جامبىل وبلىسى مويىنقۇم اۋدانى قارابٶگەت اۋىلىنان 50 شاقىرىم قاشىقتىقتا مويىنقۇم ورمان جەنە جانۋارلار دٷنيەسٸن قورعاۋ مەكەمەسٸنٸڭ اۋماعىندا قۇمدى جەردە قۇرعاق شٶپ پەن سەكسەۋٸل جانىپ جاتىر. ٶرت سٶندٸرۋشٸلەر وسىمەن تٶرتٸنشٸ كٷن تٸلسٸز جاۋمەن ارپالىسۋدا, دەپ حابارلايدى "ۇلت اقپارات" تٶتەنشە جاعدايلار كوميتەتٸنە سٸلتەمە جاساپ.
ٶرتتٸ سٶندٸرۋگە تجد, «مويىنقۇم, بايزاق, مەركٸ, قوسقۇدىق, قورداي جەنە جۋالى ورمان جەنە جانۋارلار دٷنيەسٸن قورعاۋ مەكەمەلەرٸ» كمم, مويىنقۇم اۋدانىنىڭ ەرٸكتٸ ٶرت سٶندٸرۋ قۇرىلىمىنان 233 ادام جەنە 50 تەحنيكا, «قازاۆياورمانكٷزەتٸ» رمك مي-2 تٸكۇشاعى جۇمىلدىرىلدى.
21 شٸلدە تٷندەگٸ جاعداي بويىنشا ٶرتتٸڭ اۋماعى 34 مىڭ گەكتارعا جەتتٸ. ەلدٸ مەكەندەرگە قاۋٸپ جوق. بارلىق كٷش-قۇرالدار قاراۋىلداۋ جۇمىسىن جٷرگٸزۋدە. ٶرت ورنىندا ەكپٸنٸ سەكۋندىنا 10 مەترگە جەتەتٸن جەل سوعىپ تۇر, اۋا تەمپەراتۋراسى - +36 گرادۋس.
ايتا كەتەيٸك, ٶتكەن تەۋلٸكتە 33 تابيعي ٶرت وقيعاسى تٸركەلدٸ. شىعىس قازاقستان, جامبىل, قاراعاندى جەنە تٷركٸستان وبلىستارىنداعى 13 تابيعي ٶرت تجك باقىلاۋىندا, وندا ٶرتتەردٸ جويۋ بويىنشا شارالار قابىلدانۋدا.
بۇدان باسقا, ٶتكەن تەۋلٸكتە اقتٶبە, شىعىس قازاقستان, جامبىل, باتىس قازاقستان, قاراعاندى, قوستاناي پاۆلودار, سولتٷستٸك قازاقستان وبلىستارىنداعى تابيعي ٶرتتەر جويىلدى. اتالعان ٶڭٸرلەردە وت شارپىعان اۋماقتىڭ جالپى اۋدانى 403 گەكتاردى قۇرادى.
