فوتو: pexels.com
قازاقستاندىقتاردا مٷلٸك سالىعىن تٶلەۋگە بٸر اپتادان سەل استام ۋاقىت قالدى. ونى ۋاقىتىندا تٶلەمەگەندەرگە شوتتاردىڭ بۇعاتتالۋى جەنە تٸپتٸ ەلدەن شىعۋعا تىيىم سالىنۋى مٷمكٸن.
قازاقستاندا جىلجىمايتىن مٷلكٸ بار بارلىق ازامات, تٸپتٸ گاراج نەمەسە اۆتوتۇراق ورنى بولسا دا, جىل سايىن جەكە تۇلعالاردىڭ مٷلٸك سالىعىن تٶلەۋگە مٸندەتتٸ.
ەلٸ كٷنگە دەيٸن سالىقتى تٶلەمەگەن ازاماتتار بۇل مٸندەتتٸ وسى جىلدىڭ 1 قازانىنا دەيٸن ورىنداۋى قاجەت. تٶلەمدٸ كەشٸكتٸرۋگە بولمايدى.
مەملەكەتتٸك كٸرٸستەر كوميتەتٸنٸڭ (مكك) حابارلاۋىنشا, 2 قازاننان باستاپ سالىق سوماسىن ۋاقىتىندا تٶلەمەگەن ازاماتتارعا جەكە تۇلعالاردىڭ سالىقتىق قارىزى تۋرالى حابارلامالار جٸبەرٸلەدٸ.
وسىدان كەيٸن 30 كٷن ٶتكەن سوڭ, بٸر ايلىق ەسەپتٸك كٶرسەتكٸشتەن (اەك) اساتىن قارىزدار بويىنشا مەجبٷرلەپ ٶندٸرۋ تۋرالى بۇيرىق جٸبەرٸلەدٸ. بۇدان كەيٸن تاعى بەس كٷن ٸشٸندە ول بۇيرىق جەكە سوت ورىنداۋشىلارىنا (جسو) مەجبٷرلەپ ٶندٸرٸپ الۋ ٷشٸن بەرٸلەدٸ.
نەتيجەسٸندە بورىشكەرگە سالىقتى بەرٸبٸر تٶلەۋگە تۋرا كەلەدٸ, بٸراق وعان قوسا جسو قىزمەتتەرٸ ٷشٸن قارىز سوماسىنىڭ 25%-ىنا دەيٸن تٶلەۋگە مٸندەتتەلەدٸ.
سونىمەن قاتار ازامات مەملەكەت تاراپىنان سانكتسييالارعا تاپ بولۋى مٷمكٸن: ونىڭ بانكتٸك شوتتارى بۇعاتتالىپ, ەلدەن شىعۋعا تىيىم سالىنادى.
"سوندىقتان, ارتىق شىعىندار مەن مەسەلەلەردەن اۋلاق بولۋ ٷشٸن مٷلٸك سالىعىن ۋاقىتىندا تٶلەۋدٸ ۇسىنامىز", - دەپ قورىتىندىلادى مكك ٶكٸلدەرٸ.
ەسكە سالا كەتەيٸك, قازاقستاندا كەيبٸر ساناتتاعى ازاماتتار سالىق تٶلەۋدەن بوساتىلعان نەمەسە بەلگٸلٸ بٸر جەڭٸلدٸكتەرگە يە. سونداي-اق, قازاقستاندىقتار مٷلٸك سالىعىن تٶلەۋ قاجەتتٸلٸگٸ تۋرالى حابارلامالاردى جازدىڭ ورتاسىنان باستاپ الا باستاعانىن اتاپ ٶتكەن جٶن. تٶلەم جاساعان ازاماتتارعا ونى قايتادان تٶلەۋدٸڭ قاجەتٸ جوق.
