بٷگٸن قر مەدەنيەت جەنە سپورت ۆيتسە-مينيسترٸ نۇرعيسا دەۋەشوۆ مۇحتار ەۋەزوۆ اتىنداعى قازاق مەملەكەتتٸك اكادەمييالىق دراما تەاترى ۇجىمىنا جاڭا ديرەكتوردى تانىستىردى, دەپ حابارلايدى "ۇلت اقپارات".
قر مەدەنيەت جەنە سپورت مينيسترٸ اقتوتى رايىمقۇلوۆانىڭ ارنايى بۇيرىعىمەن 5 ناۋرىزدان باستاپ تەاترعا ٶنەرتانۋ عىلىمدارىنىڭ كانديداتى, قازاقستاننىڭ ەڭبەك سٸڭٸرگەن قايراتكەرٸ ەركٸن تٸلەۋقۇلۇلى جۋاسبەك باسشىلىق ەتەدٸ.
«سەتتٸلٸك تٸلەيمٸز! تالاي جىل قىزمەت ەتٸپ, وسى جەردٸڭ ٶسۋ-ٶركەندەۋٸنە اتسالىسىپ كەلە جاتىرسىز. جالپى قازاقستاننىڭ تەاتر ٶنەرٸ سالاسىندا ەڭبەگٸڭٸز وراسان زور. سونى مينيسترلٸك ٶتە جاقسى باعالاپ, ٶزٸڭٸزگە دەگەن ٷلكەن جاۋاپكەرشٸلٸك, سەنٸم ارتىپ, تەاتردىڭ دامۋىنا ٷلەس قوسادى دەگەن نيەتپەن سٸزدٸ تاعايىنداۋدى جٶن دەپ سانادى. قىزمەتٸڭٸز قۇتتى بولسىن. بۇل لاۋازىمنان كٶرٸ, ارتىلعان جاۋاپكەرشٸلٸكتٸڭ جٷگٸ اۋىر. ۇجىممەن بٸرگە جەمٸستٸ قىزمەت ەتەرٸڭٸزگە سەنەمٸز», – دەدٸ ۆيتسە-مينيستر.
ەركٸن جۋاسبەك 1965 جىلى جامبىل وبلىسى بايزاق اۋدانى سارىباراق اۋىلىندا دٷنيەگە كەلگەن. 1982 جىلى الماتى مەملەكەتتٸك تەاتر-كٶركەمسۋرەت ينستيتۋتىنىڭ تەاتر فاكۋلتەتٸنە «دراما جەنە كينو اكتەرٸ» ماماندىعىنا وقۋعا تٷستٸ.
ەڭبەك جولىن قر ۇلتتىق عىلىم اكادەميياسىنىڭ م. ەۋەزوۆ اتىنداعى ەدەبيەت جەنە ٶنەر ينستيتۋتىندا اعا لابورانت بولىپ باستادى.
1990-1993 جىلدارى وسى ينستيتۋتتىڭ اسپيرانتۋراسىندا وقىدى. 1994 جىلى تەاترتانۋ سالاسى بويىنشا كانديداتتىق ديسسەرتاتسييا قورعاپ, اتالمىش ينستيتۋتتا عىلىمي قىزمەتكەر بولىپ جۇمىس ٸستەدٸ.
1996-1997 جىلدارى قازاقتىڭ ٶنەر مەسەلەسٸ بويىنشا عىلىمي ورتالىعىنا بٶلٸم مەڭگەرۋشٸ, 1997-1999 جىلدارى قر بٸلٸم جەنە مەدەنيەت مينيسترلٸگٸ مەدەنيەت كوميتەتٸنٸڭ «تەاتر جەنە كينو» بٶلٸمٸنٸڭ باستىعى بولدى.
1999-2001 جىلدارى رەسپۋبليكالىق نەمٸس دراما تەاترىنىڭ ديرەكتورى, 2001 جىلى م. ەۋەزوۆ اتىنداعى اكادەمييالىق دراما تەاترىندا ەكٸمشٸلٸك ديرەكتورى, 2004-2008 جىلدارى قر تەاتر قايراتكەرلەرٸ وداعىنىڭ تٶراعاسى بولدى.
2008 جىلى جەلتوقساننان 2013 جىلى سەۋٸرگە دەيٸن استانا قالاسىنداعى ق. قۋانىشباەۆ اتىنداعى مۋزىكالىق دراما تەاترىنىڭ ديرەكتورى, 2013 جىلدىڭ 1 سەۋٸرٸنەن م. ەۋەزوۆ اتىنداعى قازاقتىڭ مەملەكەتتٸك اكادەمييالىق دراما تەاترىنىڭ ديرەكتورى-كٶركەمدٸك جەتەكشٸسٸ قىزمەتٸنە تاعايىندالدى.
ەركٸن جۋاسبەكتٸڭ «ٷيلەنۋ», «كٷلەمٸز بە, جىلايمىز با?», «انتيۆيرۋس» پەسالارى رەسپۋبليكا تەاترلارىندا قويىلىپ كەلەدٸ.
