ەلٸمٸزدە سوڭعى كٷندەردەگٸ اپتاپ ىستىققا بايلانىستى دالا ٶرتٸ جيٸلەدٸ. 19 شٸلدە كٷنٸ 31 تابيعي ٶرت وقيعاسى تٸركەلگەن, دەپ حابارلايدى "ۇلت اقپارات" تٶتەنشە جاعدايلار كوميتەتٸنە سٸلتەمە جاساپ.
اقتٶبە, جامبىل, شىعىس قازاقستان, قاراعاندى جەنە قوستاناي وبلىستارىندا ورىن العان 19 تابيعي ٶرت كوميتەت باقىلاۋىندا. ونى ماماندار سٶندٸرٸپ جاتىر.
ونىڭ ٸشٸندە ەڭ ٸرٸ ەكٸ تابيعي ٶرت جامبىل وبلىسىندا 18 مىڭ گا القاپتى شارپىدى. ەلدٸ مەكەندەرگە قاۋٸپ تٶنگەن جوق. ٶرتتٸ سٶندٸرۋگە اۋا رايى كەدەرگٸ بولىپ وتىر: +38 گرادۋس, جەل 17 م/س.
18 شٸلدە ساعات 9:36-دا مويىنقۇم اۋدانىنىڭ مويىنقۇم اۋىلىنان 180 شاقىرىمدا, قارابٶگەت اۋىلىنان 50 شاقىرىم قاشىقتىقتا ورمان جەنە جانۋارلار دٷنيەسٸن قورعاۋ جٶنٸندەگٸ مويىنقۇم مەكەمەسٸ اۋماعىندا قۇمدى جەردە 10 مىڭ گا اۋماقتا قۇرعاق شٶپ پەن سەكسەۋٸل جانعان.
ٶرتتٸ اۋىزدىقتاۋعا 219 ادام, 51 تەحنيكا جەنە 1 تٸكۇشاق جۇمىلدىرىلدى.
19 شٸلدە ساعات 13:00-دە ت.رىسقۇلوۆ اۋدانى قۇلان اۋىلىنان 100 شاقىرىم جەردە, لۋگوۆوي ورمان شارۋاشىلىعىنىڭ اۋماعىندا, قۇمدى جەردە قۇرعاق شٶپتٸڭ جانۋى ورىن الىپ, مەركە اۋدانى سارىقوبا ورمانشىلىعى اۋماعىنا ٶتٸپ, الدىن الا مەلٸمەت بويىنشا 8 مىڭ گا اۋماقتا ٶرت شىقتى.
ساعات 10:20-دا ٶرت اۋىزدىقتالدى. ونى سٶندٸرۋگە 177 ادام مەن 35 تەحنيكا تارتىلدى.
سونىمەن قاتار, ٶتكەن تەۋلٸكتە الماتى, اقتٶبە, باتىس قازاقستان, جامبىل, قاراعاندى, قوستاناي, پاۆلودار وبلىستارىندا قۇرعاق شٶپ جانعان.
