1 قىركٷيەكتەن باستاپ Qazaqstan ۇلتتىق ارناسىنان «ەكٸ جۇلدىز» جوباسى قايتا ەفيرگە شىعادى, دەپ حابارلايدى "ۇلت اقپارات" تەلەارنانىڭ باسپاسٶز قىزمەتٸنە سٸلتەمە جاساپ.
«ەكٸ جۇلدىز» شوۋىندا تانىمال ەنشٸلەر مەن ٶزگە سالانىڭ ماماندارى ەن ايتىپ قانا قويماي, ەڭ مىقتى جۇپ رەتٸندە جەڭٸسكە جەتۋگە تالپىنادى. قاتىسۋشىلار اراسىندا بەلگٸلٸ سپورتشىلار, كينو جەنە تەاتر اكتەرلەرٸ, دەپۋتات, ۇستاز, ايتىسكەر اقىن, كەسٸپكەر مەن تەلەجٷرگٸزۋشٸلەر بار.
اتاپ ايتقاندا, جوبادان اكتەر, قر حالىق ەرتٸسٸ دوسحان جولجاقسىنوۆ, قر حالىق ەرتٸسٸ, تەاتر جەنە كينو اكتەرٸ تۇڭعىشباي جامانقۇلوۆ, قر پارلامەنتٸ مەجٸلٸسٸنٸڭ دەپۋتاتى مەرۋەرت قازبەكوۆا, ايتىسكەر اقىن ديدار قاميەۆ, تەلەجٷرگٸزۋشٸلەر ەيكەرٸم ەسەنەلٸ, قاراگٶز سٷلەيمەنوۆا, كەسٸپكەر لاريون ليان, بوكسشى, وليمپيادا جٷلدەگەرٸ ەدٸلبەك نييازىمبەتوۆ, تاەكۆوندوشى سەۆدا اليەۆا, قازاق تٸلٸ پەنٸنٸڭ مۇعالٸمٸ سەرگەي ۆورونتسوۆ, تەاتر جەنە كينو اكتەرلەرٸ قايرات ەدٸلگەرەي, مەرەكە قالباەۆا, گٷلباحرام احات, دەۋرەن ايدارقۇلوۆ, تەۋەكەل مٷسٸلٸم, داريعا بادىقوۆا جەنە بەرٸك تۇرسىنبەكوۆتىڭ ٶنەرٸن تاماشالاۋعا بولادى.
ولارمەن جۇپتاسىپ, بەسەكەگە تٷسەتٸن ەسترادا جۇلدىزدارى قاتارىندا ۇشقىن جامالبەك, اقبوتا كەرٸمبەكوۆا, اقبوتا نۇر, جٸگەر اۋىپباەۆ, قۋاندىق راحىم, نۇربولات ابدۋللين, سەرٸك يبراگيموۆ, زارينا التىنباەۆا, جۇبانىش جەكسەنۇلى, ايگٷل يمانباەۆا, سالتانات باقاەۆا, عازيزحان شەكەربەكوۆ, جەڭٸس ىسقاقوۆا, بالجان بيداش پەن «سلاۆيان بازارىنان» جٷلدەمەن ورالعان ەرنار سادىرباەۆ بار.
ەر كەزەڭ تٷرلٸ تاقىرىپتارعا بٶلٸنگەن - ۇلتتىق مۋزىكاداعى ايرىقشا تۇلعا شەمشٸ قالداياقوۆتىڭ جەنە اڭىزعا اينالعان «دوس-مۇقاسان» انسامبلٸنٸڭ ەندەرٸ «ەكٸ جۇلدىز» ساحناسىندا شىرقالادى.
«قاتىسۋشىلاردىڭ ٶنەرٸ ٷش ادامنان قۇرالعان قازىلار القاسىنىڭ جەنە زالدا وتىرعان كٶرەرمەننٸڭ ارنايى موبيلدٸ قوسىمشا ارقىلى بەرگەن داۋىس سانىمەن باعالانادى. قازىلار القاسى مەن كٶرەرمەننٸڭ داۋىسى 50/50 پايىز قۇقىققا يە. ەر باعدارلاما سايىن ەڭ از قولداۋعا يە بولعان بٸر جۇپ جوبامەن قوش ايتىسادى. قازىلار القاسىنىڭ تۇراقتى مٷشەسٸ - قازاقستاننىڭ ەڭبەك سٸڭٸرگەن قايراتكەرٸ, ەنشٸ تولقىن زابيروۆا», - دەلٸنگەن تەلەارنانىڭ رەسمي حابارلامادا.
باعدارلاما 21 قىركٷيەكتەن باستاپ ەر سەنبٸ سايىن 21:00-دە كٶرسەتٸلەدٸ.
ەسكە سالا كەتسەك, قىركٷيەك ايىندا ۇلتتىق ارنانىڭ 61-شٸ ماۋسىمى اشىلعان بولاتىن. جاڭا ماۋسىمدا Qazaqstan ارناسىنان 14 جاڭا جوبا ەفيرگە شىعادى. وسىعان دەيٸن كٶرەرمەن ىقىلاسىنا بٶلەنٸپ ٷلگەرگەن 10 باعدارلاما جاڭاشا فورماتتا قايتا ۇسىنىلدى.
