سارىبالا, سەن جازۋشى بولامىن دەپ جٷرسٸڭ عوي. سول بولاشاق تٸرلٸگٸڭە دەمەۋ بولار ٷش تاراۋ اقىلىمدى ايتايىن. قابىل الساڭ, قاپى قالماسسىڭ.
اراقتى ەۋ باستا ەم-دوم ٷشٸن شىعارعان. ازداپ ٸشسەڭ — دەرۋ, كٶپ ٸشسەڭ — ۋ. جٶنٸمەن تاتا بٸلسەڭ, ارتىقتىق ەتپەيدٸ ول. ال قاتاڭ ەسكەرتەرٸم, تەمەكٸگە جولاما! ادام اعزاسىن ارىلماس دەرتكە ۇشىراتاتىن كەسٸرلٸ كەسەلدٸڭ ەڭ زيياندىسى. بۇل — بٸر.
جازۋشىنىڭ ٶتە بٸر باعا جەتپەس قۇندىسى — ۋاقىتى. وسى قۇندىنىڭ اسا قاس جاۋى — كارتا دەيتٸن ازارتى مول ويىن. ول نەمەڭ — اقىلىڭدى ۇرلاۋمەن قوسا, دوستارىڭنان اجىراتاتىن زەندەمٸنٸڭ ٶزٸ. ٶيتكەنٸ, ۇتىلساڭ — اقشا بولماي, بەرە الماۋىڭ مٷمكٸن. ۇتساڭ — قولما-قول الا الماي, ارالارىڭ سۋىسىپ كەتۋٸ عاجاپ ەمەس. سوندىقتان كارتادان اۋلاق بول.
ٷشٸنشٸدەن, بٸزدٸڭ جاساعان قاتەلٸكتەرٸمٸزدٸ قايتالاماڭدار. جوعارى وقۋ ورىندارىندا وقىپ جٷرگەنٸمٸزدە قازاق قىزدارى ورتالاۋ مەكتەپتٸ دە بٸتٸرمەيتٸن ەدٸ. سودان با «تەڭ تەڭٸمەن» دەگەنگە ەۋلەكٸلەنٸپ, «قولىمىز جەتكەنٸمٸز» ورىس قىزىنا, ودان كەيٸنگٸلەرٸمٸز تاتارعا, باسقا ۇلت بويجەتكەندەرٸنە ٷيلەندٸك. ۇلتتىڭ ۇلت بوپ ۇيىتىلۋى بەسٸكتەن باستالارىنا مەن بەرمەپپٸز. ال ۇلتتىڭ ۇلىلىعىن ساقتاۋ ٷشٸن ٶز جۇرتىڭنىڭ ارۋىمەن باس قوسۋدىڭ اسا قاجەتتٸگٸن كەش سەزٸپ, سان سوعىپ جٷرمٸز. سەندەر ەلدەن الىستا جٷرسٸڭدەر. بٷگٸندە قازاعىڭنىڭ وقىعان قاراكٶزدەرٸ جەتكٸلٸكتٸ. بٸزدٸڭ قاتەلٸگٸمٸزدٸ تٷزەتۋگە تىرىسىڭدار.
سولاي, سوفى بالام. كەڭەسٸمە قۇلاپ تٷسپەسە دە, قۇلاق اسار ۇرپاق بولسا دەيتٸن تٸلەگٸمنٸڭ بٸر پاراسى وسى.
مەسكەۋ, 1961 جىل.
مۇحتار ەۋەزوۆ
