قوستاناي وبلىسىنىڭ ەكٸمٸ ارحيمەد مۇحامبەتوۆ «قازاگرو» حولدينگٸ قارجى ينستيتۋتتارى الدىنداعى مٸندەتتەمەنٸ 2020 جىلدىڭ جەلتوقسانىنا دەيٸن ۇزارتۋعا مٷمكٸندٸك بەرگەنٸن مەلٸم ەتتٸ, دەپ حابارلايدى "ۇلت اقپارات".
«بيىل جازدىق ەگٸس كٶلەمٸ 4,7 ملن گا قۇرادى. دەندٸ داقىلدارمەن - 4 ملن گا جۋىق, ونىڭ ٸشٸندە 3,3 ملن گا - بيداي ەگٸستٸگٸمەن قامتىلعان. ەگٸس القاپتارىنىڭ قۇرىلىمىن ەرتاراپتاندىرۋدى جالعاستىرۋ شەڭبەرٸندە مايلى داقىلدار ەگٸستٸگٸ 510 مىڭ گەكتارعا دەيٸن ۇلعايتىلدى. ەگٸن جيناۋ جۇمىستارىنىڭ قورىتىندىسى بويىنشا 3 ملن توننا استىق باستىرىلدى. جينالعان استىق كٶلەمٸ شارۋاشىلىقتارعا بٸرٸنشٸ كەزەكتەگٸ قاجەتتٸلٸكتٸ جابۋعا, مال قىستاتۋدى جٷرگٸزۋگە, الداعى جىلدىڭ ەگٸس جۇمىستارىنا دايىندالۋعا مٷمكٸندٸك بەرەدٸ. بۇل رەتتە تۇقىم تولىق كٶلەمدە قامباعا قۇيىپ الىندى», - دەدٸ ارحيمەد مۇحامبەتوۆ وكق-دا ٶتكەن باسپاسٶز مەسليحاتىندا.
ەكٸمنٸڭ ايتۋىنشا, قۇرعاقشىلىقتان زارداپ شەككەن شارۋاشىلىقتارعا مەملەكەتتٸك قولداۋ كٶرسەتٸلگەن.
«قازاگرو» حولدينگٸ قارجى ينستيتۋتتارى الدىنداعى مٸندەتتەمەلەردٸ 2020 جىلدىڭ جەلتوقسانىنا دەيٸن ۇزارتۋعا مٷمكٸندٸك بەردٸ. كٶكتەمگٸ ەگٸس جەنە ەگٸن جيناۋ جۇمىستارىن جٷرگٸزۋگە الىنعان كرەديتتەر, تەحنيكا ليزينگٸ, مال شارۋاشىلىعىن دامىتۋدىڭ سالالىق باعدارلامالارى بويىنشا تٶلەمدەرگە جەڭٸلدٸك جاسالدى. وبلىستىڭ 4 قالاسى مەن 6 اۋدانىندا تەۋلٸگٸنە - 22,4 توننا, ايىنا - 673 توننا قالىپتىق ناندى پٸسٸرۋگە ارنالعان ۇنعا قاجەتتٸلٸكتٸڭ تەۋلٸكتٸك نورماسىمەن 25 ناۋبايحانا قامتىلدى. قۇرعاقشىلىق ايماعىنا كٸرەتٸن قالالار مەن اۋدانداردىڭ ەكٸمدٸكتەرٸ نان باعاسىن ۇستاپ تۇرۋ بويىنشا ٷشجاقتى مەموراندۋم جاساستى. قۇرعاقشىلىققا ۇشىراماعان ايماقتاردىڭ ەكٸمدٸكتەرٸ (8 اۋدان) ناۋبايحانالارمەن ەكٸجاقتى مەموراندۋمعا قول قويدى», - دەدٸ ول.
