مەدەنيەت جەنە سپورت مينيسترٸ سوتقا بەرگەن ەڭلٸك سىدىقوۆانىڭ ادۆوكاتى داۋلى وقيعاعا قاتىستى پٸكٸر بٸلدٸردٸ, - دەپ حابارلايدى kaz.tengrinews.kz تٸلشٸسٸ. تاياۋدا مەدەنيەت جەنە سپورت مينيسترٸ ارىستانبەك مۇحامەديۇلىنىڭ ەڭلٸك سىدىقوۆانى سوتقا بەرگەنٸ بەلگٸلٸ بولدى.
قىزدىڭ ادۆوكاتى گٷلنارا جۋاسپاەۆا ونىڭ مٷددەسٸن سوتتا تەگٸن قورعاۋعا كەلٸسٸم بەرٸپ وتىر ەكەن. ەندٸ ول سوتتا قىزدىڭ ايتقان سٶزدەرٸن دەلەلدەۋگە تىرىسامىن دەيدٸ.
"ەرينە, قولىمىزدا كٶزٸر بار, ونى سوتتا جارييا ەتەمٸز. وقيعا تٸزبەگٸن باقىلاپ وتىرساڭىزدار, داۋ شىققان كەزدە, ەكٸنشٸ كٷنٸ مەن "ەگەر مينيستر ٶز قىزمەتٸنەن كەتپەي, ەڭلٸكپەن سوتتاساتىن بولسا, ەدٸلەتسٸز سوت بولادى" دەپ ايتقانمىن. ول قازٸر ەڭلٸككە تٸسٸن باتىرىپ, سوتتا جەڭٸپ شىعۋى ٷشٸن بارلىق ەكٸمشٸلٸك قۇرالدارىن قولدانىپ جاتىر", - دەپ مەلٸمدەدٸ قىزدىڭ ادۆوكاتى گٷلنارا جۋاسپاەۆا.
سونىمەن قاتار, ادۆوكات ەڭلٸك سىدىقوۆاعا جەنە ونىڭ تۋىستارىنا بەلگٸسٸز ادامدار قىسىم تٷسٸرٸپ جٷرگەنٸن, بۇعان دەيٸن مينيسترگە تاققان ايىپتارىن جوققا شىعارۋدى ۇسىنىپ جاتقانىن مەلٸمدەدٸ. "ولاردىڭ ٷيٸنە بٸرنەشە رەت بارىپ, ەڭلٸكتٸ استاناعا ۇشاقپەن جەتكٸزۋدٸ ۇسىنىپتى, استاناعا جەتكٸزٸپ, ولار ەڭلٸكتٸ ۆيدەوٷندەۋ جازعىزىپ, اقشا ٷشٸن جاسادىم دەگٸزگٸسٸ كەلگەن", - دەپ مەلٸمدەدٸ ادۆوكات.
ادۆوكات جۋاسپاەۆا سوتقا كۋەگەر رەتٸندە ەڭلٸك سىدىقوۆانى قولداۋعا دايىن ادامداردىڭ شاقىرتىلاتىنىن اتاپ ٶتتٸ. "ولار سوتقا كەلٸپ, كۋەگەر رەتٸندە سٶز سٶيلەۋگە, ەڭلٸكتٸ قولداۋعا ۋەدە بەردٸ. قىزدار كٶپ, سوتتا قانشا ادام بولاتىنىن ايتا المايمىن, بٸراق كٶپ. بٸز بارلىق ۆيدەونى كٶرسەتكەن جوقپىز. ساقتاي تۇرۋىمىز كەرەك", - دەپ حابارلادى ەڭلٸك سىدىقوۆانىڭ ادۆوكاتى.
ال مەدەنيەت جەنە سپورت مينيسترٸنٸڭ ادۆوكاتى ەسكەندٸر ەلٸمباەۆ ٶز كەزەگٸندە ەگەر ەڭلٸك سىدىقوۆا ايىپتاۋلارىن جوققا شىعارسا, مۇحامەديۇلى ارىزىن قايتارىپ الۋعا دايىن ەكەنٸن اتاپ ٶتتٸ. "شىنتۋايتىندا مينيستر ادامدى قىلمىستىق جاۋاپكەرشٸلٸككە تارتۋعا نيەتٸ جوق. ەگەر ول ٶز ايىپتاۋلارىن جوققا شىعارسا, مينيستر ارىزىن قايتارىپ الۋعا دايىن. جازالاۋعا نيەتٸ جوق. قىزدىڭ بٸر جاعدايلاردىڭ قۇربانى بولعانىن جاقسى تٷسٸنٸپ وتىرمىز, ونىڭ ايتىپ وتىرعان سٶزٸندە جاساندىلىق بار. ياعني ول ويلاعانىن ايتىپ وتىرعان جوق, الدىن الا دايىندالىپ قويعان مەتٸندٸ وقىپ وتىر. سوعان قاراعاندا وعان بٸرەۋ وسىنى ايت دەپ ەسەر ەتكەن سيياقتى. تٷرلٸ بولجام ايتۋعا بولادى. بٸراق بۇل قىزدىڭ بەلگٸسٸز بٸر جاعدايلاردىڭ قۇربانى بولۋى مٷمكٸن ەكەندٸگٸن جوققا شىعارمايدى", - دەدٸ مينيستردٸڭ ادۆوكاتى Tengrinews.kz تٸلشٸسٸنە.
ونىڭ ايتۋىنشا, مينيستر سوتقا ٶز نيەتٸمەن ەمەس, مەملەكەتتٸك قىزمەتكەر بولىپ, ٶز ابىرويىن قورعاۋعا مٸندەتتەلگەن سوڭ بەرٸپتٸ.
"مينيستر مەن ەڭلٸك سىدىقوۆا كەزدەسپەگەن بولۋى دا مٷمكٸن. سىدىقوۆا ٶز ايىپتاۋىندا وقۋ ورنىنا تٷسۋ ٷشٸن رەكتورمەن كەزدەسۋدٸ ۇيىمداستىرۋعا ونىڭ قابىلداۋ ەمتيحانىنا كەشٸگٸپ قالعانى سەبەپ بولعان دەيدٸ. الايدا, تاياۋدا باق-تاردا جارييا ەتٸلگەن مەلٸمەتتەرگە قاراعاندا, سىدىقوۆا 2011 جىلى بۇل وقۋ ورنىنا تٷسپەگەن. (...) 2011 جىلى ول قىزىلورداداعى باسقا بٸر وقۋ ورنىنا تٷسكەن. بٸراق ۆيدەوٷندەۋٸندە ول الماتىداعى وقۋ ورنىنا تٷسكٸسٸ كەلگەنٸن ايتادى", - دەپ مەلٸمدەدٸ ارىستانبەك مۇحامەديۇلىنىڭ ادۆوكاتى ەسكەندٸر ەلٸمباەۆ.
ەسكە سالايىق, وسىعان دەيٸن ت. جٷرگەنوۆ اتىنداعى قازاق ۇلتتىق ٶنەر اكادەميياسىنىڭ بۇرىنعى ستۋدەنتٸ ەڭلٸك سىدىقوۆا مينيستردٸ بٶتەن ويمەن تيٸستٸ دەپ ايىپتاعان بولاتىن. ۆيدەودا قىز 2011 جىلى مۇحامەديۇلى رەكتور بولعاندا اكادەميياعا اقشاعا تٷسٸرٸپ بەرەتٸنٸن ايتتى جەنە ەكٸۇشتى ۇسىنىستار ايتتى دەپ مەلٸمدەيدٸ. ال مۇحامەديۇلى ٶز كەزەگٸندە بۇل مەلٸمدەمەنٸڭ شىندىققا جاناسپايتىنىن مەلٸمدەگەن. وسىدان كەيٸن باق-تاردا تاعى بٸر قىزدىڭ مينيسترٸ "تيٸستٸ" دەپ ايىپتاعانى جايلى حابار تارادى. ال كەيٸن قر مەدەنيەت جەنە سپورت مينيسترٸ ارىستانبەك مۇحامەديۇلى ار-نامىسى مەن ابىرويىن سوتتا قورعايتىن بولاتىنى حابارلاندى.
