فوتو: قر جازۋشىلار وداعى
قازاقتىڭ ۇلى اقىنى مۇقاعالي ماقاتاەۆتىڭ ەسٸمٸمەن اتالعان رەسپۋبليكالىق ەدەبي-مەدەني جەنە تانىمدىق «مۇقاعالي» جۋرنالىنىڭ جارىق كٶرە باستاعانىنا بيىل 20 جىل تولدى. وسى ايتۋلى داتاعا وراي قر ۇلتتىق كٸتاپحاناسىندا «مۇقاعاليتانۋدىڭ قاينار كٶزٸ» اتتى قالامگەرلەر مەن وقىرمان قاۋىمعا ارنالعان مەرەيتويلىق كەش ٶتتٸ, دەپ حابارلايدى Ult.kz.
شاراعا ەلدٸڭ رۋحاني ورتاسىندا جٷرگەن بٸرقاتار تۇلعالار قاتىستى. ولاردىڭ قاتارىندا قر پرەزيدەنتٸنٸڭ كەڭەسشٸسٸ مەلٸك وتارباەۆ, اقىن-دراماتۋرگ, مەملەكەت جەنە قوعام قايراتكەرٸ نۇرلان ورازالين, الماتى وبلىسى ەكٸمٸنٸڭ ورىنباسارى عاني مايلىباەۆ, الماتى قالاسى مەدەنيەت باسقارماسىنىڭ باسشىسى دانييار ەليەۆ, جۋرنالدىڭ العاشقى باس رەداكتورى, جازۋشى باتىق مەجيتۇلى, قازاقستاننىڭ حالىق جازۋشىسى سماعۇل ەلۋباەۆ, قوعام قايراتكەرٸ رىسبەك سەرسەنباي, اقىن ەرٸ كومپوزيتور ساعاتبەك مەدەۋبەكۇلى جەنە ٶزگە دە تانىمال قالامگەرلەر بولدى.
كەش بارىسىندا قازاقستان جازۋشىلار وداعىنىڭ باسقارما تٶراعاسى مەرەكە قۇلكەنوۆ مەرەيتوي يەلەرٸنە قۇتتىقتاۋ سٶز ارناپ, جۋرنالدىڭ ەدەبي كەڭٸستٸكتەگٸ رٶلٸنە جوعارى باعا بەردٸ. ول ٶز سٶزٸندە: «جيىرما جىل – ەدەبي باسىلىم ٷشٸن از ۋاقىت ەمەس. وسى كەزەڭ ٸشٸندە جۋرنال مۇقاعالي ماقاتاەۆتىڭ پوەتيكالىق مۇراسىن كەڭٸنەن ناسيحاتتاپ قانا قويماي, قازاق پوەزيياسىنىڭ ٶرٸسٸن كەڭەيتۋگە, جاس دارىنداردى تانىتۋعا, رۋحاني قۇندىلىقتاردى دەرٸپتەۋگە ەلەۋلٸ ٷلەس قوستى» – دەي وتىرىپ, شىعارماشىلىق ۇجىمعا قازاقستان جازۋشىلار وداعى اتىنان ارنايى سىي-سيياپات تابىستادى.
مۇقاعاليمەن بٸرگە قازاق راديوسىندا ديكتورلىق قىزمەت اتقارعان باقىتجان اتاكەلديەۆتٸڭ وقىعان جىرلارى كەشتٸڭ كٶركەم بولمىسىن تەرەڭدەتە تٷستٸ. سونداي-اق اقىننىڭ ۇلى جۇلدىز ماقاتاەۆ پەن كەلٸنٸ باقىتكٷل ايداروۆا جۋرنال ۇجىمىنا جٷرەكجاردى ىقىلاستارىن بٸلدٸرٸپ, اق تٸلەكتەرٸن جەتكٸزدٸ.
مەرەيتوي قۇرمەتٸنە بەلگٸلٸ ەنشٸ, «قۇرمەت» وردەنٸنٸڭ يەگەرٸ سۇلۋشاش نۇرماعامبەتوۆا اقىن «سارجايلاۋ» ەنٸن ورىنداپ, كەشتٸڭ سەنٸن كٸرگٸزدٸ.
شارا سوڭىندا «مۇقاعالي» جۋرنالىنىڭ قازٸرگٸ باس رەداكتورى, قازاقستاننىڭ ەڭبەك سٸڭٸرگەن قايراتكەرٸ, «قۇرمەت» وردەنٸنٸڭ يەگەرٸ دٷيسەن ماعلۇموۆ باسىلىمنىڭ بٷگٸنگٸ باعىت-باعدارى مەن بولاشاقتاعى جوسپارلارىنا توقتالىپ, وقىرمانعا قىزمەت ەتۋدٸ جالعاستىرا بەرەتٸنٸن ايتتى.
ۇلتتىق كٸتاپحانادا ٶتكەن بۇل مەرەيتوي زييالى قاۋىم, اقىن-جازۋشىلار, مەدەنيەت جەنە باق ٶكٸلدەرٸنٸڭ باسىن قوسىپ, «مۇقاعالي» جۋرنالىنىڭ ەل رۋحانيياتىنداعى ورنى مەن ميسسيياسىن تاعى بٸر مەرتە ايعاقتاعان ەرەكشە كەش رەتٸندە ەستە قالدى.
