مۇناي-گاز جوبالارىن ٸسكە اسىرۋدىڭ 2022-2025 جىلدار كەزەڭٸندە 2,5 مىڭ تۇراقتى جەنە 12 مىڭ ۋاقىتشا جۇمىس ورنى قۇرىلادى. بۇل ەنەرگەتيكا مينيسترٸ بولات اقشولاقوۆ ايتتى, دەپ حابارلايدى قازاقپارات.
«وتاندىق ٶندٸرٸس ٶنٸمدەرٸنٸڭ بەسەكەگە قابٸلەتتٸلٸگٸن تابىستى ارتتىرۋدىڭ نەگٸزگٸ فاكتورلارىنىڭ بٸرٸ رەتٸندە بٸز وتاندىق جوبالاۋ, ينجينيرينگتٸك كومپانييالاردىڭ قۇزىرەتٸن ارتتىرۋ بويىنشا قاجەتتٸ جاعدايلار جاساۋدى كٶرٸپ وتىرمىز. بۇل جوبالاۋ كەزەڭٸندە, ەرينە, تاپسىرىس بەرۋشٸنٸڭ باعا جەنە ساپا ساياساتىنا سەيكەس كەلگەن جاعدايدا, جەرگٸلٸكتٸ تاۋارلاردى جەتكٸزۋدٸ قامتاماسىز ەتۋگە مٷمكٸندٸك بەرەدٸ. قازٸرگٸ ۋاقىتتا قاراشىعاناق كەن ورنىندا شيكٸ گازدى كەرٸ ايداۋدىڭ قوسىمشا 5-شٸ كومپرەسسورىن ەنگٸزۋدٸ ەسكەرٸپ, جىلىنا 10-11 ملن توننا شەگٸندە سۇيىق كٶمٸرسۋتەكتەردٸ ٶندٸرۋ دەڭگەيٸن ودان ەرٸ قولداۋعا باعىتتالعان جوبا ٸسكە اسىرىلىپ وتىر», - دەدٸ ب.اقشولاقوۆ.
ونىڭ ايتۋىنشا, بۇل جوبانىڭ بازالىق جوبالاۋىن قازاقستاندىق «قازگيپرونەفتەترانس» جوبالاۋ ينستيتۋتىمەن سەرٸكتەستٸكتە Worley Parsons شەتەلدٸك كومپانيياسى ورىندادى.
«جوبالاۋ كەزەڭٸندە دە, قۇرىلىس كەزەڭٸندە دە بٸرلەسكەن كەسٸپورىندار قۇرۋ نەتيجەسٸندە بٸزدٸڭ ازاماتتار ٷشٸن 793 جۇمىس ورنى قۇرىلدى. جىل سوڭىنا دەيٸن قوسىمشا 1 400 قىزمەتكەر تارتىلاتىن بولادى. 2023 جىلى 2550-گە جۋىق ازاماتقا جۇمىس ورنى جوسپارلانىپ وتىر», - دەدٸ مينيستر.
ونىڭ سٶزٸنە قاراعاندا, تاعى بٸر ٸرٸ جوبا بويىنشا قاشاعان بازالىق جوبالاۋعا قازاقستان-اۋسترييا-فرانتسييا بٸرلەسكەن كەسٸپورنى Caspian Experts JV جشس كەلٸسٸمشارت بەردٸ. قازٸر جوبالاۋ جۇمىستارىنا تارتىلعان 120 جەرگٸلٸكتٸ جۇمىسشى بار. جالپى, 2ا فازاسىن ٸسكە اسىرۋ كەزٸندە شامامەن 1 200 جۇمىس ورنى قۇرىلادى.
«جاڭا ٶندٸرٸستەردٸ وقشاۋلاۋ بويىنشا جوبالاردان باسقا, مينيسترلٸك مۇناي-گاز حيميياسى كلاستەرٸن قۇرۋ جۇمىستارىن جٷرگٸزٸلٸپ جاتىر. وندا اتىراۋ مەن باتىس قازاقستان وبلىستارىندا جٷزەگە اسىرىلاتىن 7 جوبانى ٸسكە اسىرۋ كٶزدەلگەن. اتاپ ايتقاندا, بيىل قۋاتتىلىعى جىلىنا 500 مىڭ توننا پوليپروپيلەن ٶندٸرەتٸن زاۋىت ٸسكە قوسىلادى. ٶتكەن جىلى قاشاعاندا قۋاتتىلىعى 1 ملرد تەكشە مەتر بولاتىن گاز ٶڭدەۋ زاۋىتىنىڭ قۇرىلىسى باستالدى. ونىڭ اياقتالۋ مەرزٸمٸ 2024 جىلعا جوسپارلانعان. سونداي-اق, قۋاتى جىلىنا شامامەن 1 ملن توننا پوليەتيلەنتەرەفتالات, قۋاتى جىلىنا 1,25 ملن توننا پوليەتيلەن جەنە قۋاتى جىلىنا 186 مىڭ توننا بۋتاديەن ٶندٸرۋ جٶنٸندەگٸ مىناداي ٸرٸ جوبالاردى ٸسكە اسىرۋعا نازار اۋدارىلاتىن بولادى. وسى جوبالاردى ٸسكە اساتىن 2022-2025 جىلدار كەزەڭٸندە 2,5 مىڭ تۇراقتى جەنە 12 مىڭ ۋاقىتشا جۇمىس ورىندارىن قۇرۋ ەسكەرٸلگەن», - دەدٸ ۆەدومستۆو باسشىسى.
«بۇل جوبالارعا قۇيىلعان ينۆەستيتسييا كٶلەمٸ 4,9 ملرد تەڭگەنٸ قۇرايدى», - دەپ ناقتىلادى مينيستر.
