اۋعانستاننىڭ ەكونوميكاسىن كٶرشٸ ەلدەرمەن, سونىمەن بٸرگە ورتالىق ازييا مەملەكەتتەرٸمەن ينتەگراتسييالاۋدىڭ ماڭىزى زور. قر سىرتقى ٸستەر مينيسترٸ مۇحتار تٸلەۋبەردٸ نۇر-سۇلتاندا ٶتٸپ جاتقان ەۋروپاداعى قاۋٸپسٸزدٸك جەنە ىنتىماقتاستىق ۇيىمىنىڭ (ەقىۇ) اۋعانستان بويىنشا دٶڭگەلەك ٷستەل وتىرىسىندا وسىلاي دەدٸ, دەپ حابارلايدى قازاقپارات.
«سوڭعى 28 جىلدا قازاقستان ايماقتاعى تاريحى مەن مەدەنيەتٸ ورتاق سەرٸكتەستەرٸمەن تىعىز بايلانىس ورناتۋدا تىڭ باستامالاردى كٶتەرٸپ كەلەدٸ. كەزٸندە تاريحي تۇرعىدا زور ماڭىزعا يە بولعان, جٸبەك جولى بويىنداعى ورتالىق ازييا ەلدەرٸنٸڭ گەوگرافييالىق ورنالاسۋى – ٶزارا قارىم-قاتىناستى كٷشەيتۋگە مٷمكٸندٸك بەرەدٸ. سونداي-اق, ورتالىق ازييا مەملەكەتتەرٸ باسشىلارىنىڭ بەيرەسمي وتىرىسىنىڭ ارقاسىندا ىنتىماقتاستىققا جاڭا جول اشىلدى. قازٸرگٸ تاڭدا بٸزدٸڭ كٶشباسشىلار ورتاق مٸندەتتەردٸ ورىنداۋدا ورتاق امال-ەدٸستەردٸ ويلاپ تابۋعا نىق سەنٸممەن كەلە جاتىر. مەسەلەن, 2018 جىلدىڭ تامىزىندا ورتالىق ازييا ەلدەرٸنٸڭ باسشىلارى تٷرٸكمەنستاندا كەزدەسٸپ, ارال تەڭٸزٸن قۇتقارۋ شارالارىن تالقىلادى. الايدا, بٷگٸنگٸ جەنە ەرتەڭگٸ كٷن ٷشٸن دە كٷردەلٸ مەسەلەلەلەردٸڭ بٸرٸ – اۋعانستانداعى تۇراقتىلىققا بايلانىستى ەكەنٸن بەرٸمٸز بٸلەمٸز», - دەدٸ قر سىرتقى ٸستەر مينيسترٸ مۇحتار تٸلەۋبەردٸ وتىرىس بارىسىندا.
مينيستردٸڭ ايتۋىنشا, اۋعانستاننىڭ تۇراقتى تٷردە دامۋى, ونداعى بەيبٸتشٸلٸك پەن تۇراقتىلىق – ايماقتاعى ىنتىماقتاستىقتىڭ دامۋىنا نىق ٷلەس قوسادى.
«قازاقستان – ايماقتىق ىنتىماقتاستىقتىڭ بەلسەندٸ ادۆوكاتى رەتٸندە ايماقتاعى «ويىنشىلار» اراسىنداعى ٶزارا تٷسٸنٸستٸككە جەتۋ ٷشٸن كٷش بٸرٸكتٸرۋدٸ كٶزدەيدٸ. اۋعانستان تولىعىمەن بەيبٸت پروتسەسكە, ٶمٸرگە ورالىپ, حالىقارالىق الاڭدا قازاقستان ساياساتى ٷشٸن باسىمدىققا يە ەلدەردٸڭ بٸرٸ بولىپ قالا بەرەدٸ», - دەدٸ ول.
مۇحتار تٸلەۋبەردٸ ٶز سٶزٸندە ٶزارا ىنتىماقتاستىقتىڭ اياسىن كەڭەيتە وتىرىپ, اۋعانستاننىڭ ەكونوميكاسىن كٶرشٸ ەلدەرمەن, سونىمەن بٸرگە ورتالىق ازييا مەملەكەتتەرٸمەن ينتەگراتسييالاۋدىڭ ماڭىزى زور ەكەنٸن اتاپ ٶتتٸ.
«ەكٸ اپتا بۇرىن قاسىم-جومارت توقاەۆ نيۋ-يوركتەگٸ بۇۇ باس اسسامبلەياسىنىڭ 74-شٸ سەسسيياسىندا بٸزدٸڭ ەلٸمٸزدٸڭ اۋعانستانعا كٶمەك كٶرسەتۋدٸ جالعاستىرۋعا دايىن ەكەنٸن بٸلدٸرگەن بولاتىن. مەملەكەت باسشىسى مىقتى ىنتىماقتاستىق, ۇزاق مەرزٸمدٸ ينۆەستيتسييا, ايماقتىق كەلٸسٸم – تابىس پەن ەلدەگٸ بەيبٸت پروتسەستەرگە قول جەتكٸزۋدٸ شەشۋشٸ فاكتور ەكەنٸن اتاپ ٶتتٸ», - دەدٸ ول.
ەسكە سالا كەتسەك, نۇر-سۇلتاندا ٶتٸپ جاتقان ەۋروپاداعى قاۋٸپسٸزدٸك جەنە ىنتىماقتاستىق ۇيىمىنىڭ (ەقىۇ) اۋعانستان بويىنشا دٶڭگەلەك ٷستەلٸندە مۇحتار تٸلەۋبەردٸ «جۋسان» وپەراتسيياسىنىڭ ٸزٸمەن قازاقستان يراكتان 14 بالانى قايتارىپ الۋدى جوسپارلاپ وتىرعانىن مەلٸم ەتكەن بولاتىن.
