مەكتەپ وقۋشىلارى ٷشٸن 2020-2021 وقۋ جىلى 25 مامىردا اياقتالادى. مۇعالٸمدەردٸڭ دەمالىس ۇزاقتىعى ەش ٶزگەرٸسسٸز قالدى, دەپ حابارلايدى "ۇلت اقپارات" بٸلٸم جەنە عىلىم مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
بٷگٸن بٸلٸم جەنە عىلىم مينيسترلٸگٸنٸڭ اپپاراتتىق كەڭەسٸندە 2020-2021 وقۋ جىلىندا جازعى مەكتەپتٸ ۇيىمداستىرۋ مەسەلەلەرٸ بويىنشا تٷسٸنٸكتەمەلەر بەرٸلدٸ. تيٸستٸ بۇيرىققا قول قويىلىپ, پەداگوگتەرگە ارنالعان ەدٸستەمەلٸك ۇسىنىمدار بٸلٸم بەرۋ ۇيىمدارىنا جٸبەرٸلدٸ.
«بارلىق مەكتەپتە وقۋ جىلى 25 مامىردا اياقتالادى. سونىمەن بٸرگە 19 ماۋسىمعا دەيٸن جازعى مەكتەپتەر جۇمىس ٸستەيدٸ. بالالار ٶز قالاۋى بويىنشا, اتا-انالارىنىڭ ٶتٸنٸشٸمەن 19 ماۋسىمعا دەيٸن ساباقتارعا قاتىسا الادى. مۇعالٸمدەردٸڭ ەڭبەك دەمالىسىنا قاتىستى ەش ٶزگەرٸس بولمايدى. پەداگوگتەر ەدەتتەگٸدەي جازدا 56 كٷن دەمالادى. بارلىق جۇمىس زاڭ اياسىندا, قۇقىقتىق نورمالاردى ساقتاي وتىرىپ ۇيىمداستىرىلادى. بٸز كەلەسٸ جىلى دا پاندەمييانىڭ سالدارىن ەسكەرۋٸمٸز كەرەك. ى. التىنسارين اتىنداعى ۇلتتىق بٸلٸم اكادەميياسى تيٸستٸ جۇمىس اتقارۋى قاجەت», – دەپ اتاپ ٶتتٸ قر بٸلٸم جەنە عىلىم مينيسترٸ اسحات ايماعامبەتوۆ.
