قر پارلامەنتٸ مەجٸلٸسٸندە پالاتا سپيكەرٸ نۇرلان نىعماتۋليننٸڭ تٶراعالىعىمەن جەنە ٶڭٸر ٶكٸلدەرٸنٸڭ قاتىسۋىمەن «قازاقستان رەسپۋبليكاسىندا بەيبٸت جينالىستاردى ۇيىمداستىرۋ جەنە ٶتكٸزۋ تەرتٸبٸ تۋرالى» زاڭ جوباسىن تالقىلاۋعا ارنالعان دٶڭگەلەك ٷستەل وتىرىسى ٶتتٸ. قوعام قايراتكەرٸ جەنە جۇمىس توبىنىڭ مٷشەسٸ مۇحتار تايجان تالقىلاۋعا قاتىستى پٸكٸرٸمەن بٶلٸستٸ, دەپ حابارلايدى قازاقپارات.
«تالقىلاۋ فورماتىنا قاناعاتتانۋشىلىق بٸلدٸرەمٸن. مەجٸلٸس سپيكەرٸ تالقىلاۋدى جٷرگٸزٸپ, وعان بارلىق ٶڭٸر قاتىستى. بۇل جاقسى فورمات. مەن ميتينگ كەزٸندە جۋرناليستەر ٷشٸن ەشقانداي شەكتەۋ جاساۋ كەرەكتٸگٸن ۇسىندىم. ٶيتكەنٸ, باق تۋرالى ارنايى زاڭ بار. بۇل ميتينگ كەزٸندە جۋرنلايستەر ٷشٸن قانداي دا بٸر مٸندەتتەمەنٸ جٷكتەۋ ٷشٸن جەتكٸلٸكتٸ. جۋرناليستەر ٷشٸن ارنايى ايماق ەنگٸزۋ ۇسىنىلدى. مەنٸڭشە, ونىڭ ەش قاجەتٸ جوق. جۋرناليستەردٸڭ كٸممەن سٶيلەسكٸسٸ كەلسە, سونىمەن سٶيلەسۋگە مٷمكٸندٸگٸ بولۋى تيٸس. ەكٸنشٸدەن, ميتينگ تۋرالى ەسكەرتۋ مەرزٸمٸن 15 كٷننەن 10 كٷنگە دەيٸن قىسقارتۋ قاجەت. ال پيكەت ٷشٸن ەسكەرتۋدٸ مٷلدەم الىپ تاستاۋ كەرەك», - دەدٸ مۇحتار تايجان.
ونىڭ اتاپ ٶتۋٸنشە, بەيبٸت جينالىستار ٷشٸن مامانداندىرىلعان ورىن ەنگٸزۋگە قاتىستى قىزۋ پٸكٸرتالاس بولدى.
«مەنٸڭشە, ميتينگ ٶتكٸزۋگە بولمايتىن جەرلەردٸ ايقىنداۋ قاجەت. مەسەلەن, ولار: كٶپٸرلەر, قارۋ-جاراق قويماسى, ەسكەري بازا نەمەسە بٶگەت. بۇل جەرلەردە تەحنولوگييالىق قاۋٸپكە بايلانىستى ٶتكٸزۋگە بولمايدى. قالعان بارلىق بۇقارالىق جەرلەر ميتينگ ٶتكٸزۋ ٷشٸن اشىق بولۋى تيٸس. ەدٸلەت مينيسترلٸگٸ مارات بەكەتاەۆ ٶتە جاقسى مىسال كەلتٸردٸ. اقش-تا كاپيتولييا مەن اق ٷي تٶڭٸرەگٸ جاسىل جەنە قىزىل ايماققا بٶلٸنگەن. ەرەۋٸلشٸلەر نەمەسە شەرۋشٸلەر اتالعان عيماراتتاردىڭ جۇمىس ٸستەۋٸنە كەدەرگٸ كەلتٸرمەۋلەرٸ تيٸس ەكەندٸگٸ تٷسٸنٸكتٸ. بٸراق, ول جاققا جاسىل ايماق بار. ول جەردە ەرەۋٸلگە شىعۋعا جينالۋعا بولادى. ولار Free speech zone دەپ اتالادى. مەنٸڭشە, بۇل جاقسى تەجٸريبە جەنە بٸز ونى ونى الۋىمىز كەرەك. ەگەر پارلامەنت ماڭىنان قانداي دا بٸر ايماق بەلگٸلەپ, ەشكٸمگە بٶگەت جاساماي جينالا الاتىن بولساق نەگە جاساماسقا»,- دەدٸ سپيكەر.
مۇحتار تايجان جۋرناليستەر نازارىن زاڭ جوباسىن تالقىلاۋعا ارنالعان جيىننىڭ 2 ساعاتتان استامعا سوزىلعانىنا دا اۋداردى.
«ٶزدەرٸڭٸزدە كٶرٸپ وتىرعانداي 2,5 ساعات بويى تالقىلاپ جاتىرمىز. جيىندى مەجٸلٸس تٶراعاسى جٷرگٸزٸپ, جۇمىس توپتارىنىڭ باسشىلارى, كوميتەت تٶراعالارى, مينيسترلەر, مينيستر ورىنباسارلارى, قر باس پروكۋرورىنىڭ ورىنباسارى قاتىسۋدا. ەرينە, ولار بٸزدٸڭ پٸكٸرٸمٸزدٸ ەستٸدٸ. ٶڭٸرلەر دە قاتىسىپ, ٶتە جاقسى ۇسىنىستار بەدٸ. بٸز بۇل زاڭ جوباسىنىڭ ەربٸر بابىن تىڭعىلىقتى قاراپ شىعامىز دەپ ويلايمىن. مەن جۇمىس توبىنا ەرلان قاليەۆ, مارجان اسپانديياروۆا, ەرلان نۇرپەيٸسوۆ سىندى بەلسەندٸلەردٸ قوسۋدى ۇسىندىم. ولار ەرتٷرلٸ قالادا تۇرادى. ولار ەربٸر وتىرىسقا قاتىسا الماعان كٷننٸڭ ٶزٸندە مەن ولاردىڭ پٸكٸرلەرٸن جارييا ەتٸپ وتىراتىن بولامىن», - دەدٸ ول.
