موڭعولييا مەن قىتايدان كەلەتٸن يمميگرانتتار سانى رەكوردتىق دەڭگەيگە جەتتٸ

فوتو: metropoliten.by

2024 جىلدىڭ العاشقى ٷش توقسانىندا قىتايدان قازاقستانعا تۇراقتى تۇرۋعا 1451 ادام, ال موڭعولييادان 1088 ادام كەلگەن, دەپ حابارلايدى DATA HUB. ەكٸ جاعدايدا دا 2023 جىلدىڭ سول ايلارىمەن سالىستىرعاندا ٶسٸم شامامەن ٷش ەسە ارتقان: قىتايدان كەلۋشٸلەر سانى 177%-عا, ال موڭعولييادان 172%-عا كٶبەيگەن.

قىتايدان كەلگەن يمميگرانتتار سانى 2017 جىلدان بەرٸ ەڭ جوعارى كٶرسەتكٸشكە جەتكەنٸمەن, 2020 جىلمەن سالىستىرعاندا بار بولعانى توعىز ادامعا كٶپ. ال موڭعولييا جاعدايىندا بۇل شىنىمەن رەكورد بولىپ وتىر – 2011 جىلدان بەرٸ قازٸرگٸ كٶرسەتكٸشتەرگە جاقىن ساندار بولماعان.

بۇل رەتتە قازاقستاننان قىتايعا جەنە موڭعوليياعا كەتكەندەر سانى ەدەتتەگٸدەي از, سوندىقتان كٶشٸ-قون سالدوسى – كەلۋشٸلەر سانى مەن كەتۋشٸلەر سانىنىڭ ايىرماسى بويىنشا – جاعداي كەلۋشٸلەر سانىنا ۇقساس.

ەندٸ يمميگرانتتاردىڭ ٶزٸنە توقتالايىق. ولار كٸمدەر جەنە قاي ايماقتارعا قونىستاندى?

• - قىتايدان دا, موڭعولييادان دا كەلگەندەردٸڭ باسىم كٶپشٸلٸگٸ قازاقتار (98% جەنە 99% سەيكەسٸنشە).
• - قىتايدان كەلگەن يمميگرانتتاردىڭ جارتىسى استانا نەمەسە الماتى قالالارىنا قونىستانعان (الماتىعا سەل كٶبٸرەك), ال تاعى ەر بەسٸنشٸسٸ الماتى وبلىسىندا تۇراقتاعان.
• - موڭعولييادان كەلگەندەر ٷشٸن ەڭ تانىمال ايماق – اقمولا وبلىسى (33%), ال استانالارعا جالپى سانىنىڭ ٷشتەن بٸر بٶلٸگٸنەن كٶبٸ ورنالاستى (استاناعا 23% جەنە الماتىعا 13%).

ايتا كەتسەك, بيىلعى جىلدىڭ العاشقى ٷش توقسانىندا ەرتٷرلٸ ەلدەن قازاقستانعا جالپى سانى 20,4 مىڭ يمميگرانت كەلگەن, بۇل 2023 جىلدىڭ قاڭتار-قىركٷيەگٸمەن سالىستىرعاندا 6,5%-عا كٶپ. كەتكەندەر سانى شامامەن 10,2 مىڭ ادامدى قۇراپ, بٸر جىل بۇرىنعىدان 20%-عا ازايدى, سوندىقتان كٶشٸ-قون سالدوسى (كەلگەندەر مەن كەتكەندەر ايىرماسى) بٸردەن 59%-عا ٶسٸپ, شامامەن 10,2 مىڭ ادامدى قۇرادى.