سىبايلاس جەمقورلىققا قارسى ٸس-قيمىل اگەنتتٸگٸنٸڭ پرەۆەنتسييا دەپارتامەنتٸنٸڭ باسشىسى انار جاروۆانىڭ ايتۋىنشا, اتالمىش كوميسسييا قۇرامىنا قوعام ٶكٸلدەرٸن ەنگٸزۋ تەرتٸبٸ قولدانىستا بار. دەسە دە, مٸندەتتٸ ەمەس وسى نورمانى جەرگٸلٸكتٸ ەكٸمدٸكتەر ورىنداماي وتىر, دەپ حابارلايدى قازاقپارات.
«تۇرعىن ٷيدٸ بٶلۋ كەزٸندە اشىقتىقتىڭ بولماۋى دا مەسەلە تۋىنداتادى. پەتەر بٶلۋ ٸسٸن ەكٸمدٸكتەردٸڭ تۇرعىن ٷي كوميسسيياسى جٷرگٸزەدٸ. الايدا ولاردىڭ قۇرامىندا ٸس جٷزٸندە قوعام ٶكٸلدەرٸ جوق. مٸندەتتٸ بولماسا دا, ولاردىڭ مٷشەلٸگٸندە كەمٸندە 3 قوعام ٶكٸلٸ بولۋى كەرەكتٸگٸ تۋرالى نورما ەدەتتە ساقتالمايدى. قۇرىلاتىن تۇرعىن ٷي كوميسسيياسىنىڭ قۇرامىنا مەملەكەتتٸك جەنە جەرگٸلٸكتٸ اتقارۋشى ورگانداردىڭ قىزمەتكەرلەرٸ عانا كٸرەدٸ», - دەدٸ انار جاروۆا اگەنتتٸكتە ٶتكەن باسپاسٶز مەسليحاتىندا.
وسىعان بايلانىستى, ولارعا قوعام ٶكٸلدەرٸن پەتەر بٶلٸنٸسٸنە قاتىستىرۋ تۋرالى نورمانى ەنگٸزە وتىرىپ, تۇرعىن ٷي كوميسسييالارى تۋرالى ٷلگٸلٸك ەرەجەنٸ قايتا قاراۋ تالاپ ەتٸلەدٸ.
«بۇدان باسقا, قابىلداناتىن شەشٸمدەردٸڭ اشىقتىعىن قامتاماسىز ەتۋ ماقساتىندا ونلاين ترانسلياتسييامەن تۇرعىن ٷي كوميسسيياسى وتىرىستارىن مٸندەتتٸ تٷردە اۋديو, بەينە تٸركەۋ قاجەت. سونداي-اق, تالداۋ بارىسىندا پەتەرلەردٸ قاباتتارعا بٶلۋگە بايلانىستى سىبايلاس جەمقورلىق تەۋەكەلدەرٸ انىقتالدى. بۇل مەسەلە نورماتيۆتٸك تٷردە رەتتەلمەگەن. بۇل ەكٸمدٸك قىزمەتكەرلەرٸنە ٶز قالاۋى بويىنشا شەشٸم قابىلداۋعا جاعداي جاساپ, بەلگٸلٸ بٸر سىياقى ٷشٸن «سۇرانىسقا يە قاباتتاردى» بٶلۋدٸڭ سىبايلاس جەمقورلىق تەۋەكەلٸن تۋىنداتادى. بۇل جەردە شەشٸم ادام فاكتورىنىڭ ارالاسۋىنسىز پەتەرلەردٸ قاباتتارعا بٶلۋ پروتسەسٸ اۆتوماتتاندىرىلۋى مٷمكٸن. بۇل تۇرعىن ٷيدٸ بٶلۋ كەزٸندە اشىقتىق پەن ايقىندىلىقتى قامتاماسىز ەتەدٸ», - دەيدٸ ول.
ايتا كەتسەك, بۇعان دەيٸن انار جاروۆا مەملەكەتتەن بەرٸلەتٸن تۇرعىن ٷي كەزەگٸ بويىنشا كەزدەسكەن زاڭبۇزۋشىلىقتاردى اتاعان بولاتىن.
