ەلەۋمەتتٸك مەديتسينالىق ساقتاندىرۋ قورىنىڭ ينفراقۇرىلىمدارى 2020 جىلى حالىققا كٶرسەتٸلەتٸن قىزمەتتەردٸ ساتىپ الۋعا تولىعىمەن دايىن. قور مەديتسينالىق ساقتاندىرۋ سالاسىنداعى وزىق تەجٸريبەلەردٸ قولدانىسقا ەنگٸزٸپ, جٷيەنٸ دامىتۋ جۇمىستارىن الداعى ۋاقىتتا دا توقتاتپايدى. بۇل تۋرالى وڭتٷستٸك استانادا مەديتسينالىق ساقتاندىرۋ مەسەلەلەرٸ جٶنٸندەگٸ ايماقتىق شتاب وتىرىسىندا «ەلەۋمەتتٸك مەديتسينالىق ساقتاندىرۋ قورى» كەاق باسقارما تٶراعاسى ايباتىر جۇماعۇلوۆ مەلٸمدەدٸ.
قور باسشىسى الداعى جىلى الماتىدا مەديتسينالىق كٶمەككە بٶلٸنەتٸن قاراجات بٸر جارىم ەسە ارتاتىنىن العا تارتتى.
«ناقتىراق ايتقاندا, 2019 جىلى قالا تۇرعىندارىنا مەملەكەتتٸك تاپسىرىس شەڭبەرٸندە كٶرسەتٸلەتٸن تەگٸن مەديتسينالىق كٶمەككە 114,9 ملرد تەڭگە بٶلٸنگەن بولسا, كەلەسٸ جىلى بۇل سوما 160,4 ملرد تەڭگەگە جەتپەك», - دەپ اتاپ ٶتتٸ ا. جۇماعۇلوۆ.
مسق تٶراعاسىنىڭ سٶزٸنە سٷيەنسەك, بۇل مەديتسينالىق ساقتاندىرۋ جٷيەسٸنٸڭ ەنگٸزٸلۋٸمەن تىعىز بايلانىستى.
بٸرەر ايدان كەيٸن تولىق ٸسكە قوسىلاتىن رەفورمانىڭ نەگٸزگٸ ماقساتى مەديتسينالىق قىزمەتتٸڭ ساپاسى مەن قولجەتٸمدٸلٸگٸن ارتتىرۋ بولعاندىقتان رەفورمانى اقپاراتتىق-تٷسٸندٸرۋ جۇمىستارىنا جٸتٸ كٶڭٸل بٶلٸنٸپ وتىر. وسىعان بايلانىستى الماتى ەكٸمدٸگٸ تۇرعىندار اراسىندا اقپاراتتاندىرۋ جۇمىستارىن كٷشەيتۋ جٶنٸندە ناقتى تاپسىرمالار بەردٸ.
«رەفورما قارساڭىندا قالا تۇرعىندارىنىڭ مەمس جايلى بٸلۋ دەڭگەيٸن كٶتەرۋٸمٸز قاجەت. ەسٸرەسە, بيرەسمي جۇمىس ٸستەيتٸن ازاماتتاردىڭ ستاتۋسىن انىقتاۋدىڭ ماڭىزى زور. سول سەبەپتٸ ەر تۇرعىنعا دۇرىس مەلٸمەت بەرۋ, سونداي-اق, تۋىنداعان سۇراقتارعا تولىققاندى جاۋاپ بەرۋ رەفورمانىڭ تابىستى جٷزەگە اسىرىلۋىنا سەپتٸگٸن تيگٸزەدٸ», - دەدٸ الماتى ەكٸمٸنٸڭ ورىنباسارى ەرجان باباقۇماروۆ.
سونىمەن قاتار, مەديتسينالىق ساقتاندىرۋ قورى جۋىق ارادا جەكە بايلانىس ورتالىعىن ٸسكە قوسپاق. 1406 بٸرىڭعاي بايلانىس ورتالىعى ساراپشىلارى حالىققا مەديتسينالىق كٶمەك پەن ساقتاندىرۋ جارناسىنا قاتىستى جان-جاقتى مەلٸمەت بەرٸپ, جۇرتشىلىقتان تٷسكەن ارىز-شاعىمدارمەن اينالىسادى.
ەستەرٸڭٸزگە سالا كەتسەك, «ەلەۋمەتتٸك مەديتسينالىق ساقتاندىرۋ قورى» كەاق كەپٸلدەندٸرٸلگەن تەگٸن مەديتسينالىق كٶمەك پەن ەلەۋمەتتٸك مەديتسينالىق ساقتاندىرۋ جٷيەسٸ شەڭبەرٸندە كٶرسەتٸلەتٸن قىزمەتتەردٸڭ قارجى وپەراتورى بولىپ تابىلادى.
