ٶزٸنە عانا ەمەس, ٶزگەلەرگە دە قول ۇشىن سوزۋ. ٸ توپ مٷگەدەگٸ ەرلان ەدٸلبەكوۆ وسىنداي جولدى تاڭداعان. ول ومىرتقا زاقىمىن, ينسۋلت العان جەنە سال اۋرۋىنا شالدىققان ادامداردى وڭالتۋ جۇمىستارىمەن اينالىسادى.
ەرلان ەدٸلبەكوۆ 2019 جىلى ماۋسىم ايىندا «Start» سپورتتىق-ساۋىقتىرۋ ورتالىعىن اشقان.
«2018 جىلى بۇل ورتالىقتى ٷش ايعا پيلوتتىق رەجيمدە اشىپ, قالاي جۇمىس ٸستەۋ كەرەك ەكەنٸن تٷسٸنٸپ الدىق. ٶزٸم دە وسى جولدان ٶتكەندٸكتەن, ساۋىقتىرۋ جۇمىستارىنا قاتىستى ٷلكەن تەجٸريبەم بار. جاڭا جىلعا دەيٸن 20-عا جۋىق ادام ورتالىقتا ەم الدى. ەم الۋشىلاردىڭ كەيبٸرٸنٸڭ جانىندا كٷتۋشٸلەرٸ بولدى. بۇل ورتالىقتى تولىقتاي ٶز قاراجاتىما اشىپ, تٶسەك-ورىن, ستول, ورىندىق جەنە سپورت تەحنيكالارىمەن جابدىقتادىم. ەلٸمٸزدە 12 كٷن عانا وڭالتۋ جۇمىسىن جٷرگٸزەتٸن ورتالىقتار كٶپ, بٸراق 12 كٷن ەم الۋدىڭ ەش مەنٸ جوق. تولىق ەمدەلۋ ٷشٸن تۇراقتى تٷردە ەمدٸك فيزيكالىق شىنىعۋمەن اينالىسۋ كەرەك», - دەيدٸ وڭالتۋ ورتالىعىنىڭ باسشىسى.
ەرلان ەدٸلبەكوۆ سەمەي قالاسىندا ٶمٸرگە كەلٸپ, 2013 جىلى ەلورداعا كٶشٸپ كەلگەن.
2002 جىلى ول ٶزەندە جٷزٸپ جٷرگەندە مويىن ومىرتقاسىن سىندىرىپ العان. سونىڭ سالدارىنان ەكٸ اياعى مەن ەكٸ قولى تولىق سال بولىپ قالعان. قيىن سەتتە ەرلان اعاعا وتباسى تٸرەۋ بولعان. ونىڭ باۋىرى سول وقيعادان بەرٸ اعاسىنىڭ قاسىنان تابىلىپ, قولداۋ بٸلدٸرٸپ كەلەدٸ.
«قايعىلى جاعدايدان كەيٸن العاشقى التى جىل بويى تٶسەك تارتىپ جاتتىم. سول كەزدە مٷگەدەكتەر ارباسىنا وتىرۋدى ارمانداپ, ەلورداعا كەتۋدٸ ماقسات ەتتٸم. ماقساتىما جەتۋ ٷشٸن «پروگرامميست-تەحنيك» ماماندىعى بويىنشا ەكٸ جارىم جىل كوللەدجدە قاشىقتىقتان وقىپ, ديپلوم الدىم. ودان كەيٸن ەلەكتروندى ٷكٸمەتتە جۇمىس ٸستەپ, جەكە كەسٸپكەر بولىپ, مەملەكەتتٸك ساتىپ الۋ جەنە تەندەرمەن اينالىستىم», - دەيدٸ ول.
ۋاقىت ٶتە كەلە ول ٶز تەجٸريبەسٸن بٶلٸسۋ ماقساتىندا وڭالتۋ ورتالىعىن اشۋ تۋرالى شەشٸم قابىلدايدى. بۇل ورتالىقتا وڭالتۋ جۇمىستارىمەن اينالىسىپ قانا قويماي, ورتا جەنە جوعارى وقۋ ورنىنا تٷسۋگە كٶمەۋتەسٸپ, ترەنينگتەر ٶتكٸزٸپ, جەرگٸلٸكتٸ اتقارۋشى ورگاندارمەن بٸرلەسە وتىرىپ جۇمىسقا ورنالاسۋعا كٶمەكتەسەدٸ.
اتالعان ورتالىقتا جاتتىعۋ زالى, ماسساجعا ارنالعان بٶلمە, كٸر جۋاتىن, تاماق ٸستەيتٸن جەنە ۇيىقتايتىن بٶلمە بار.
«تاڭەرتەڭ ورتالىقتا جاتقان ادامدار ەمدٸك دەنە شىنىقتىرۋمەن اينالىسادى. كٷنٸنە ەكٸ رەت نۇسقاۋشىمەن بٸرگە جەكەلەي جۇمىس جٷرگٸزٸلەدٸ. ورتالىعىمىزعا پاۆلودار, ەكٸباستۇز, قىزىلوردا, اقتاۋ, اتىراۋ, سەمەي, الماتى, بالقاش, كٶكشەتاۋ, قاراعاندىدان كەلٸپ ەمدەلەدٸ. كٶبٸنە ومىرتقا زاقىمى, سال اۋرۋى جەنە ينسۋلت دياگنوزى بويىنشا كەلەدٸ. مىسالى, ي نسۋلت العان ادامدى جاتتىعۋ زالىنا المايدى. ولاردىڭ دەنەسٸنٸڭ بٸر جاق بٶلٸگٸ جانسىزدانىپ قالاتىندىقتان, ەرقايسىسىمەن ەرەكشەلٸكتەرٸنە قاراي جەكەلەي جۇمىس ٸستەيمٸز. بٸزگە كٶبٸنە اۋرۋحانادان ەم الىپ بولعان, ەندٸگٸ ەمدٸك دەنە شىنىقتىرۋدى قاجەت ەتەتٸن ادامدار كەلەدٸ. ايىنا 120 مىڭ تەڭگە تٶلەيدٸ, وعان ورتالىقتا تۇرۋ مەن تاماقتانۋى كٸرەدٸ», - دەيدٸ ەرجان ەدٸلبەكوۆ.
ول ەتكەن ەڭبەگٸ جەمٸسٸن بەرە باستاعانىن ايتتى.
«مىسال رەتٸندە ايتار بولسام, بٸزگە الماتىدان بٸر ەيەل كەلدٸ. ول ەكٸ رەت ينسۋلت العان, مٷگەدەكتەر ارباسىندا وتىردى. بٸز ونى تٶرت اي ٸشٸندە اياققا تۇرعىزدىق. ول ارنايى تٸرەك ارقىلى ٶز بەتٸمەن قوزعالىپ, جٷرە الادى. جاقىندا عانا ونى الماتىعا شىعارىپ سالدىق, ەندٸ بٸر ايدان كەيٸن تولىق ەمدەلۋ ٷشٸن قايتا كەلەدٸ. تاعى بٸر مىسال, 21 جاستاعى بوزبالا قولى تولىق جانسىزدانعان كٷيدە كەلدٸ. بٸزدٸڭ ورتالىقتاعى نۇسقاۋشىلاردىڭ ارقاسىندا ول ٷش اي ٸشٸندە قولىن قوزعالتا الاتىن دەرەجەگە جەتتٸ», - دەيدٸ ول.
ولار ٷشٸن باستى نەرسە - نەتيجە.
«بٸزگە تەحنيكالىق جاعىنان كٶمەكتەسكەندەر, جيھاز سىيلاعاندار بولدى. جۇمىس ٸستەي باستاعان 6 اي ٸشٸندە ەلٸمٸزدە مۇنداي ورتالىق قاجەت ەكەنٸ ايقىندالدى. ول دەنساۋلىق جاعدايىنا بايلانىستى كٶمەككە مۇقتاج ادامداردىڭ ٶمٸرگە بەيٸمدەلۋٸنە كٶمەكتەسەدٸ», - دەيدٸ ورتالىق باسشىسى.
ول ورتالىققا كەلگەن ەر اداممەن جەكە ەڭگٸمەلەسەتٸنٸن ايتتى.
«بٸزگە ەرتٷرلٸ جاستاعى ادامدار كەلەدٸ. ەر ناۋقاسپەن جەكە-جەكە سٶيلەسەمٸن. ولارعا ٷيگە قامالۋعا بولمايتىنىن, ەر سەتتٸ باعالاۋ كەرەك ەكەنٸن ايتامىن. ٷيدە تاپجىلماي جاتىپ, ساۋىعىپ كەتۋدٸ ارماندايتىندار بار. ونى ارمانداۋدىڭ ورنىنا, ەرەكەت ەتۋ كەرەك ەكەنٸن ايتامىن. بٸزدە مٷگەدەك ارباسىندا وتىرىپ-اق تۇرمىسقا شىعىپ, باقىتتى عۇمىر كەشٸپ جاتقان قىزىمىز بار. ەگەر ادامنىڭ نيەتٸ مەن تالپىنىسى بولسا, مٷگەدەك بولعانىنا قاراماستان تالاي بيٸكتٸ باعىندىرىپ, بيزنەسپەن دە اينالىسىپ, ساياحاتتاي دا الادى. مٷگەدەكتەر ارباسى ارمانعا جەتۋگە كەدەرگٸ ەمەس», - دەيدٸ ول.
ەرلان اعانىڭ ايتۋىنشا, بۇل جۇمىس ٶزٸنە شابىت سىيلايدى.
«مەن بٸر ورىندا وتىرا المايمىن. ٷنەمٸ قوزعالىستا جٷرٸپ ٷيرەنٸپ قالعانمىن. قازٸرگٸ جۇمىسىم كٶڭٸلٸمنەن شىعادى. الدىڭا كەلگەن ادامنىڭ دەنساۋلىعى جاقسارىپ, نەتيجە كٶرسەتكەن كەزدە جانىم تىنىشتالىپ, ادامدارعا كٶمەكتەسە العانىم ٷشٸن شٷكٸر ەتەم», - دەيدٸ ول.
