مۇناي-گاز سالاسىنداعى جەرگٸلٸكتٸ قامتۋ ٷلەسٸن ۇلعايتۋعا مٷمكٸندٸك بەرەتٸن ەكٸ باستاما جٷزەگە اسىرىلىپ جاتىر. بۇل تۋرالى قر ەنەرگەتيكا مينيسترلٸگٸنٸڭ القا مەجٸلٸسٸندە ۆەدومستۆو باسشىسى نۇرلان نوعاەۆ ايتتى, دەپ حابارلايدى قازاقپارات.
«2020 جىلدىڭ قورىتىندىسى اياسىندا كٶمٸرسۋتەك شيكٸزاتى جەنە ۋران ٶندٸرۋ بويىنشا جەر قويناۋىن پايدالانۋشىلاردىڭ تاۋارلارىن, جۇمىستارى مەن كٶرسەتٸلەتٸن قىزمەتتەرٸن (تجكق) ساتىپ الۋدىڭ جالپى كٶلەمٸ شامامەن 5,4 ترلن تەڭگە بولدى. سونىمەن قاتار, وتاندىق قامتۋ اتالعان ساتىپ الۋدا 46 پايىزدى قۇرادى. پاندەمييا كەزٸندە جەرگٸلٸكتٸ كەسٸپكەرلەردٸ مەملەكەتتٸك قولداۋ اياسىندا جەر قويناۋىن پايدالانۋشىلاردىڭ جەنە ولاردىڭ مەردٸگەرلەرٸنٸڭ كٶمٸرسۋتەكتەردٸ بارلاۋ نەمەسە ٶندٸرۋ ەرٸ ۋران ٶندٸرۋ جٶنٸندەگٸ وپەراتسييالاردى جٷرگٸزۋ كەزٸندە پايدالانىلاتىن تاۋارلاردى, جۇمىستاردى جەنە كٶرسەتٸلەتٸن قىزمەتتەردٸ ساتىپ الۋ قاعيدالارىنا ٶزگەرٸستەر ەنگٸزٸلدٸ. بۇل ٶزگەرٸستەر جەر قويناۋىن پايدالانۋشىلارعا قازاقستاندىق تاۋارلاردى كونكۋرستىق رەسٸمدەردٸ ٶتكٸزبەستەن, بٸر كٶزدەن ساتىپ الۋعا مٷمكٸندٸك بەردٸ», - دەدٸ مينيستر.
ونىڭ ايتۋىنشا, قازٸرگٸ ۋاقىتتا مينيسترلٸك مۇناي-گاز سالاسىنداعى جەرگٸلٸكتٸ قامتۋ ٷلەسٸن ۇلعايتۋعا مٷمكٸندٸك بەرەتٸن ەكٸ باستامانى جٷزەگە اسىرىپ وتىر:
بٸرٸنشٸسٸ – جەرگٸلٸكتٸ قامتۋدى دامىتۋدىڭ تٸكەلەي ينۆەستيتسييالار قورىن قۇرۋ, سونىڭ ٸشٸندە وتاندىق IT ەزٸرلەمەلەرٸن ٸلگەرلەتۋ;
ەكٸنشٸسٸ - حالىقارالىق مۇناي-گاز ماشيناسىن جاساۋدى دامىتۋ جٶنٸندەگٸ ورتالىق قۇرۋ.
«10 جىل ٸشٸندە ەلٸمٸزدٸڭ جالپى ٸشكٸ ٶنٸمٸنە قور قىزمەتٸنٸڭ وڭ ەسەرٸ شامامەن 642 ملن اقش دوللارىن قۇرايتىن بولادى, ال حالىقارالىق ورتالىق 3 ٸرٸ وپەراتوردىڭ (نكوك, كپو جەنە تشو) قاجەتتٸلٸگٸ ٷشٸن سەرۆيستٸك كومپانييالاردىڭ/ جەرگٸلٸكتٸ ٶندٸرۋشٸلەردٸڭ تاۋارلار مەن كٶرسەتٸلەتٸن قىزمەتتەردٸ ٶندٸرۋ مەن جەتكٸزۋدە كەمشٸلٸكتەرٸن جويۋعا مٷمكٸندٸك بەرەدٸ», - دەدٸ ن. نوعاەۆ.
