ٶزبەكستان پرەزيدەنتٸ شاۆكات ميرزييوەۆ قاراقالپاقستاننىڭ ەگەمەن مەرتەبەسٸن ساقتاۋ قاجەتتٸگٸن مەلٸمدەدٸ. بٸر كٷن بۇرىن قاراقالپاقستان استاناسى نٷكٸس پەن رەسپۋبليكانىڭ ٶزگە قالالارىندا جاپپاي نارازىلىق تۇتانعان بولاتىن.
ٶزبەكستان پرەزيدەنتٸنٸڭ باسپاسٶز قىزمەتٸنٸڭ مەلٸمەتٸنە سەيكەس, 2 شٸلدەدە نٷكٸس قالاسىنا كەلگەن ميرزييوەۆ رەسپۋبليكانىڭ جوعارعى ورگان ٶكٸلدەرٸمەن, اقساقالدار القاسى مٷشەلەرٸمەن كەزدەسكەن.
"كونستيتۋتسيياعا ەنەتٸن ٶزگەرتۋلەر مەن تولىقتىرۋلاردى تالقىلاۋ پروتسەسٸ جالعاسىپ جاتقاندىقتان جەنە قاراقالپاقستان تۇرعىندارىنىڭ پٸكٸرٸن ەسكەرە وتىرىپ, پرەزيدەنت ٶزبەكستان رەسپۋبليكاسى كونستيتۋتسيياسىنىڭ 70, 71, 72, 74, 75 باپتارىن ٶزگەرٸسسٸز قالدىرۋ قاجەتتٸگٸن اتاپ ٶتتٸ" دەپ جازىلعان پرەزيدەنتتٸڭ باسپاسٶز قىزمەتٸنٸڭ حابارلاماسىندا.
مەسەلە قاراقالپاقستاننىڭ مەرتەبەسٸنە قاتىستى باپتار تۋرالى بولىپ وتىر. نەگٸزگٸ زاڭنىڭ قازٸرگٸ نۇسقاسىنا سەيكەس, قاراقالپاقستاننىڭ ەگەمەن مەرتەبەسٸ بار جەنە ول جالپىحالىقتىق رەفەرەندۋم ٶتكٸزۋ ارقىلى ٶزبەكستان قۇرامىنان شىعۋ قۇقىعىنا يە. ٶتكەن اپتا سوڭىندا تالقىلاۋعا شىعارىلعان كونستيتۋتسييا جوباسىندا قاراقالپاقستان سۋۆەرەنيتەتٸ مەن ونىڭ ٶزبەكستاننان بٶلٸنٸپ شىعۋ قۇقىعى تۋرالى نورمالار الىنىپ تاستالعان بولاتىن. بۇل قاراقالپاقستان حالقىنىڭ اشۋ-ىزاسىن تۋعىزىپ, سوڭى جاپپاي نارازىلىققا ۇلاسقان ەدٸ.
1 شٸلدە كٷنگٸ نٷكٸستەگٸ ميتينگٸگە مىڭداعان ادام قاتىسقان. اقپاراتقا قاراعاندا, نارازىلىق كٷشپەن باسىلعان. قاراقالپاقستان بيلٸگٸ "تەرتٸپسٸزدٸك", "مەملەكەتتٸك ورگانداردى كٷشپەن باسىپ الۋ تالپىنىسى" بولعانىن ايتىپ, "سىرتقى كٷشتەردٸڭ جاعدايعا ىقپال ەتۋگە تىرىسقانىن" مەلٸمدەدٸ. بيلٸكتٸڭ ايتۋىنشا, ميليتسيياعا قارسىلىق كٶرسەتكەندەر ۇستالعان. الايدا ناقتى قانشا ادامنىڭ ۇستالعانىن اشىپ ايتپادى. "سىرتقى كٷشتەر" دەپ كٸمدٸ مەڭزەگەنٸن دە ناقتىلامادى.
اقپاراتقا قاراعاندا, قاراقالپاقستان قالالارىندا نارازىلىق 2 شٸلدەدە دە جالعاسقان. رەسپۋبليكادا ينتەرنەت بايلانىسى ناشارلاپ, كەي جەرلەردە مٷلدە ٶشٸرٸلگەن.
نارازىلىق تۇتانعان شاقتا ٶزبەكستان قازاقستاننىڭ ماڭعىستاۋ وبلىسىمەن شەكتەسەتٸن ٶتكٸزۋ بەكەتٸن جاپتى. رەسمي تٷردە بۇل قادام "اقپاراتتىق جٷيەنٸڭ ٸستەن شىعۋىمەن" بايلانىستىرىلدى. قازاقستان ۇقك قاراقالپاقستان – بەينەۋ (ماڭعىستاۋ ستانتسيياسى) باعىتى بويىنشا تەمٸر جول قاتىناسىن توقتاتۋ دا جوسپارلانىپ وتىرعانىن مەلٸمدەدٸ.
ايتا كەتەيٸك, قاراقالپاقستان قازاقستاننىڭ ماڭعىستاۋ, اقتٶبە جەنە قىزىلوردا وبلىستارىمەن شەكتەسەدٸ. ٶزبەكستان اۋماعىنىڭ 40 پايىزىن الىپ جاتقان رەسپۋبليكادا ەكٸ ميلليونعا جۋىق ادام تۇرادى, ولاردىڭ اراسىندا قاراقالپاقتار, ٶزبەكتەر جەنە قازاقتار بار. قاراقالپاق تٸلٸ تٷركٸ تٸلدەردٸڭ ٸشٸندە قىپشاق توبىنا جاتادى, قازاق تٸلٸمەن قاتتى ۇقساس.
