«رەجيسسەر تالعات جەنٸبەكوۆتٸ سوتقا بەرگەن مەدەنيەت جەنە سپورت مينيسترٸ ارىستانبەك مۇحامەديۇلى مورالدىق ٶتەماقى رەتٸندە رەجيسسەردەن 1 تەڭگە تٶلەۋدٸ تالاپ ەتٸپ وتىر», — دەپ حابارلايدى ۇلت.كز تٸلشٸسٸ.
مينيستردٸڭ قورعاۋشىسى ەسكەندٸر ەلٸمباەۆتٸڭ ايتۋىنشا, ا.مۇحامەديۇلىنىڭ تالاپ-ارىزى سوتقا 19 شٸلدە كٷنٸ ٶتكٸزٸلگەن.
«ٶزٸنٸڭ كونستيتۋتسييالىق قۇقىعىن پايدالانا وتىرىپ, 2016 جىلدىڭ 19 شٸلدەسٸندە مۇحامەديۇلى سوتقا شاعىمداندى جەنە ٶزٸنٸڭ ار-وجدانى مەن ٸسكەرلٸك رەپۋتاتسيياسىن قورعاۋدى تالاپ ەتتٸ. ٶز تالابىندا ا.مۇحامەديۇلى بۇعان دەيٸن ايتىلعان ەڭگٸمەنٸ جوققا شىعارىپ, مورالدىق زالال كەلتٸرگەنٸ ٷشٸن ايىپتالۋشىدان 1 تەڭگە كٶلەمٸندە سيمۆوليكالىق ٶتەماقى بەرۋٸن تالاپ ەتتٸ», — دەيدٸ ادۆوكات.
ە.ەلٸمباەۆتٸڭ ايتۋىنشا, جەنٸبەكوۆتٸڭ جارييالاعان بەينەٷندەۋٸندە قازاقستان رەسپۋبليكاسىنىڭ بيلٸگٸنە دە كٸر كەلتٸرٸلگەن. ول بيلٸك ٶكٸلدەرٸن ا.مۇحامەديۇلىنىڭ زاڭسىز ەرەكەتتەرٸنە كٶز جۇما قاراپ وتىر دەپ ايىپتايدى. «جەنٸبەكوۆ تاراتقان روليكتە ايتىلعان قازاقستان رەسپۋبليكاسىنىڭ بيلٸگٸ, مەدەنيەت جەنە اقپارات مينيسترٸ ارىستانبەك مۇحامەديۇلى تۋرالى دەرەكتەر شىندىققا جاناسپايدى», — دەيدٸ ەلٸمباەۆ.
ايتا كەتەيٸك, داۋ 2015 جىلدىڭ ماۋسىمىندا شىققان ەدٸ. «فەنيكس» فيلمٸن تٷسٸرۋشٸلەر قازاقستاننىڭ مەدەنيەت جەنە سپورت مينيسترلٸگٸن تٷسٸرٸلٸم جۇمىستارىن ٷزٸپ تاستادى دەپ ايىپتاعان ەدٸ. كەيٸن ولار ارىستانبەك مۇحامەديۇلىن رەسەيلٸك-امەريكالىق Aldamisa Entertainment كومپانيياسىمەن بٸرٸككەن «فەنيكس» جوباسى توقتاپ قالعانىنا بايلانىستى ايىپتاعان ەدٸ. تاياۋدا رەجيسسەر تالعات جەنٸبەكوۆ مۇحامەديۇلى بوپسالاۋمەن اينالىستى دەپ مەلٸمدەپ, ۆيدەو جارييالاعان بولاتىن. ايتۋىنشا, مينيستر فيلمدٸ قارجىلاندىرۋ ٷشٸن اقشا سۇراعان.
ەسكە سالايىق, وسىعان دەيٸن مينيسترلٸك ٶكٸلدەرٸ رەجيسسەر مەن مۇحامەديۇلىنىڭ اراسىندا شىققان داۋعا قاتىستى پٸكٸر بٸلدٸرگەن بولاتىن.
