مۇحامەديۇلىن "جىنىستىق بوپسالادى" دەپ ايىپتاعان قىز داۋلى مەسەلەنٸ جالعاستىرمايتىنىن ايتىپ, ۆيدەو جارييالادى

قر مەدەنيەت جەنە سپورت مينيسترٸ ارىستانبەك مۇحامەديۇلىن "جىنىستىق بوپسالادى" دەپ ايىپتاعان قىز داۋلى مەسەلەنٸ جالعاستىرمايتىنىن ايتىپ, ۆيدەو جارييالادى, - دەپ حابارلايدى "ۇلت اقپارات" kaz.tengrinews.kz پورتالىنا سٸلتەمە جاساپ. ۆيدەونى Facebook جەلٸسٸنە Sholpan Ali دەگەن قولدانۋشى جٷكتەدٸ.

ۆيدەودا ەڭلٸك سىدىقوۆا "فەنيكس" فيلمٸنٸڭ رەجيسسەرلەرٸنٸڭ ٶز سٶزدەرٸن جوققا شىعارىپ, ٶز كٸنەلارىن مويىنداعاندىقتان, بۇل ٸستٸ جالعاستىرۋعا قاجەتتٸلٸك جوق دەپ ەسەپتەيتٸنٸن ايتادى. "مەن ەندٸ پٸكٸر بٸلدٸرٸپ, سۇحباتتار بەرگٸم كەلمەيدٸ", - دەيدٸ ول ۆيدەودا.

وسىدان كەيٸن ونىڭ ادۆوكاتى گٷلنارا جۋاسباەۆا سىدىقوۆانىڭ ۆيدەوسىن قولداپ, سٶز سٶيلەيدٸ. "مەن ونى (ەڭلٸك سىدىقوۆانى) قولدايمىن. كليەنتٸمنٸڭ قالاۋى مەن ٷشٸن زاڭ. ەگەر ول قالاماسا, مينيستردٸڭ تاقىرىبىن تالقىلاۋدىڭ قاجەتٸ جوق. رەجيسسەر ٶز كٸنەسٸن مويىنداعاندىقتان, مەن قولداۋ بٸلدٸرگەندەردەن, بۇل تاقىرىپتى قوزعاۋدى قالاماعان قارسىلاستاردان بۇل تاقىرىپتى قايتادان تالقىلاماۋدى سۇرايمىن. ەڭلٸك 24 جاستا. ونىڭ بار ٶمٸرٸ الدا. ونىڭ جەكە, وتباسىلىق ٶمٸرٸ جاقسى بولعانىن قالايمىن. وعان تەك باقىت تٸلەيمٸن. ول ماعان مٷددەمدٸ قورعاڭىز دەپ كەلگەندە بۇل مەسەلەمەن بٸرٸنشٸ كەزەكتە انا رەتٸندە, ەيەل رەتٸندە قولعا العان ەدٸم. انا ەرٸ ەيەل رەتٸندە وسى تاقىرىپتىڭ ەكٸ اي بويى ينتەرنەتتە شۋ شىعارعانى ٷشٸن كەشٸرٸم سۇرايمىن. ەندٸ وسى تاقىرىپتى تالقىلاۋدى قويۋعا ۋاقىت كەلدٸ (...)", - دەيدٸ ادۆوكات ۆيدەودا.

ەسكە سالايىق, تەمٸربەك جٷرگەنوۆ اتىنداعى قازاق ۇلتتىق ٶنەر اكادەميياسىنىڭ بۇرىنعى ستۋدەنتٸ ەڭلٸك سىدىقوۆا مينيستردٸ بٶتەن ويمەن تيٸستٸ دەپ ايىپتاعان بولاتىن. ۆيدەودا قىز 2011 جىلى مۇحامەديۇلى رەكتور بولعاندا اكادەميياعا اقشاعا تٷسٸرٸپ بەرەتٸنٸن ايتتى جەنە ەكٸۇشتى ۇسىنىستار ايتتى دەپ مەلٸمدەيدٸ. سٶيتٸپ, قىز "فەنيكس" فيلمٸنٸڭ رەجيسسەرٸنە قولداۋ بٸلدٸرەتٸنٸن ايتادى. ال مۇحامەديۇلى ٶز كەزەگٸندە بۇل مەلٸمدەمەنٸڭ شىندىققا جاناسپايتىنىن مەلٸمدەگەن. وسىدان كەيٸن باق-تاردا تاعى بٸر قىزدىڭ مينيسترٸ "تيٸستٸ" دەپ ايىپتاعانى جايلى حابار تارادى. ال كەيٸن قر مەدەنيەت جەنە سپورت مينيسترٸ ارىستانبەك مۇحامەديۇلى ار-نامىسى مەن ابىرويىن سوتتا قورعايتىن بولاتىنى حابارلاندى.

كەيٸن سىبايلاس جەمقورلىققا قارسى ٸس-قيمىل ۇلتتىق بيۋروسى "فەنيكس" كٶركەمفيلمٸنٸڭ تٷسٸرٸلٸمدەرٸنە بٶلٸنگەن قاراجاتتىڭ جىمقىرىلعانىن انىقتاپ, فيلمنٸڭ پروديۋسەرٸ, بەلگٸلٸ اكتەر تۇڭعىشباي جامانقۇلوۆتى ۇستادى. كەيٸن ول ٶز كٸنەسٸن تولىقتاي مويىنداپ, جىمقىرىلدى دەلٸنگەن 79 ميلليون تەڭگەنٸڭ 6 ميلليونىن قايتارعانى بەلگٸلٸ بولعان ەدٸ.