قازاقستان پرەمەر-مينيسترٸنٸڭ ورىنباسارى – سىرتقى ٸستەر مينيسترٸ مۇحتار تٸلەۋبەردٸ قازاقستانعا رەسمي ساپارمەن كەلگەن يادرولىق سىناقتارعا جاپپاي تىيىم سالۋ تۋرالى شارت ۇيىمىنىڭ (ياسجتشۇ) اتقارۋشى حاتشىسى روبەرت فلويدپەن كەزدەستٸ. قىزمەتكە كٸرٸسكەننەن كەيٸن بۇل ر.فلويدتىڭ العاشقى شەتەلدٸك ساپارى, دەپ حابارلايدى "ۇلت اقپارات" سٸم باسپاسٶز قىزمەتٸنە سٸلتەمە جاساپ.
م.تٸلەۋبەردٸ قازاقستاننىڭ يادرولىق سىناقتارعا تىيىم سالۋ رەجيمٸن نىعايتۋ ساياساتىنا, يادرولىق قارۋدان ازات ەلەم قۇرۋعا جەنە يادرولىق سىناقتارعا جان-جاقتى تىيىم سالۋ تۋرالى شارتتىڭ (ياسجتش) تەز ارادا كٷشٸنە ەنۋٸنە بەرٸك ۇستانىمىن راستادى. اتقارۋشى حاتشىنىڭ ٶزٸنٸڭ العاشقى رەسمي ساپارىن قازاقستاننان باستاۋىنىڭ جەنە جابىلۋىنىڭ 30 جىلدىعى قارساڭىندا بۇرىنعى سەمەي يادرولىق پوليگونىنا بارۋىنىڭ سيمۆولدىق مەنٸ بار. بۇل سونداي-اق الداعى 29 تامىزدا يادرولىق سىناقتارعا قارسى حالىقارالىق كٷنٸمەن جەنە ورتالىق ازييادا يادرولىق قارۋدان ازات ايماق قۇرىلۋىنىڭ 15 جىلدىعىمەن تۇسپا-تۇس كەلەدٸ.
ٶز كەزەگٸندە ر.فلويد ياسجتشۇ قىزمەتٸنە قولداۋ كٶرسەتكەنٸ ٷشٸن قازاقستاندىق تاراپقا العىسىن بٸلدٸرە وتىرىپ, قازاقستاننىڭ يادرولىق قارۋسىزدانۋ سالاسىنداعى ەرەكشە رٶلٸن اتاپ ٶتتٸ جەنە شارتقا قاتىسۋشى ەلدەردٸڭ بٸرلەسكەن كٷش-جٸگەرٸمەن يادرولىق قارۋسىز بەيبٸتشٸلٸك ورناتۋ جٶنٸندەگٸ ماقساتقا قول جەتكٸزە الادى دەگەن ٷمٸتٸن بٸلدٸردٸ.
تاراپتار سونداي-اق ىنتىماقتاستىقتىڭ ٶزەكتٸ مەسەلەلەرٸن, اتاپ ايتقاندا, يادرولىق سىناقتار مەن جەرگٸلٸكتٸ جەرلەردەگٸ ينسپەكتسييالارعا مونيتورينگ جٷرگٸزۋدٸڭ حالىقارالىق جٷيەسٸ ستانتسييالارى جەلٸسٸنٸڭ جۇمىس ٸستەۋٸن كٶزدەيتٸن ۆەريفيكاتسييالىق رەجيمدٸ نىعايتۋدى تالقىلادى.
كەزدەسۋ قورىتىندىسى بويىنشا بٸرلەسكەن مەلٸمدەمە قابىلدانىپ, وندا تاراپتار يادرولىق قارۋسىزدانۋ مەن تاراتپاۋعا ٶزدەرٸنٸڭ بەيٸلدٸلٸگٸن راستادى. وندا سونداي-اق بارلىق مەملەكەتتەرگە يادرولىق سىناقتار جٷرگٸزۋگە موراتورييدٸ ساقتاۋدى جالعاستىرۋعا, حالىقارالىق بەيبٸتشٸلٸك پەن قاۋٸپسٸزدٸكتٸ قولداۋعا باعىتتالعان يادرولىق سىناقتارعا جان-جاقتى تىيىم سالۋ تۋرالى شارتقا قول قويۋعا جەنە/نەمەسە راتيفيكاتسييالاۋعا شاقىرۋ قامتىلعان.
