ICE لوندون بيرجاسىندا Brent ماركالى مۇنايدىڭ قاڭتارداعى فيۋچەرسٸنٸڭ باعاسى 3,82%-عا ٶسٸپ, بٸر باررەلٸ 44,02 اقش دوللارىن قۇرادى, دەپ حابارلايدى تاسس اگەنتتٸگٸ.
مەسكەۋ ۋاقىتىمەن 01:05-تەگٸ جاعداي بويىنشا Brent ماركالى مۇناي باعاسى ٶسٸمٸن بەسەڭدەتٸپ, بٸر باررەلٸ ٷشٸن 43,99 اقش دوللارى دەڭگەيٸندە ساۋدالاندى. WTI مۇنايى 3,64%-عا دەيٸن ارتىپ, 1 باررەلٸ 42,1 اقش دوللارىن قۇرادى.
Brent ماركالى مۇنايدىڭ بٸر باررەلٸ 44 اقش دوللارىنان سوڭعى رەت وسى جىلدىڭ 4 قىركٷيەگٸندە ساۋدالاندى.
Brent مۇنايىنىڭ قىمباتتاۋى اقش ەنەرگەتيكا مينيسترلٸگٸنٸڭ ەسەبٸن جارييالاۋ اياسىندا جٷردٸ. وسىلايشا, مينيسترلٸك Brent ماركالى مۇناي باعاسىنىڭ 2020 جىلعا ارنالعان بولجامىندا 1 باررەلٸنە 41,19 دوللاردان 40,61 دوللارعا دەيٸن تٶمەندەتتٸ. مينيسترلٸكتٸڭ باعالاۋىنشا, 2021 جىلى باعا 1 باررەلٸنە 46,59 دوللار دەڭگەيٸندە بەلگٸلەنەدٸ.
ەسكە سالساق, 9 قاراشادا Brent ماركالى مۇناي فيۋچەرسٸنٸڭ قۇنى 3,04% ٶسٸپ, باررەلٸنە 40,65 دوللار بولدى.
