كارانتين كەزٸندە مونشادا كٶڭٸل كٶتەرگەن سىبايلاس جەمقورلىققا قارسى ٸس-قيمىل اگەنتتٸگٸنٸڭ اقمولا وبلىسى بويىنشا دەپارتامەنتٸنٸڭ لاۋازىمدى تۇلعالارىنا سوت 10 ايلىق ەسەپتٸك كٶرسەتكٸش كٶلەمٸندە ايىپپۇل تاعايىندادى, دەپ حابارلايدى "ۇلت اقپارات" قمولا وبلىستىق سوتىنىڭ باسپاسٶز قىزمەتٸنە سٸلتەمە جاساپ.
«2020 جىلعى سەۋٸردٸڭ 21-دە كٶكشەتاۋ قالالىق مامانداندىرىلعان ەكٸمشٸلٸك سوتى تٶتەنشە جاعداي رەجيمٸن بۇزعان جەمقورلىققا قارسى كٷرەس قىزمەتٸنٸڭ ٷش قىزمەتكەرٸنە ماكسيمالدى جازا تاعايىندادى. قر ەقبك 32 بابى سوتقا قۇقىق قورعاۋ ورگاندارىنىڭ قىزمەتكەرلەرٸنە قاماۋ جازاسىن تاعايىنداۋعا رۇقسات ەتپەيدٸ. اتالمىش قۇقىقبۇزۋشىلىقتى جاساۋ كەزٸندە ونىڭ قاتىسۋشىلارى قۇقىق قورعاۋ جٷيەسٸنٸڭ قىزمەتكەرلەرٸ بولدى. سوندىقتان سوت ر.تۇرعامبەكوۆ, ج.اقمولدين, ا.قاعارمانعا 10 ايلىق ەسەپتٸك كٶرسەتكٸش كٶلەمٸندە ايىپپۇل تٷرٸندە ماكسيمالدى جازا تاعايىندادى», - دەدٸ اقمولا وبلىستىق سوتىنىڭ باسپاسٶز حاتشىسى كٷلەش دومالاقوۆا.
سونىمەن قاتار, ول قالعان ەكەۋٸنٸڭ ٸسٸ ەرتەڭ قارالاتىنىن اتاپ ٶتتٸ.
ايتا كەتەيٸك, وسىعان دەيٸن حابارلاعانىمىزداي, اقمولا وبلىسى بويىنشا سىبايلاس جەمقورلىققا قارسى ٸس-قيمىل دەپارتامەنتٸنٸڭ لاۋازىمدى تۇلعالارى تٶتەنشە جاعداي كەزٸندە كٶكشەتاۋداعى مونشا كەشەنٸندە كٶڭٸل كٶتەرٸپ جاتقان جەرٸندە ۇستالعان ەدٸ.
كەيٸن قر سىبايلاس جەمقورلىققا قارسى ٸس-قيمىل اگەنتتٸگٸ اقمولا وبلىستىق دەپارتامەنتٸنٸڭ تەرگەۋ باسقارماسى قىزمەتكەرلەرٸنٸڭ تٶتەنشە جاعداي رەجيمٸن بۇزۋ فاكتٸسٸ بويىنشا قىزمەتتٸك تەكسەرۋ جٷرگٸزدٸ.
نەتيجەسٸندە 20 سەۋٸردە اگەنتتٸكتٸڭ ورتالىق اپپاراتىنىڭ تەرتٸپتٸك كوميسسيياسىنىڭ شەشٸمٸمەن وسى وقيعاعا قاتىسى بار جەمقورلىقپەن كٷرەس قىزمەتكەرلەرٸنٸڭ بارلىعى قىزمەتٸنەن قۋىلدى.
ال, وبلىستىق دەپارتامەنت باسشىسى م.تٶلەۋباەۆ جەكە قۇراممەن الدىن الۋ جۇمىسىن ناشار ۇيىمداستىرعانى ٷشٸن قىزمەتٸنە تولىق سەيكەس ەمەستٸگٸ تٷرٸندە جاۋاپقا تارتىلدى.
