9 مامىردا مينسك ورتالىعىندا ەكٸنشٸ دٷنيەجٷزٸلٸك سوعىستىڭ اياقتالۋىنا 75 جىل تولۋىنا وراي ەسكەري پاراد ٶتتٸ. بەلارۋس استاناسىندا سەنبٸ كٷنٸ تٷرلٸ مەرەكەلٸك شارالار جوسپارلانعان.
مۇندا پاندەميياعا قاراماستان جٷزدەگەن, بٸرنەشە مىڭ ادام قاتىسقان قوعامدىق شارالار ٶتٸپ جاتىر, وپپوزيتسييا بيلٸكتٸ حالىقتىڭ دەنساۋلىعىنا نەمقۇرايلى قارادى دەپ ايىپتادى.
بەلارۋستە رەسمي تٷردە 21 101 ادامنان كوروناۆيرۋس تابىلعان. 121 ادام قايتىس بولعان. 5484 ادام جازىلعان. كەيبٸر ساراپشىلار رەسمي ورىندار ستاتيستيكانى تٶمەندەتٸپ كٶرسەتتٸ دەپ ايىپتادى. ەلدە كوروناۆيرۋسقا بايلانىستى كارانتيندٸك شارالار ەنگٸزٸلمەگەن, بيلٸك ماسكا مەن رەسپيراتورلار جەتٸسپەيتٸنٸن مويىنداعان.
مينسكٸدە سەنبٸ كٷنگٸ پارادقا شامامەن 3 مىڭ سارباز جەنە 150-دەن استام تەحنيكا قاتىسقان. ونداعان مىڭ ادام پارادتى تاماشالاۋعا كەلگەن. مينسكٸدەن بٶلەك ٶزگە قالالاردا دا مەرەكەلٸك شارالار ٶتتٸ.
حالىق الدىندا سٶيلەگەن پرەزيدەنت الەكساندر لۋكاشەنكو پاراد بۇل مەملەكەتتٸڭ كٷشٸن كٶرسەتەتٸن شارا ەمەس - تاريحتاعى ەرلٸك وقيعالاردى ەستە ساقتاۋ ٷشٸن قاجەت دەدٸ.
"مىناداي شىم-شىتىرىق ەلەمدە وسىنداي كيەلٸ شارانى ٶتكٸزگەنٸمٸز ٷشٸن بٸزدٸ ايىپتايتىندار تابىلادى. ولارعا ادام سيياقتى ايتقىم كەلەدٸ: قورىتىندى جاساۋعا اسىقپاڭىزدار, بٸزدٸ - جەڭٸس مۇراگەرلەرٸن, بەلارۋستەردٸ ايىپتاۋعا اسىقپاڭىزدار. بٸزدە باسقا جول بولمادى. بولعان كٷننٸڭ ٶزٸندە دە وسىلاي جاسار ەدٸك" دەدٸ لۋكاشەنكو. پرەزيدەنتتٸڭ سٶزٸنەن «بەلورۋسسكيي پارتيزان» باسىلىمى ٷزٸندٸ كەلتٸردٸ.
- بەلارۋس پارلامەنتٸنٸڭ تٶمەنگٸ پالاتاسى جاقىندا پرەزيدەنت سايلاۋىن 9 تامىزعا بەلگٸلەگەن.
- رەسەيدە جەڭٸستٸڭ 75 جىلدىعىنا ارنالعان قوعامدىق شارا كەيٸنگە شەگەرٸلگەن. سەنبٸ كٷنٸ ٸرٸ قالالاردا ەۋە پارادتارى ٶتتٸ.
- قازاقستاندا 16 ناۋرىزدان باستاپ كوروناۆيرۋسقا بايلانىستى تٶتەنشە جاعداي جارييالانعان, قوعامدىق شارا ٶتكٸزۋگە تىيىم سالىنعان.
