بٸلٸم بەرۋ ۇيىمدارىنا كەز كەلگەن ادام كەلٸپ, دٸني كٶزقاراسى جايلى دەرٸس وقي المايدى. بۇل تۋرالى بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى "ۇلت اقپارات".
جۋرناليستەر بٸلٸم مينيسترٸنەن ايتىسكەر اقىن, "اسىل ارنا" تەلەارناسىنىڭ ديرەكتورى مۇحامەدجان تازابەك مەكتەپ پەن كوللەدجدەردە دەرٸس وقي الا ما دەپ سۇرادى.
"مەكتەپتە ٸس-شارانى تەك مۇعالٸمدەر عانا ٶتكٸزە الادى. اتالعان جاعدايدا مۇحامەدجان تازابەك دەرٸس وقىدى دەۋ دۇرىس ەمەس. ٶيتكەنٸ ەشقانداي ٸس-شارا ٶتكٸزٸلگەن جوق. قازٸر مەن بٸرەۋ بٸر نەرسە جوسپارلادى دەپ ايتا المايمىن. ەگەر مەكتەپتە سونداي شارا ۇيىمداستىرىلعان بولسا, مەن جاۋاپ بەرەر ەدٸم. بٸراق, ەشتەڭە ٶتكٸزٸلگەن جوق, تالقىلايتىن دا مەسەلە جوق", - دەدٸ ايماعامبەتوۆ مەجٸلٸس كۋلۋارىندا.
ۆەدومستۆو باسشىسى كەز كەلگەن ادام بٸلٸم وشاقتارىنا كەلٸپ, دٸني كٶزقاراسى جايلى ايتا المايتىنىن ناقتىلادى.
"ەگەر دٸني نەمەسە باسقا دا مەسەلەلەردٸ مەڭزەپ تۇرساڭىز, وندا بٸزدٸڭ ايتارىمىز, بٸلٸم بەرۋ ۇيىمىنا كەز كەلگەن ادام كەلٸپ, دٸني كٶزقاراسى تۋرالى ەڭگٸمە ايتا المايدى. قازٸر ونداي جوق", - دەدٸ ول.
جۋىردا ايتىسكەر اقىن مۇحامەدجان تازابەكتٸڭ پوليتسەيلەرمەن كەزدەسۋٸندە سٶيلەگەن سٶزٸ جەلٸدە تاراپ, بٸراز ادامنىڭ اشۋىن تۋعىزعان ەدٸ. قازاقستاندىقتاردىڭ پٸكٸرٸنشە, اقىن پوليتسييا مەن ارمييانى حالىققا قارسى ايداپ سالىپ وتىر.
وسىدان كەيٸن تازابەك جەلٸدەگٸ پاراقشاسىندا ٶزٸن سىناپ-مٸنەگەندەرگە جاۋاپ بەردٸ.
ال ٸشكٸ ٸستەر مينيسترلٸگٸ تازابەكتٸڭ قۇقىق قورعاۋ ورگاندارىنىڭ قىزمەتكەرلەرٸنە وقىعان دەرٸسٸنەن كەيٸن تەكسەرٸس باستالعانىن مەلٸمدەدٸ.
