بٷگٸن ەلوردادا ەكسترەميزم مەن تەرروريزمنٸڭ الدىن الۋ جەنە ونىڭ جولىن كەسۋ مەسەلەلەرٸنە ارنالعان دٶڭگەلەك ٷستەل وتىرىسى بارىسىندا «بولاتحان تايجان» قورىنىڭ پرەزيدەنتٸ مۇحتار تايجان ەرٸپتەستەرٸن قازاق تٸلٸندە سٶيلەۋگە شاقىردى. بۇل تۋرالى قازاقپارات جازدى.
«بٷگٸن - 22 قىركٷيەك. دەل وسىدان 27 جىل بۇرىن «تٸل تۋرالى» زاڭ قابىلداندى. وسىندا وتىرعان بەرٸمٸز پاتريوتتىق جايىندا ايتىپ جاتىرمىز. ول دۇرىس, قۇپتايمىز. بٸراق, بٸز ٶزٸمٸزدەن باستاپ مەملەكەتتٸك تٸلگە قۇرمەت كٶرسەتپەسەك, وندا بٸزگە قالاي سەنٸم ارتىلماق? بٸز ٷلگٸ كٶرسەتۋگە تيٸس ەمەسپٸز بە, اعايىن? ەرينە, قازاق تٸلٸن بٸلمەيتٸندەرگە ەش ايىپ جوق. ورىسشا تٷسٸنەمٸز. الايدا, قازاقشا بٸلەتٸندەر قازاقشا سٶيلەسەيٸكشٸ. ەلوردانىڭ, قازاق ەلٸنٸڭ استاناسىنىڭ تٶرٸندە وتىرمىز. ٷلكەن دەڭگەيدەگٸ جيىن ٶتۋدە. نەگە ٶزٸمٸزدٸڭ مەملەكەتتٸك تٸلٸمٸزدە سٶيلەمەيمٸز?», - دەدٸ ول دٶڭگەلەك ٷستەلگە قاتىسۋشىلارعا قاراتا.
