پرەزيدەنت تاپسىرعان داعدارىسقا قارسى ٸس-شارالار تولىق ورىندالۋى تيٸس. مەملەكەت باسشىسى قاسىم-جومارت توقاەۆتىڭ داعدارىسقا قارسى ٸس-شارالار جٶنٸندەگٸ مەلٸمدەمەسٸنە وراي جازۋشى, «دەنساۋلىق» جۋرنالىنىڭ باس رەداكتورى مولداحمەت قاناز وسىنداي پٸكٸر بٸلدٸردٸ.
«بٷگٸنگٸ ەل باسىنا تٷسكەن جاعداي – وڭاي شارۋا ەمەس. جۇقپالى اۋرۋ ادامدى, قىزمەتٸڭدٸ, دەرەجەڭدٸ تاڭدامايدى. ۆيرۋس مٷمكٸندٸگٸنشە كٶپ تاراۋعا تىرىسادى, ۆيرۋستىڭ تابيعاتى سولاي. ونىڭ قاۋپٸ كٶزگە كٶرٸنبەيدٸ, ەمٸ – قيىن. ەڭ جامانى – بۇل ۆيرۋستىڭ ۆاكتسيناسى تابىلعان جوق, سول سەبەپتٸ بٸراز ەۋرە-سارساڭعا سالۋى مٷمكٸن. مەن دە ٷلكەن كٸسٸ, وسى ەلدٸڭ ازاماتى ەسەبٸندە حالىققا جانىم اشيدى. قازاق حالقى – سالعىرتتاۋ, «بٸر قۇداي امان الىپ قالار», «ٷكٸمەت ٶلتٸرمەيدٸ عوي» دەپ جٷرە بەرەدٸ. وسى سالعىرتتىق بٸزگە زييان بولۋى مٷمكٸن», - دەيدٸ جازۋشى.
ونىڭ پايىمىنشا, قازٸرگٸ كٷنٸ دەرت قارقىنىن بەسەڭدەتٸپ كەلەدٸ. ال بۇعان مەملەكەت تاراپىنان بولعان قامقورلىق, دەر كەزٸندە قابىلداعان شارالار ٶز سەپتٸگٸن تيگٸزٸپ وتىر.
«كەشە پرەزيدەنتٸمٸز قاسىم-جومارت توقاەۆ بۇل مەسەلەنٸ قايتا قاراپ, تاعى بٸرسىپىرا قوسىمشا شارالار تاپسىردى. ونىڭ تاپسىرمالارى جٷزەگە اساتىنى سٶزسٸز. پرەزيدەنت مەلٸمدەمەسٸندە حالىقتىڭ باسى-قاسىندا جٷرگەن دەرٸگەرلەرگە قامقورلىق ەرەكشە بولاتىنىنا نازار اۋداردى. بۇل – ٶتە ورىندى, دۇرىس شەشٸم. ولاردىڭ دا وتباسى, ٶز ٶمٸرٸ بار. بۇرىن قوعامنىڭ دەرٸگەرلەرگە دەگەن رەنٸشٸ بولىپ تۇراتىن. وسى جولى دەرٸگەرلەر شىندىعىندا وتانسٷيگٸشتٸك, پاتريوتتىق مٸنەز تانىتىپ وتىر. دەرٸگەرلەرگە سەنۋ كەرەك جەنە كٶمەك كٶرسەتۋ كەرەك», - دەيدٸ ول.
سونىمەن قاتار, مولداحمەت قاناز قوسىمشا شارا رەتٸندە پرەزيدەنت شەشٸمٸن قولدايتىنىن بٸلدٸردٸ.
«قارجى – حالىقتىڭ قازىناسى. مەملەكەت باسشىسىنىڭ حالىقتىڭ ٶز قازىناسىن ٶزٸنە جۇمساعانى ٶتە ورىندى. پرەزيدەنت قاسىم-جومارت توقاەۆتىڭ بۇل شەشٸمٸن قولدايتىنىم سٶزسٸز. جالپى بۇنداي جاعدايدا اۋىزبٸرشٸلٸك, تٷسٸنٸستٸك كەرەك, ايتىلعان تاپسىرمالار تولىق ورىندالۋى تيٸس», - دەيدٸ ول.
سٶز سوڭىندا جۋرنالدىڭ باس رەداكتور سالاۋاتتى ٶمٸر سالتى, بۇقارانىڭ ساۋلىعى تۋرالى توقتالا كەلە, بۇل باعىتتا باق كٶتەرەر جٷگٸ جەڭٸل ەمەس ەكەنٸن اتاپ ٶتتٸ.
«دەنساۋلىق – زور بايلىق» دەگەندٸ بەرٸ ايتادى. «ساقتانساڭ – ساقتايدى» دەگەن ەڭگٸمە دە بۇرىننان كەلە جاتىر. دەنساۋلىق ساقتاۋدىڭ ەڭ نەگٸزگٸ پرينتسيپتەرٸنٸڭ بٸرٸ – الدىن الۋ, قامدانۋ, سالاماتتى ٶمٸر سٷرۋ. وسى ماڭىزدى باعىتتى دەرٸپتەپ, ناسيحاتتاپ جٷرگەن «دەنساۋلىق» جۋرنالى تۋرالى دا سٶز قوسا كەتكٸم كەلەدٸ. وسىدان 25 جىل بۇرىن ەلٸمٸزدە 200 مىڭ دانامەن تاراعان انا تٸلٸمٸزدەگٸ جالعىز جۋرنال وسى بولاتىن. بۇل جۋرنالعا مەملەكەت تاراپىنان قولداۋ بولسا دەيمٸن. حالىق ٶز دەنساۋلىعى تۋرالى ناعىز مامانداردان شىنايى اقپاراتتى بٸلٸپ, وقىپ, ودان وي تٷيٸپ وتىرۋى كەرەك. مىنا ٸندەت تە دەنساۋلىق پەن اقپارات سالاسىنداعى ساياساتقا جاقسى ٶزگەرٸستەر ەكەلەدٸ دەپ ٷمٸتتەنەمٸن», - دەيدٸ مولداحمەت قاناز.
