«نۇر وتان» پارتيياسى تٶراعاسىنىڭ بٸرٸنشٸ ورىنباسارى مۇحتار قۇل-مۇحاممەد ەلباسى جولداۋى قازاقستاننىڭ جٷيەلٸ جاڭعىرۋداعى 10 باسىم باعىتىن جٷزەگە اسىرۋدى قامتاماسىز ەتەتٸن بٸرەگەي باعدارلامالىق قۇجات ەكەنٸن ايتتى.
بۇل تۋرالى بٷگٸن دەموكراتييالىق كٷشتەردٸڭ «قازاقستان-2050» جالپىۇلتتىق كواليتسيياسىنىڭ كەزەكتٸ وتىرىسىندا مەلٸم بولدى.
– ەلباسىمىزدىڭ جولداۋىندا ەلٸمٸزدٸ ساياسي, ەكونوميكالىق, ەلەۋمەتتٸك جەنە رۋحاني جاڭعىرتۋدىڭ 10 باسىم باعىتى ايقىن بەلگٸلەنگەن. بٸزدٸڭ ەندٸگٸ مٸندەتٸمٸز – ەربٸر قازاقستاندىقتىڭ ٶمٸرٸ, دەنساۋلىعى مەن تۇرمىسىنا دەگەن ەلباسى قامقورلىعىنان تۇراتىن جولداۋدىڭ مازمۇنىن بارشا حالىققا جەتكٸزۋ, – دەدٸ مۇحتار قۇل-مۇحاممەد.
سونداي-اق, ٸس-شارادا «تٶرتٸنشٸ ٶنەركەسٸپتٸك رەۆوليۋتسييا جاعدايىنداعى دامۋدىڭ جاڭا مٷمكٸندٸكتەرٸ» دەپ اتالاتىن جولداۋدا ايتىلعان جاڭا قازاقستاندىق يندۋسترييانى, اگروٶنەركەسٸپتٸك كەشەندٸ جەنە كٶلٸكتٸك-لوگيستيكالىق ينفراقۇرىلىمدى تسيفرلاندىرۋ, تۇرعىن-ٷي قۇرىلىسى مەن كوممۋنالدىق سەكتورعا جاڭا تەحنولوگييالاردى ەنگٸزۋ ەلباسى ۇسىنعان ەلدٸ دامىتۋدىڭ نەگٸزگٸ ۆەكتورى بولىپ تابىلاتىنى ايتىلدى.
كواليتسيياسىنىڭ وتىرىسىنا ەلدەگٸ جەتەكشٸ پارتييالاردىڭ باسشىلارى, پارلامەنت دەپۋتاتتارى, قازاقستان حالقى اسسامبلەياسىنىڭ, كەسٸبي جەنە قوعامدىق بٸرلەستٸكتەردٸڭ ٶكٸلدەرٸ قاتىسىپ, مەملەكەت باسشىسىنىڭ جاڭا جولداۋىنا بايلانىستى ٶز ويلارىن ورتاعا سالىپ, پٸكٸرلەرٸمەن بٶلٸستٸ.
نەتيجەسٸندە جولداۋعا قولداۋ بٸلدٸرگەن, ەلٸمٸزدٸڭ بارشا ازاماتتارىن جىلدىڭ باستى قۇجاتىن تالقىلاۋ جەنە تٷسٸندٸرۋ جۇمىستارىنا بەلسەندٸ قاتىسۋعا شاقىرعان ٷندەۋ قابىلداندى.
ۇلت پورتالى
.jpeg)