ۇلان-باتىردا قازاقستاننىڭ تەۋەلسٸزدٸك كٷنٸنە ارنالعان سالتاناتتى قابىلداۋ ٶتتٸ, دەپ حابارلايدى "ۇلت اقپارات" موڭعوليياداعى قازاقستان ەلشٸلٸگٸنە سٸلتەمە جاساپ.
سالتاناتتى ٸس-شاراعا موڭعولييا ٷكٸمەتٸنٸڭ مٷشەلەرٸ, پارلامەنت دەپۋتاتتارى, ۇلان-باتىردا اككرەديتتەلگەن شەتەل ديپلوماتييالىق ٶكٸلدٸكتەرٸ مەن حالىقارالىق ۇيىمداردىڭ باسشىلارى, كٶرنەكتٸ قوعامدىق قايراتكەرلەر, عىلىم مەن مەدەنيەت قايراتكەرلەرٸ, سونداي-اق قازاق دياسپوراسىنىڭ جەنە جەرگٸلٸكتٸ باق ٶكٸلدەرٸ قاتىستى.
«شارانى اشقان ەلشٸ جالعاس ەدٸلباەۆ قازاقستاننىڭ تەۋەلسٸزدٸك جىلدارىندا قول جەتكٸزگەن جەتٸستٸكتەرٸ مەن ونىڭ باي مۇراسى جٶنٸندە باياندادى. ەلشٸ سونداي-اق, قازاقستان ٶزٸنٸڭ كٶپجاقتى جەنە بەيبٸت سىرتقى ساياساتىمەن, ساياسي تۇراقتىلىعىمەن, حالىقتار دوستىعىمەن جەنە قارقىندى دامىپ جاتقان ەكونوميكاسىمەن ەلەمگە ەيگٸلٸ ەكەنٸن اتاپ ٶتتٸ» دەلٸنگەن حابارلامادا.
جالعاس ەدٸلباەۆ ەكٸجاقتى ىنتىماقتاستىقتىڭ دامۋىنا جاڭا سەرپٸلٸس بەرگەن موڭعولييانىڭ پرەمەر-مينيسترٸ ۋ.حٷرەلسٷحتىڭ قازاقستانعا رەسمي ساپارىن ەرەكشە اتاپ ٶتتٸ.
باس قوناق رەتٸندە قاتىسقان موڭعولييانىڭ سىرتقى قاتىناستار مينيسترٸ د.تسوگتبااتار ٶز سٶزٸندە قازاقستاندىق-موڭعول قاتىناستارىنىڭ دامۋىنا جەنە قازاقستاننىڭ حالىقارالىق ساحناداعى تىڭ باستامالارىنىڭ جٷزەگە اسىرىلۋىن جوعارى باعالادى. سٶز سوڭىندا موڭعولييانىڭ سىرتقى ساياسات ۆەدومستۆوسىنىڭ باسشىسى ەكٸ مەملەكەتتٸڭ اراسىنداعى قاتىناستاردىڭ ودان ەرٸ جان-جاقتى دامۋىنا سەنٸم بٸلدٸردٸ.
مەيمانداردىڭ نازارىنا قازاقستان تۋرالى بەينەفيلم مەن فوتوكٶرمە, سونداي-اق قازاق دياسپوراسىنىڭ ٶكٸلدەرٸ ورىنداۋىندا ۇلتتىق ەۋەندەر ۇسىنىلدى.
