا, 93 جاڭا جۇمىس ورنى اشىلادى ەكەن. سونداي-اق, تاعى 5 جوبا ەكٸنشٸ دەڭگەيلٸ بانكتەر قاراۋىندا جاتىر. بانكتەر قارجىلاندىرعان جاعدايدا ساۋىقتىرۋ لاگەرٸندە دەمالاتىن بالالار سانى 214-تەن 450-گە دەيٸن ٶسپەكشٸ. 2016 جىلى «Aktau City & Mangystau Tours» جوباسىنىڭ تۇساۋى كەسٸلٸپ, اقتاۋ قالاسى مەن ماڭعىستاۋ ٶڭٸرٸنٸڭ كٶرٸكتٸ جەنە تاريحي ورىندارىنا تۋريستەردٸ اۆتوبۋسپەن جٷيەلٸ تٷردە اپارۋ جٷزەگە اسىرىلا باستادى. ال كٶگەز جەرٸندەگٸ ەتنواۋىل جوباسىنا پريبالتيكا, قىتاي, يتالييا, جاپونييا, گەرمانييا, رەسەي ەلدەرٸنەن 90 شامالى تۋريس تارتىلعان.
– ٶڭٸردە قولعا الىنعان مەديتسينالىق تۋريزمٸنٸڭ باعىتى جامان ەمەس. «سوفي مەد گرۋپپ» كٶپ سالالى كلينيكاسىندا ەلدٸڭ سان تٷكپٸرٸنەن ەرٸ شەتەلدٸك ناۋقاستار ەم الۋعا ىنتالى, – دەيدٸ گٷلجان ماڭعىستاۋقىزى. – ساپالى مەديتسينالىق قىزمەتتٸڭ وڭ يميدجٸن قالىپتاستىرۋ, تۋريستەر تالعامى مەن تاڭداۋىنا, سۇرانىسىنا ساي جوعارى دەڭگەيلٸ قىزمەت كٶرسەتۋ ٸشكٸ تۋريزمنٸڭ تۇراقتى دامۋىنا سەرپٸن بەرەدٸ. سوعان وراي, الدا اقتاۋ قالاسىنىڭ تەڭٸز جاعالاۋىندا بەس جۇلدىزدى ەمدٸك-دياگنوستيكالىق جەنە ساۋىقتىرۋ كەشەنٸ قۇرىلىسى قولعا الىنادى. ٶڭٸرلٸك تۋريزم ٶرٸسٸ كەڭەيۋٸ ٷشٸن تۋريستٸك قىزمەت قۇنى قولجەتٸمدٸ بولۋى شارت. دەمحانالار مەن حوستەلدەر, ياعني ارزان ەرٸ شاعىن قوناقٷيلەردەگٸ قىزمەت كٶرسەتۋ قۇنى كٶپشٸلٸكتٸڭ قالتاسى كٶتەرە الاتىنداي بولعانى جٶن. بيىل اقتاۋدا ەكٸ حوستەلدٸڭ قۇرىلىسى اياقتالىپ, پايدالانۋعا بەرٸلدٸ. ٸشكٸ تۋريزمدٸ دامىتۋدا جولاۋشىلاردى ەۋە كٶلٸگٸمەن تاسىمالداۋ قۇنىن ازايتۋ مەسەلەسٸ بار. باسقارما تاراپىنان مينيسترلٸككە «شىمكەنت-اقتاۋ» مەن «كٶكشەتاۋ-اقتاۋ» جەنە «قىزىلوردا-اقتاۋ» باعىتى بويىنشا ەۋە تاسىمالى تاريفتەرٸن سۋبسيدييالاندىرۋ ۇسىنىسى جولداندى. ۇسىنىس ماقۇلدانعان جاعدايدا, 2017 جىلعا ارنالعان ٶڭٸر بيۋدجەتٸنە ٶزگەرٸستەر ەنگٸزٸلەدٸ.
ماڭعىستاۋعا بيىل شۆەيتسارييادان تۋريستٸك چارتەرلٸك پويىز كەلٸپ, تۋريزمدٸ دامىتۋ اياسىندا اۆتوجولداردى كٷردەلٸ جٶندەۋ ەرٸ سالۋ جۇمىستارى جٷرگٸزٸلە باستادى. وسىنىڭ اياسىندا ەكسكۋرسوۆود-گيد قىزمەتكەرلەرٸن دايارلاۋ جوباسى قولعا الىندى.
گٷلايىم شىنتەمٸرقىزى,
«ەگەمەن قازاقستان»
ماڭعىستاۋ وبلىسى
.jpeg)