24 قازان كٷنٸ قر ۇلتتىق سپورت قاۋىمداستىعى قۇرامىنداعى رەسپۋبليكالىق «كٶكپار» جەنە «اۋدارىسپاق» فەدەراتسييالارىنىڭ باسشىلىق قۇرامىنا ٶزگەرٸستەر ەندٸ.
قۇرىلتايشىلاردىڭ جالپى جينالىسىنىڭ حاتتاماسىنا سەيكەس, رەسپۋبليكالىق «كٶكپار» فەدەراتسيياسىنىڭ پرەزيدەنتٸ بولىپ دٸلدەبەكوۆ مۇحتارحان قوبىلانبەكۇلى, ال رەسپۋبليكالىق «اۋدارىسپاق» فەدەراتسيياسىنىڭ پرەزيدەنتٸ بولىپ قوبىلاندين دانييار جاڭابايۇلى تاعايىندالدى.
داڭقتى بوكسشى مۇحتارحان دٸلدەبەكوۆ ەسٸمٸ سپورتسٷيەر قاۋىمعا جاقسى تانىس. بٸراق, ەكٸ وليمپيادا ويىندارىندا باق سىناعان, سيدنەي وليمپياداسىنىڭ كٷمٸس جٷلدەگەرٸ, حٸٸ ازييالىق ويىندارىنىڭ جەڭٸمپازى, حٸV ازييالىق ويىندارىنىڭ كٷمٸس جٷلدەگەرٸ, ەلەم چەمپيوناتىنىڭ كٷمٸس جٷلدەگەرٸ اتانعان اتاقتى بوكسشىنىڭ ٷلكەن سپورتقا دەيٸن دودابۇزار كٶكپارشى بولعانىن ەكٸنٸڭ بٸرٸ بٸلە بەرمەيدٸ.
تانىستىرىپ ٶتەلٸك, مۇحتارحان دٸلدەبەكوۆ 1976 جىلى تٷركٸستان وبلىسى ماقتارال اۋدانى, اباي اۋىلىندا دٷنيەگە كەلگەن. قازاقستان رەسپۋبليكاسىنىڭ ەڭبەك سٸڭٸرگەن سپورت شەبەرٸ. بٸلٸمٸ جوعارى. م.ەۋەزوۆ اتىنداعى وڭتٷستٸك قازاقستان مەملەكەتتٸك ۋنيۆەرسيتەتٸ, ق.ا.ياساۋي اتىنداعى حالىقارالىق قازاق -تٷرٸك ۋنيۆەرسيتەتٸن تەمامداعان. «پاراسات» وردەنٸنٸڭ يەگەرٸ, وڭتٷستٸك قازاقستان وبلىسىنىڭ قۇرمەتتٸ ازاماتى.
بوكس قولعابىن شەگەگە ٸلگەن 2006 جىلدان مۇحتارحان دٸلدەبەكوۆ شىمكەنت قالاسىنىڭ №5 بوكستان وليمپيادا رەزەرۆٸنٸڭ ماماندىرىلعان بالالار مەن جاسٶسپٸرٸمدەر سپورت مەكتەبٸنٸڭ ديرەكتورى, 2008 جىلدان وسى ۋاقىتقا دەيٸن «وڭتٷستٸك قازاقستان وبلىسىنىڭ بوكستان وليمپيادا رەزەرۆٸن دايىندايتىن بالالار مەن جاسٶسپٸرٸمدەردٸڭ ماماندىرىلعان سپورت مەكتەبٸنٸڭ» ديرەكتورى قىزمەتتەرٸن اتقارىپ كەلدٸ.
الايدا, ات جالىن تارتىپ مٸنگەننەن كٶكپارقۇمار بولعان مۇحتارحان دٸلدەبەكوۆ وسى جىلدار ارالىعىندا وڭتٷستٸك ٶڭٸردە جيٸ ۇيىمداستىرىلاتىن جاپپاي كٶكپاردىڭ دوداسىنان دا الىس كەتكەن ەمەس. سوندىقتان بولار, اتاقتى بوكسشىنىڭ كٶكپارشىلىعى تۋرالى كەزٸندە بۇقارالىق اقپارات قۇرالدارىندا كٶلەمدٸ ماقالالار مەن سۇحباتتار از جارييالانعان جوق.
مٸنە, بوكس جانكٷيەرلەرٸ مەن كٶكپار جانكٷيەرلەرٸنە اتى مەشھٷر بولىپ كەلگەن مۇحتارحان دٸلدابەكوۆ ەندٸ رەسپۋبليكالىق كٶكپار فەدەراتسيياسىنىڭ پرەزيدەنتٸ بولىپ تاعايىندالدى. جۇدىرىعى گٷرزٸدەي مۇحتارحان دٸلدەبەكوۆ شارشى الاڭدا ۇزاق جىل اتوي سالىپ, قازاق ۇلتىنىڭ مەرەيٸن ٶسٸردٸ. ەندٸ ەلٸمٸزدٸڭ كٶكپار تٸزگٸنٸن قولعا العان مۇحتارحانعا ۇلتتىق ٶنەرٸمٸزدٸڭ بەدەلٸن ارتتىرىپ, كوماندالىق كٶكپار ويىنىن ەلەمدٸك دەڭگەيگە كٶتەرەدٸ دەگەن سەنٸم ارتىلىپ وتىر. بۇعان دەيٸن ٶزٸ قادام باسقان سالاسىندا تاباندىلىق تانىتىپ كەلگەن مۇحتارحان دٸلدەبەكوۆ ەل سەنٸمٸنٸڭ ٷدەسٸنەن شىعا بٸلگەن ازاماتتىڭ بٸرٸ.
ال, رەسپۋبليكالىق «اۋدارىسپاق» فەدەراتسيياسىنىڭ پرەزيدەنتٸ بولىپ تاعايىندالعان قوبىلاندين دانييار جاڭابايۇلى جايلى ماعلۇمات تٶمەندەگٸدەي.
دانييار قوبىلاندين 1984 جىلى الماتى قالاسىندا دٷنيەگە كەلگەن. بٸلٸمٸ جوعارى. ل. گۋميلەۆ اتىنداعى ەۋرازييا ۇلتتىق ۋنيۆەرسيتەتٸنٸڭ, قر پرەزيدەنتٸ جانىنداعى مەملەكەتتٸك باسقارۋ اكادەميياسىنىڭ تٷلەگٸ. ەڭبەك جولىن اقتٶبە وبلىسى پروكۋراتۋراسىنان باستاعان. قر كٶلٸكتٸك باقىلاۋ كوميتەتٸندە, قر پرەزيدەنت ەكٸمشٸلٸگٸندە, الماتى قالاسى ەكٸمدٸگٸندە قىزمەت ەتكەن. قازٸرگٸ كەزدە جەكە كەسٸپكەر.
تٶلەگەن جەكٸتاي
